Бөлшектерін пішу. Біріктіріп тігу.

Сабақ

Тақырыбы:

Бөлшектерін пішу. Біріктіріп тігу.

Мектеп:№8 мектеп -кешені

Күні:

29.11.17

Мұғалімнің есімі: Жарылқасынова Толқын

Сынып: 4 «б»

Қатысқандар саны:

Қатыспағандар саны:

Оқу мақсаты:

Оқушыларға пішу технологиясы туралы түсінік беру. Оқушыларды бейімді еңбекке баулып, қолөнер түрін терең меңгере отырып, үлгі бойынша жұмыс істей білуге, ой - өрісін кеңейту, эстетикалық талғамдарын дамыту. Өз бетімен жұмыс жасауға, еңбек мәдениетіне, ұқыптылыққа, іскерлікке, үнемділікке тәрбиелеу.

Ресурстар:

«Нысана» рефлексиясының суреті, кері байланыстың суреті, доп, «Бас бармақ» әдісінің суреті, әр түрлі қалталардың суреті, 2 түрлі мата, қайшы, ине, мата түсіне сәйкес жіп, сабақты бекіту кезеңіне арналған таратпа кестесі.

Ұйымдастыру кезеңі:

Мұғалімнің әрекеті:

Оқушының әрекеті:

Психологиялық ахуал:

3 минут.

Көтеріңкі көңіл-күй орнату үшін «Мен сабаққа дайынмын» тренингін ұйымдастырамын.

Егер сіздің досыңыз болса, көршіңіздің басын сипаңыз.

Егер сіздің үйіңізде мысығыңыз болса, өз басыңызды сипаңыз

Егер сіз иттерді жақсы көрсеңіз, көршіңізді құшақтаңыз

Егер сіз өз мектебіңізді жақсы көрсеңіз, аяғыңызды топырлатыңыз

Егер сіз сабаққа дайын болсаңыз, алақандарыңызды соғыңыздар.

Рахмет .

Тыңдаңдар қыздар,

Тыңдаңдар ұлдар.

Қолдарыңды созыңдар,

Алақанды ашыңдар.

Қайсымыз 5 алудан қашпаймыз,

Ендеше үй тапсырмасын сұрауды бастаймыз.

Оқушылар орындарынан тұрады.

Үй тапсырмасын сұрау:

5 минут.

« Ыстық орындық» ойыны. Доп арқылы  үй тапсырмасын кім айтатындығын табамыз. Және доп кімнің қолына түссе, сол оқушы ыстық орындықта отырғандықтан жылдам жауап береді.

Оқушылар үй жұмысын айтады.

Жаңа сабақ:

15 минут.

Ребус «Бөлшектеп тігу. Біріктіріп тігу.»

Ендеше , балалар, біздің бүгінгі өтетін тақырыбымыз

«Бөлшектеп тігу. Біріктіріп тігу.» деп аталады.

Қазіргі кезде қолмен іс тігетін тігіншілерді өте сирек кездестіреміз. Өйткені олардың орнын тігін машиналары алмастырды. Алайда бұйымның бөлшектерін уақытша біріктіруге және әшекейлеп, көркемдеу үшін, сондай-ақ тігін машинасымен орындалуы қиын жағдайлар болған кезде қол тігістері қолданылады.

Ең алдымен тігіс түрлеріне тағы бір мәрте шолу жасап кетсек.

Қиғаш тігіс.

Бөлшектерді уақытша бекіту үшін қолданылады. Тігіс солдан оңға қарай орындалады.

Айқас тігіс.

Ине матаның теріс бетінен тік, ал оң бетінен қиғаш шашылады. Тігіс солдан оңға қарай орындалады.

Ілмек тігіс.

Матаның шеті сетінемес үшін және түймектерді торлау үшін қолданылады. Тігісті солдан оңға, оңнан солға қарай да орындауға болады. Тігістің арақашықтығы мен биіктігі матаның қалыңдығына байланысты. Бұл тігістің ине шаншымдары тігінен түседі.

Біз бүгін осы тігіс түрлерін пайдалана отырып, қалташалар тігетін боламыз.

Қалта - киімнің құрамдас бөліктерінің бірі.Қалтаның жапсырма, жарма қалта, төс қалта, омырау қалта, ішкі қалта т. б. түрлері болады. Орналасуына қарай жапсырма қалта, төс қалта, омырау және жан қалта болып ажыратылады. Жапсырма қалталар қарапайым тік қалта, қиғаш қалта, қақпақты (клапанды) болып келеді де, олар әдіптелген тілікті, бүрмелі, оюлы және сырып тігіледі.

Сұрақтар.

-Киім неден тігіледі? (мата)

-Мата неден тұрады? (талшық)

-Екі басты жалмауыз, керіп аузын ашады, алдына түскен нәрселер, өзінен — өзі қашады. (қайшы)

-Бір тышқанды екі құйрық. (ине)

-Үйінде … бар адамның үсті – басы ұқыпты болады? (ине мен жіп)

-… бірінші кезектегі қажетті нәрселердің бірі болып табылады. (киім).

-Киімнің сәнді, әрі жарасымды болып көрінуіне ықпал ететін … маңызы өте зор. (қалта)

 -Тігін құралы (оймақ)  

-Қалтаны матадан немен ойып аламыз? (қайшы)

Оқушылар тақырыпты табады.Балалар дәптерлеріне жазады.

Сергіту сәті

«Қуыр- қуыр, қуырмаш» сергіту сәті

Оқушылар орнынан тұрып орындайды.

Рефлексия:

5 минут.

Смайликке аттарын жазып үйге жабыстырады.

Үй жұмысын беру:

2 минут.

Жасап жатқан қалташаларын аяқтау.

Үй жұмысын жазып алады.

Кері байланыс:

2 минут.

Балалар сұрақтарыма жауап береді.

Бағалау:

3 минут.

«Бас бармақ» әдісі