Бастауыш сыныптарда қолданылатын сергіту сәті

Сергіту сәттері

Гүлге теңеу іздеймін,

Гүл деген- мен, Күн анам.

Гүлдей жайнап, қуанам

***

Көжегім тұршы,

Бетіңді жушы.

Айнаға қарашы,

Шашыңды тарашы.

Киіміңді киші,

Мектепке жүрші.

Партаға отыршы,

Сабағыңды оқышы

***

Мұрты ұзын құмырсқа,

Келе жатыр жұмысқа.

Допты алды қолына,

Допты қойды жолына.

Оңға.солға қарады,

Үлкен тау деп ойлады.

***

Аппақ болып таң атып,

Түтін тікке шығады.

Қарлығаштар қанатын,

Самғап-самғап ұшады.

***

Алма,алма,көк алма,

Қызыл,сары көп алма.

Теріп,теріп келейік,

Атамызға берейік.

***

Орнымыздан тұрайық,

Алақанды ұрайық.

Бір отырып,бір тұрып.

Біз тынығып алайық.

***

Ботақаны нардың,

Жарға неге бардың?

Тілерсегің дірілдеп,

Секіре алмай қалдың.

***

Алуан гүлді жинаймын,

Анама оны сыйлаймын.

Гүлге толған құшағы,

Иіскеп мені құшады.

***

Сарқырап өзен ағады,

Шомылып жұрттар тұрады.

Өзен қандай керемет,

Толқып жағаға ұрады.

***

Алақай-ау,алақай,

Бері қара,балақай.

Ойнап-күліп жүрейік,

Айдын көлде жүзейік.

***

Көлге келіп қонады,

Көлдің көркі болады.

Таза ауада жүреді,

Тұнық суда жүзеді.

***

Мектебің,мынау,класың,

Осында он жыл тұрасың.

Тарыдай боп кіресің,

Таудай болып шығасың!

***

Жазған аңыз,ертегіңді,

Ынта қойып оқимыз.

Қырғауыл болып ұшамыз, ұшамыз.

Түлкі болып қашамыз, қашамыз.

Қырғауылдай тапқыр боп, тапқыр боп,

Орнымызға қонамыз.

***

Ұсталардай тарсылдатып,

Шегені де қағамыз.

Әшекейлеп, әдемілеп,

Қағазды да қиямыз.

***

Жалт-жұлт етіп қалағы,

Ерітіндіні жағады. Қолындағы кірпіші ,

Лезде орнын табады.

***

Жалқаулықты тастаймыз, Шынығамыз жастай біз. Ырғағымен әуеннің, Жаттығуды бастаймыз.

***

Тырна келді тыраулап,

Тіліп өтіп аспанды.

Қаздар көлде жүр ойнап,

Көктем тойы басталды.

***

Тыныш-тыныш балалар,

Қуыршағым –Ақмарал.

Ұйықтап жатыр дамылдап,

Ән салайық ыңылдап.

Әлди-әлди –ай, Әлди,әлди-ай!

***

Өзім тігем кестені,

Өзім кесем кеспені. Сабақтан да қалмаймын,

Екілікте алмаймын.

Шынықсын деп денемді,

Күнде жуам еденді.

***

Уақыт болды тұратын,

Ойын сауық құратын. Би билейік бәріміз,

Қол соғайық бәріміз!

***

Өсем десең әдемі бол,

Түзу отыр партада.

Тіке ұста бойыңды,

Шалқая берме арқаға.

***

Алақаным тарсылдап,

Сабаққа мен дайынмын.

Саусақтарым тырсылдап,

Жазуға мен дайынмын.

***

Аспанға қарап ай көрдік,

Төменге қарап жер көрдік.

Оңға,солға бұрылып,

Егеменді ел көрдік.

Дәптерімізді ашайық,

Қолға қалам алайық.

Түп-түзу отырып, Көркем етіп жазайық.

***

Дәптерімізді ашайық,

Қолға қалам алайық,

Салақтықтан қашайық,

Әдемі етіп жазайық.

***

Тапқыр ойлы пішіндес,

Шапшаң жұмбақ шешіңдер.

