«Башкортстан– туган төягем.»

Тема творческой работы:
«Башкортстан– туган төягем.»








Выполнила: Батталова Азалия
обучающаяся 9 класса МБОУ СОШ
с. Бакаево муниципального района
Кушнаренковский район
Республики Башкортостан


Руководитель: учитель татарского языка и
литературы Садыкова Валима Виловна.





2019

«Безнең яклар – дала, урман ягы

Офыкларга җитә кырлары.
Безнең яклар – кояш, җир ягы»

Һәрбер кеше үзенең туган илен үзенчә сөя, аны үзенчә зурлый. Ни өчен мин үземнең Башкортстанымны чын күңелдән яратам соң? Чөнки һәр бер кеше үзенең мәхәббәтен язуда гына булмасын, аның йөрәге һәрвакыт туган йортына, урманнарына, кырларына тартыла.

Һәркемгә үз туган ягы йөрәгенә бик якын һәм кадерле. Кайда гына булсаң да ,нинди генә матур җирләрне күрсәң дә күңел барыбер үз туган ягына тартачак, чөнки монда табигать та матуррак, һава да чистарак. Безнең өчен зур горурлык шулдыр – кем генә Башкортстанга кунак булып килмәсен барсында мондагы яшел куе урманнар, саф чиста сулы елгалар, бөек Урал таулары һәм кунакчыл, нечкә күңелле башкорт халкы таң калдыра.
Җәйләрен тугаенда, үзенә генә хас матурлык белән, шомырт, балан, карлыган куаклары яшеллеккә күмелә. Шул куаклар арасыннан боргалана – боргалана елгалар ага.
Табигать аңа ниләр генә бүләк итмәгән: җәнлек төяге булган урманнар, кылганлы далалар, матур елгалар, саф сулы чишмәләр һәм күлләр искиткеч төннәр.
Башкортстан үзенең йомартлыгы белән дә байлыгы белән дә куңелебезнең иң түрендә чәчәк атучы гөл ул. Кая гына барсам да кояш нурлары синдәге кебек җылыны бирә алмый миңа. Илебезнең бер җирендә дә Башкортстандагы кебек тәмле корт балы, салкын кымызлар да юк.
Үкенечкә каршы, күп вакытта соклануларым кызгану белән алмашына. Табигатка битараф калуыбыз эчне пошыра, йөрәкне яндыра.
Әйе, шул гүзәллекнең елдан - ел кәми, юкка чыга баруын күреп, күңел әрни.
Яз көннәре җиткәч тә җирне төрле агулы ашламалар белән ашлыйлар. Алар зур – зур капчыкларда ятып кала, яңгыр сулары белән елгаларга агып төшә. Агулы суда тынчыгып, балыклар үлә, кошлар кырыла.
Әти – әни сөйләвенә караганда элек игеннәрне агулау булмаган. Икмәкләрне күпертеп пешергәннәр.
Туган җиребезнең киләчәге безнең кулда. Миндә Республикамны баету, алга җибәрү өчен, әлеге вакытта мәктәптә тырышып белем алам, киләчәктә, үзем теләгән һөнәр иясе булып, илебезгә файдалы, кирәкле, ышанычлы кеше булырга тырышам.
Яшә, үс, чәчәк ат, данлы Башкортстан!