В. Гарбук «Вясновыя кветкі»; М. Пазнякоў «Ландыш».

Урок 38. В. Гарбук «Вясновыя кветкі»; М. Пазнякоў «Ландыш».

Мэты: Вучыць вызначаць эмоцыі персанажаў і супастаўляць іх з уласнымі эмоцыямі, назіраць за праявамі беражлівых адносін да першых кветак, выклікаць пачуццё замілавання ад прыроды, уменне бачыць прыгожае ў навакольным асяроддзі; вучыць тлумачыць вобразныя словы і выразы; удасканальваць навык чытання; уменні аўдзіравання, слоўнікавай працы, вучыць складаць вуснае выказванне па пачатку і апорных словах.

Ход урока.

І. Арганізацыйны момант.

Празвінеў званок вяселы, Мы ўрок пачаць гатовы,

Зайшла настаўніца ў клас. Добра будзем працаваць

ІІ. Моўная размінка.

-Чыстагаворка

ва-ва-ва - зялёная мурава

вi-вi-вi - мячыка злавi

ву-ву-ву - легчы на траву

-Гукавая размінка

Сiнявокiя званочкi раскрываюць свае вочкi.

Адпрацоўка гукаў [в-в’, с-с’, з-з’].

ІІІ. Новая тэма.

● Чытанне па ролях і абмеркаванне дыялогу віртуальных герояў. Вызначэнне маральнай праблематыкі тэмы ўрока.

- З-за чаго пакрыўдзілася Васілінка? Чаму Лянок спыніў яе? Што трэба растлумачыць Васілінцы?

Расцвілі ў зялёным лузе кветкі,

Мы да іх прыходзім у адведкі.

І не згасне вечна прыгажосць,

Калі кветкі ў родным краі ёсць.

▲ М. Пазнякоў «Ландыш».

● Пазнавальная гутарка па фотаздымку.

- Як называецца гэта кветка? Чаму людзі так любяць ландышы?

У большасці паданняў, звязаных з ландышамі, гаворка ідзе не столькі пра радасць, звязаную з прыходам вясны, колькі пра смутку, навеянной абрысамі кветкі і чырвоным колерам пладоў. Па адной легендзе, ландыш так аплакваў зіму, якая сыходзіць вясну, што раненае горам сэрца афарбавала крывёю яго слёзы. Лекавая і дэкаратыўная расліна. Выкарыстоўваецца ў парфумерыі і медыцыне.

● Устанаўленне значэння слоў.

Позірк – рус.: взгляд.

Урачыста – рус.: торжественно.

● Пастаноўка мэтавага пытання перад чытаннем.

- Паслухайце і адкажыце, з якой просьбай звяртаецца да нас аўтар.

● Слуханне чытання настаўніка, адказ на пытанне.

● Самастойнае чытанне верша.

● Тлумачэнне вобразных слоў і выразаў (слоўнікавая работа).

- Прачытайце апісанне ландыша. У чым краса званочкаў? Які позірк? Як яны звіняць? Растлумачце, чаму аўтар так піша.

- Знайдзіце радкі, ў якіх выказана асноўная думка твора.

● Выразнае чытанне верша з патрэбнай інтанацыяй.

Фізкультхвілінка

(Гучыць спакойная музыка) – Мы апынуліся на лузе. Пяшчотна дзьме ветрык у твар (плаўна машуць перад тварам), ціха хістаецца трава (рухі ўправа-улева, рукі ўгору), мы весела бегаем па лузе, збіраем кветкі. І раптам на луг прыляцеў прыгажун бусел, шырока раскінуўшы свае крылы, і апусціўся на зямлю.

▲ В. Гарбук «Вясновыя кветкі»

● Разгляданне малюнкаў.

- Якія кветкі вы бачылі раней? Чым яны вас прывабілі? Прачытайце апавяданне і скажыце, чым так кветкі спадабаліся дзяўчынцы.

● Самастойнае чытанне.

● Слоўнікавая работа, адказ на пытанні.

- Палымнее – тут.: выдзяляецца яркай фарбай.

Дотык – рус.: прікосновеніе.

- З кім размаўляла дзяўчынка ў лесе? Хто падказаў дзяўчынцы назвы кветак?

● Адказ на пытанні ў час чытання, суаднясенне зместу з ілюстрацыямі.

- Растлумачце прыдуманыя назвы кветак. Як гэтыя кветкі называюць у народзе?

“Сонечны Зайчык” - маці і мачыха, “Сінь Вясновага Неба ” – пралескі, “Люстэрачка Вясенніх Аблачынак”, “Духмяны Водар Вясны” – пралескі, падснежнікі.

- Чаму дзяўчынка намалявала кветкі, а не нарвала букет?

- Якія пачуцці выказвае аўтар да прыроды, першых кветак?

- Прачытайце па ролях размову настаўніцы і дзяўчынкі.

ІV. Падвядзенне вынікаў урока. Рэфлексія.

● Складанне вуснага выказвання ў форме дыялогу па пачатку ў парах.

- Пра што гаворылі б вы пры сустрэчы з першай кветкай, першым лісцікам на дрэве, першай зялёнай травінкай? Прыдумайце размову і раскажыце ў парах. Пачніце так:

- Дзень добры, …! Як цябе завуць?

- …

- Як ты адчуваеш сябе пад першымі промнямі вясновага сонейка?

V. Дамашняе заданне.

Выразнае чытанне В. Гарбук «Вясновыя кветкі», М. Пазнякоў «Ландыш». Падрыхтаваць малюнак “Першыя кветкі у лесе”.