Биринчи класстын ата-энелери үчүн кеңештер

Биринчи класстын ата-энелери үчүн кеңештер

Төмөндө берилген сунуштар балаңызды китепке абдан кызыккан өз күчүнө ишенген окурман кылууга жардам берет.Жума сайын жаңы ыкма колдонуңуз. Балаңызга эң ылайык келгенин аныктаңыз.

• Бала менен кезекке туруп, күтө турган жерге барарда үйдөн китеп, же журнал ала чыгыңыз.

• Бир гана жолу окуп коюу жетишсиз.Баланын сүйүктүү китептерин же ырларын кайталап окуусуна демилге берүү керек.Кайьалап окуудан бала тезирээк так окуганды үйрөнөт.

• Аңгеменин мазмунун терең түшүнүү зарыл.Окулган аңгеменин мазмуну боюнча суроо бериңиз.М: “Сенин оюң боюнча эмне үчүн мындай кылды”.

• Телевизор менен телефон көрүүсүн чектөө керек.Бош убактысында китеп окуусуна дем берип, кызыктыруу керек.

• Чыдамдуу болуу керек.Бала бейтааныш сөздү айтууга аракет кылып жатканда, аны шаштырбоо керек.

• Сөз оюндарын бала менен бирге ойногула.М: улам бир тамгасын өзгөртүп ойнотулат.Бал-зал, бак-так как-жак ж.б

• Мен сага окуп берем, сен мага окуп бересиң.Уктаардан мурда чакан тексти кезек менен үн чыгарып окуу керек.

• Жаш окурмандын катасын этияттык менен оңдоо керек.Окуганды жаңы үйрөнгөн кезде кээде тамганы болжолдоп айтып коюшат.

• Бала менен ар дайым мектепте , үйдө эмне болгону тууралуу сүйлөшүү керек.Маекке айрым кызыктуу сөздөрдү жана мурда айтылган сөздөрдү кошуу керек!

• Мүмкүн болушунча көп жазуу керек!Керектүү азык- түлүктөрдүн тизмесин, үй-бүлө мүчөлөрүнүн аттарын, үйдөгү жаныбарлар тууралуу жазып жөнөкөйдөн татаалга , сөздөн сүйлөмгө карай жаздырып үйрөтүү керек!