И,й (қысқа й) әрпі бар ішінде,

Бізде бұндай көп есімдер.

***

Атам аулына барайық, Қызығына қанайық.

Өнеріне сүйсініп, Аздап тыным алайық.

***

Кел санаймыз екеуміз,

Бас бармағым -атам,

Балаң үйрек- әжем,

Ортан терек- әкем,

Шылдыр шүмек-анам.

Кішкентай бөбек- мен!

***

Жаздық, жаздық, жаздық біз,

Шаршап қалды қолымыз.

1,2,3! Бойға жинап күш.

***

Жабырқауды білмейміз,

Жатырқауды сүймейміз.

Біз талантты жас ұлан, Үлгі аламыз жақсыдан.

***

Орнымыздан тұрайық,

Қолды алға созайық. Бір отырып,бір тұрып,

Дем алып,бір қалайық.

***

Бір, екі,үш,

Қарлығаш боп ұш. Төрт,бес,алты,

Қарлығаш боп қалқы.

Жеті,сегіз,тоғыз,он,

Қарлығаш боп қон.

***

Оң қолымда бес саусақ,

Сол қолымда бес саусақ. Қосып едім екеуін , Болып шықты он саусақ.

***

Жазу жазып өзіміз,

Талып кетті қолымыз.

Бір,екі,үш,

Бір екі,үш,

Жинап алдық тағы күш.

***

Оңға, оңға түзу тұр!

Солға, солға түзу тұр!

Жоғары - төмен қарайық,

Орнымызды табайық!

***

Торғай-торғай тоқылдақ,

Жерден тары шоқып ап.

Бөтегесі бұлтиып,

Шиқ-шиқ етіп отырмақ.

***

Ормандағы аюдың, Құлпынайы көп екен.

Теріп-теріп алайық,

Қалтамызға салайық.

***

Айнаға қараймын,

Шашымды тараймын.

Бақытты баламын,

Сымбатты боламын.

Әрқашан тазамын,

Бәрінен озамын.

***

Қарлығашқа ұқсайық,

Кәне қанат жасайық

Қарлығаш боп ұшайық,

Ұшып-ұшып алайық.

***

Бір, екі – еңкей,

Бүгілмесін тізең.

Үш, төрт – шалқай,

Иілмесін тізең.

Қолды көтер аспанға.

Саусақты соз, жасқанба.

***

Бала-бала,балақан, Кәне қайсы алақан.

Саусақтарың әйбат, Былый-былай ойнат.

***

Бір,екі ,үш,

Бір,екі,үш,

Бойға жинап күш. Төрттік,бестік баға алып, Отырамыз тып-тыныш.

***

Жайқалады ақ бидай, Басын изеп аққудай.

Трактормен комбайн,

Жүргізуге мен дайын.

***

Бір ,екі,үш,бір,екі,үш,

Ал,қанеки,ұш.

Төрт,бес,алты.жеті,

Мынау ауыл шеті.

Сегіз,тоғыз,он,сегіз,тоғыз,он,

Ал,қанеки қон.

Асықпа да,саспа,

Бірден қайта баста.

***

Оң қолымда бес саусақ,

Сол қолымда бес саусақ.

Санап едім он саусақ,

Он аяқта бес башпай,

Сол аяқта бес башпай.

Санап едім он башпай.

***

Сағаттың тіліндей иіліп солға бір, Сағаттың тіліндей иіліп оңға бір.

Оң аяқ ,сол аяқ,жаттығу оңай-ақ.

***

Біздің тату баламыз,

Гүл-гүл жайнап жанамыз.

Жаттығулар жасасақ,

Жақсы сергіп қаламыз.

***

Біз бесеуміз,бесеуміз,

Бес тармақты

Он,жиырма,тоқсан,жүз.

Тойлаймыз ата тойын біз.

***

Иілеміз оңға бір, Иілеміз солға бір

Бәріміз де қараймыз,

Аяққа бір,қолға бір.

***

Бір, екі, үш, Бір, екі, үш,

Жаттығу жасап алайық.

