Бииргэ үлэлээбит коллегабыт.

1986 сыллаахха кэргэним Александр Георгиевич Семенов интернатуратын бүтэрэн, Балыктаахха ананан кэлэн үлэбитин саҕалаабыппыт. Учууталлар уопсайдарыгар дьиэ биэрэннэр атырдьах ыйыгар көһөн кэлбиппит. Оскуола директорынан Куличкин Петр Иннкентьевч, иитэр үлэҕэ директоры солбуйааччынан Ларионова Роза Романовна, үөрэх чааһын сэбиэдиссэйинэн Говорова Мавра Иннокентьевна, пионер баһаатайынан Ченянова Ангелина Семеновна үлэлии олоролор этэ.Оччолорго Семен Семенович , 1983 сыллаахха БГФ ны бүтэрэн география учуутала. Оскуола оҕото элбэх,икки сүүстэн тахса. Коллектив эмиэ улахан , биэс уонча учуутал, түөрт уонча техническай үлэһит.

1980 сылларга педколлектив оҕону үлэҕэ иитиигэ, үлэҕэ туһаайыыга үгүс үлэни ыытара.Үөрэнээччилэр тракторист, массыынанан ыаһын идэтин баһылыыллара. Оскуолаҕа тыа сиригэр наадалаах үлэһиттэри бэлэмниир буолбута.

Оҕону үлэҕэ иитиигэ, совхозка көмөлөһүүгэ, сайыҥҥы сынньалаҥы тэрээһиннээхтик атарыыга улахан суолтаны “Тайҕа” диэн үлэ сынньалаҥ лааҕыра ылбыта.Оҕолор оттуулларыгар Максим Горькай совхоз туспа сир сыһыарбыта.Оҕолор илиинэн оттоон бэриллибит былааны толороллоро. Бу лааҕырга Семен Семенович начальнигына үлэлээбитэ.Лааҕыр хас да сыл оройуоҥҥа, республикаҕа кыайыылааҕынан тахсыбыта.

Эстафета дьону түмэр сомоҕолуур , общественнай олоххо кытыннарар. Бэйэ олорор түөлбэтин, үлэлиир коллективын уонна нэһилиэгин үлэтэ-хамнаһа тупсарыгар, дьоно-сэргэтэ, олҕо-дьаһаҕа чөллөөх буоларыгар баҕалаах уонна кыһамнньылаах, эппиэтинэстээх буолууну ирдиир, тиһэҕэр ыччаты патриотическай иитии бии төһүү ньымата буолара саарбаҕа суох.

1983 сыллаахха Балыктаахтар Төхтүргэ эстафета былааҕын аҕалбыттар. Эстафета хас да төгүллээх лауреата А.Протодьяконов К.Уурастыырап “Эйэ, Дьол иһин” ырыата үрдүктүк сыаналаммыт, хореограф Сардаана Ефимова туруорбут үҥкүүлэрэ, ол иһигэр “Бухатыырдар” үҥкүү кэнсиэри киэргэппит.

1984 сыллаахха бэйэлэрин бөлөхтөрүгэр кыайыылааҕынан тахсыбыттар Балыктаах, Өлөчөй, Чыамайыкы бөһүөлэктэрэ.

1988 сыл култуура уонна спорт эстафетата Ленинскэй комсомол тэриллибитэ 70 сылыгар ананан “Уларыта тутуу дьылҕатыгар – ыччат эрчимин” диэн девизтээх ыытыллыбыта.

Эстафета уустугуран иһэрэ көрдөрөр агитация туруга . олорор сиринэн үлэни тэрийии, култуура тэрилтэлэрин историятын суруйуу, сельсоветтар историяларын көрүү киирбитэ.

1990 сыллар санатыгар оскуолаҕа дуобат куруһуога таһаарыылаахтык үлэлээбитэ. Бу куруһуогу М.И.Харитонов, П.П. Свинобоев, Семен Семенович Харитонов салайбыттара.Куруһуокка дьарыктаммыт оҕолор улууһу, республиканы ааһан Россия, аан дойду таһымнаах күрэхтэһиилэргэ бириистээх миэстэлэргэ тиксибиттэрэ.

Ол кэмҥэ иитэр үлэҕэ улахан болҕомтону бэрээдэккэ, толоругас буоларга, хас биирдии оҕо киүи быһыытынан иитиллэн тахсалларыгарууруллубута. Куруһуок салайааччылара, хас биирдии учуутал, иитээччи бары бииргэ оҕо туһугар үлэ бөҕөнү үлэлээбиппит. Үлэ араас көрүҥнэрин тэрийэн бэрээдэктээх буолууларын ситиспиппит.

“Ыллаа-туой бу дьоллоох олоҕу, эрчимнээх эдэр саас”.