Борубаев Алтай Асылканович

Бөрүбаев Алтай

Асылканович

Бөрүбаев Алтай Асылканович 1950-жылы  Талас  облусунун Талас районуна караштуу Караой айылында туулган - коомдук-саясий ишмер.

1972-жылы КМУУну бүтүргөн

1991-жылы Физика-математика илиминин доктору,

1992-жылы проффессор.

2000-жылы Кыргыз Республикасынын УИАнын академиги.

2000-жылдан баштап Кыргыз Республикасы нын  Жогорку Кеңеш инин Эл өкүлдөр жыйынынын терагасы.

КМУУда кафедра башчы, декан, проректор,

Кыргыз Республикасынын билим берүү министринин 1-орун басары,

Кыргыз мамлекеттик педагогикалык университетинде, КМУУда ректор.

Жогорку мектептин Эл аралык илимдер академиясынын (1993),

Социалдык жана пед.илиминин  Россия  

академиясынын академиги (1995)

Улуттук илимдер академиясынын академиги

М. В. Ломоносов атындагы Москва мамлекеттик университетинин ж.б. жогорку окуу жайларынын ардактуу проффессору. 

Кыргызстан   Ленин комсомолу сыйлыгынын лауреаты (1981).

Элге билим берүүнүн отличниги (1983).

Кыргыз Респ-нын илимге эмгек сиңирген ишмери (1995),

Илим ж-а техника б-ча мамлекеттик сыйлыгынын лауреаты (1998).

Геометрия   жана  топология  боюнча адис, 100төн ашык илимий эмгектин, анын ичинде 3 монография,

4 окуу китебинин автору.

2013-жылы 23 - апрелде Илимпоз, Улуттук илимдер академиясынын вице-президенти Алтай Бөрүбаев “The Name in Scince” ардактуу титулунун ээси болгон. “Дүйнөлүк илимге кошкон салымы үчүн” А.Бөрүбаевдин ысымы дүйнөлүк илимпоздордун тизмегине кошулган. Сыйлык тапшыруу аземи Улуу Британиянын Лондон шаарында болуп, ага дүйнөнүн 16 өлкөсүнөн келген таасирдүү коомдук уюмдар, адистик жана чыгармачыл бирикмелердин өкүлдөрү катышкан. 

«Илимдеги ысым» аттуу сыйлык

2001-жылы Россиядагы Москва обсерваториясы "Козерог" ("Текечер") топ жылдызындагы жаңы ачылган планеталардын бирин кыргыз математик-окумуштуусунун урматына "Алтай" деп атаган. Демек, ааламдагы бир чоң жылдыздын аты Ала-Тоонун бир уулу Алтайдын атында. Чындап ойлонгон кишиге бул эмне деген сыймык, не деген жеңиш жана урмат.

А.Бөрүбаев М.В.Ломоносов атындагы Москва университетинин Ардактуу профессору, Карл университетинин (Прага ш. Чехия) Ардак медалынын ээси, Монголия илимдер академиясынын ардактуу академиги, дагы бир катар эл аралык академиялардын академиги болуп шайланыптыр. Макул, ар кандай эл аралык академиялардын анык мүчөлүгүн кээде белгилүү, белгисиз ар кандай адамдар алып жүрөт дейли, бирок дүйнөлүк деңгээлдеги атактуу М.В.Ломоносов атындагы Москва университетинин Ардактуу профессору наамын көрүнгөн эле ала бербейт да. Бул оңой эмес, бул наам татыктуунун татыктуусуна гана берилүүчү нерсе. М.В.Ломоносов университетинин бийик ишенимине арзыган окумуштуулар Борбордук Азиядан бирин-экин гана.

А.Бөрүбаев кафедра башчысы, декан, проректор, ректор, министрдин орун басары, эки жолу Жогорку Кеңешке депутат, андан ары өйдөлөп Жогорку Кеңештин эл өкүлдөр жыйынынын төрагасы болуп иштеди. Бүгүнкү күндө улуттук аттестациялык комиссиянын төрагасы болуп ийгиликтүү эмгектенип жатат. Ушундай түйшүк-мээнети чачтан көп коомдук мамлекеттик кызматтарда иштеп жүрүп, ал кандайча илимде жогорудагыдай ийгиликтерге, жеңиштерге жетишти? Чындыгында А.Бөрүбаев күнү-түнү кызматты да, илимди да тикийип ойлонгон, күн тынымы, түн уйкусу жок, жаны жай албаган мээнеткеч-дулдул, чаалыкпаган талант экен.