Бүткүлдүйнөлүк энетил күнү

21-ФЕВРАЛЬ БҮТКҮЛ ДҮЙНӨЛҮК ЭНЕ ТИЛИ КҮНҮНӨ КАРАТА”

“ ТИЛ ЖОГОЛБОЙТ ЖОГОЛСО ЖОГОЛОТ ДИЛ”

Бүгүн 21-февраль Эл аралык эне тили күнү. ЮНЕСКО Эл аралык уюмунун генералдык конференциясы 1999-жылы 17-ноябрда эне тилдин эл аралык майрам күнү катары белгилеген. 2000-жылдан тарта белгиленип келет. Бул датанын майрам катары тандалып алынышынын себеби 1952-жылы 21-февралда Бангладештин борборунда студенттер эне тилинин мамлекеттик тил болушун талап кылып көтөрүлүшкө чыгышып,полиция кызматкерлеринин огунан каза болушкан.

ЮНЕСКО уюмунун иликтөөсүнө караганда,дүйнөдө 6500 тил колдонулуп, алардын көпчүлүгү жоголуу чегине жеткен. Ошондой эле БУУнун Башкы Ассамблеясы 2008-жылды Тилдердин эл аралык жылы деп жарыялаган.

Окумуштуулар жер жүзүндө 7 миңден ашуун тил бар экенин айтышат. Анын кырктан көбү дүйнө жүзүнүн үчтөн эки бөлүгүндө сүйлөнөт. Эң көп колдонулганы кытай, англис, араб, испан, орус,португал,француз жана хинди тили саналат.

Учурда төрт жүздөн ашуун тил жоголуп кетүү коркунучунда.Илимпоздордун изилдөөсүнө ылайык, эки жумада бирден тил жоголот.