«Бұрымды қыз» байқауы
Мақсаты: Қыздарға ұмыт болуға айналған ұлттық төл мәдениетіміз бен өнерімізді қайта тірілтіп, салт-дәстүрді жаңғырту, әсіресе қыз балалардың жан дүниесіндегі көркемдік талғамын қалыптастыру арқылы әділеттікке, инабаттылыққа, ізеттілікке тәрбиелеу. Ақылды да ажарлы, дарынды да талантты, бұрымды қыздарды елге таныстыру.Шаштарын үнемі күтіп ұстауға, тазалыққа,тәрбиелеу.
1 жүргізуші:
- Қош, келдіңіздер, құрметті көрермендер!
Армысыздар, ару қыздар және әділ қазылар алқасы!
2 жүргізуші:
Қыз сыны, қыз өнері, қыз әдебі,
Тал бойына жарасқан күлкі әлемі.
Бір көргенде болмай-ақ сахнада,
Өмірде сақталсыншы ұлт әдебі.
1 жүргізуші:
Байқауымызды бастамас бұрын байқаудың шарттарын естеріңізге түсіріп кетейік!
2 жүргізуші:
Байқаудың шарттары:
«Менің бейнем» Таныстыру (өз қалауымен)
1 жүргізуші:
«Шолпысы әсем жарасып белге» ең шашы ұзын қызды анықтау.
2 жүргізуші:
«Көрікті қыз» ( сәнді әсем көйлекпен қатысушының сахнада өзін ұстауы, жүріс-тұрысы сарапталады)
1 жүргізуші:
«Ақылды қыз» (мақал – мәтелден жарысы)
2 жүргізуші:
«Өнерлі қыз» (өз өнерлі көрсету; ән айту, би билеу)
1 жүргізуші:
Әділдікпен баға берер аруға
Әділдікпен қара қылды жаруға
Алқасын қазылардың біз сайлайық
Ақ аруды талдап бүгін алуға - деп бүгінгі сайысымызға баға берер қазылар алқасымен таныс болыңыздар.
Қазылар алқасының төрағасы....
Байматова Райгуль Тұрсынқызы
Және .......................
2 жүргізуші:
Гүл көңілің қуаныштан өрілді,
Жанарыңнан жалын нұры төгілді.
Жыр ұшқындап тұр ғой әне үніңнен,
Көпшілікке таныстыршы өзіңді. –дей отыра «менің бейнем» атты бірінші кезеңді бастауға рұқсат етіңіздер.
2-Жүргізуші: Бірінші ару - ақша маңдай, үлкен - кіші мақтағандай, ортада Төлеген Жасмин
1- жүргізуші: Екінші ару - өз әлінше, жақсыларды жақтағандай,қарсы алыңыздар: Байдаулетова Даяна
2- жүргізуші: Үшінші ару - достарын сары алтындай сақтағандай, алдарыңызда: Сағди Салтана
1- жүргізуші: Төртінші ару - көңілді, сыны жоқ, оқуын да даттағандай, Серікпай Гауһар
2-жүргізуші: Бесінші ару - ажарлы, ақша бетті ұқсаған жұмақтағы хор қызына. Алдарыңызда: Кенжетаева Амина
1-жүргізуші: Алтыншы ару – келеді, еркін басып, шекесіне үкі таққан. Касенова Наргис
2- жүргізуші: Жетінші ару- Тіл байланып қалатындай көргенде,
Сұлулықты соған ғана берген бе! Ортада: Анасова Мерей
1 жүргізуші: Сегізінші ару- Қос бұрымы аш беліне төгілген,
Келбеті бар кермаралдай керілген. Байкен Айзада.
2-жүргізуші:
Қазақтың қыздары , ғажап неткен,
Сұлулықты,өнерді қанат еткен.
Паш етті қазағымды күллі әлемге, -дей отыра,
- Келесі екінші кезеңімізге кезек берейік! «Шолпысы әсем жарасып белге».
(Қыздар шаштарының ұзындықтарын айтады.)
жүргізуші:
Алдарыңызда әнші ұлдарыңыз: Салдарбек Нұрхан!
Жүргізуші:
3-кезең «Көрікті қыз» ( сәнді әсем көйлекпен қатысушының сахнада өзін ұстауы, жүріс-тұрысы сарапталады) .
Сымбатына сән киім жарасатын,
Аспандағы айменен таласатын.
Өнеріне сәні сай келіп тұрған,
Аруларға қызығып қарасатын.
Екеуі:
Аруларымызды ортаға шақырайық!
1 жүргізуші:
Білгенге маржан (сұрақ-жауап)
Жас ару жас ғұмырдың талғамысың ,
Қуантқан әрбір үйдің арманысың.
Дәл бүгін қанат қомдап, сыналарда,
Сан сұрақтан сүрінбей, самғап ұшқын. «Ақылды қыз» атты (мақал – мәтелден жарыс) кезеңімізге де жол берейік.
2 жүргізуші:
Ал, кімнің өнері бар қаншалықты,
Ас мәзірін әзірлеп, ал біреулер ән салыпты би билеп
Бүгінгі көктем ару байқауынан бәйге алуға
Арулар аянбай-ақ жан салыпты
1 жүргізуші:
Алғашқы аруымызды қарсы алайық!
2-ж.
Екінші қатысушымызды ортаға шақырайық!
1 жүргізуші:
Үшінші аруымыз:
2-ж.
Төртінші қызымыз:........................
1 жүргізуші:
Бесінші аруымыз:.....................
2-ж
Алтыншы аруымыз:...................
1-ж.
Жетінші қатысушыны қарсы алайық: Салтана
2-ж.
Соңғы қатысушымыздың өнерін тамашалайық, алдарыңызда:
2- жүргізуші:
Құрметті әділқазыларымызға сөз берейік.
1-Жүргізуші:
Ән жырдан көңіл жасын талдаңыздар,
Барымен шат шадыман болыңыздар.
Қоштасайық,келесі кездескенше !
Әрдайым сау-саламат болыңыздар!
2 872
24 108 