Жаттығу жасап алайық,

Бір дем алып қалайық.

***

Екі қанат қазда бар,

Сайраңдайды жазда олар.

Екі қанат құрда бар,

Құр ауласаң,қырға бар.

***

Оң қолды алға соз.

Үшбұрыш сыз ауады.

Сол қол қарап тұрмасын

Шеңбер сызсын зырласын.

***

Орнымыздан тұрайық,

Алақанды ұрайық.

Бір отырып, бір тұрып,

Бойымызды жазайық.

***

Тербеледі ағаштар ,

Алдымнан жел еседі.

Кіп-кішкене ағаштар,

Үп-үлкен боп өседі.

***

Орманның біз емшісіміз,

Тоқ—тоқ-тоқ!

Құрт біткенді жоқ етеміз,

Жоқ—жоқ—жоқ!

Жоқ-жоқ-жоқ,Тоқ-тоқ-тоқ!

***

Саусақпен мұрын қысайық,

Әншіге біраз ұқсайық.

Әрбір сөздің дыбысы,

Қандай екен ұғайық.

***

Тәулік бойы тынбайтын,

Болайықшы «Ақ жаңбыр».

Астан-кестен жауатын

Өткінші енді біз жаңбыр!

Қатты нөсер басылды.

Күн жарқырай ашылды.

Неше түрлі әдемі,

Кемпірқосақ жасалды.

***

Ал, кәнеки көжектей,

Ырғып - ырғып қашайық!

Шөпке тойған көжектей,

Танаудан дем алайық!

***

Көктем келді, құс келді.

Күн ұзын, түн қысқа енді.

Көктем келді, су ақты,

Күннің көзі шуақты.

Көктем келді, гүл өсті,

Көбелектер гулесті.

***

Қарға қарқылдайды,

Шымшық шықылықтайды.

Бұлбұл сайрайды,

Қаз қаңқылдайды,

***

Қуыр,қуыр,қуырмаш,

Тауықтарға бидай шаш,

Басбармақ

Балаң үйрек.

Ортан терек .

Шылдыр шүмек ,

Кішкене бөбек

Сен бар қозыңды бақ.

Сен бар бұзауыңды бақ.

Сен бар лағыңды бақ.

Сен бар,құлыныңды бақ.

Ал сен жат,от жақ,

Қазанға тамақ жаса жұмысшыға.

***

Далада жел соғып тұр,

Қатты –қатты дауылдатып,

Ақырын –ақырын басылды,

Ақ жаңбырын самалдатып.

***

Тап-таза тұнық суда,

Балық жүзіп ойнауда,

Біресе керіледі. Біресе жиырылады.

***

Қоюланып тағы бұлт,

Жауды жаңбыр себелеп.

Жапырақты жағалап,

Бұға қалды көбелек.

Күннің нұрын сүйемін,

Күнге басымды иемін.

Моншағым көп мойнымда,

Үлкен қалпақ киемін.

***

Гүлге теңеу іздеймін,

Гүл деген- мен, Күн анам.

Гүлдей жайнап, қуанам.

***

Жел улейді:у-у

Құйын келіп билейді: зу-зу

Қатты-қатты жел соқты: гу-гу

Жапырақтар қол соқты: ду-ду.

***

Шығу үшін шымыр боп,

Шынығамыз шаршамай.

Бұлшық етттер шымыр боп,

Аламыз сосын тыныс жай.

***

Керіледі мысық

Бізге көзін қысып.

Жүгіреді жылдам,

Көрінсе оған тышқан.

***

Аппақ болып таң атып,

Түтін тікке шығады.

Қарлығаштар қанатын,

Самғап биік ұшады.

***

Инелік- ау, инелік,

Ұша берші тимелік,

Қорықпаймыз өзіңнен,

Алдық саған үйреніп.

***

Сәлем, көздер, қалғымағын,

Сәлем, құлақ, есті бәрін.

Сәлем, қолдар, ояныңдар,

Сәлем, аяқ жүріп қалғын.

Көз көреді, құлақ естіп,

Аяқтар топылдап, қол шапалақ ұрады өстіп.