Быуындар тауышы

Быуындар тауышы

( Шәжәрә байрамына сценарий)

Маҡсат: Балаларҙа ололарға ҡарата шәфҡәтлелек, тыуған яҡҡа һөйөү тәрбиәләү. Уҡыусыларҙа халҡыбыҙҙың үткәненә һәм хәҙергеһенә ихтирам уятыу.

Йыһазландырыу: Уҡыусыларҙың презентациялары һәм шәжәрәләре, интерактив таҡта, микрофон.

Фон музыкаһы. Сәхнә артынан тауыш.

Борон башҡорттар, башҡа халыҡтар кеүек үк, ырыу-ырыу булып йәшәгәндәр. Һәр ырыу бер-нисә нәҫелдән торған. Һәр ырыуҙың үҙ атамаһы, ораны, тамғаһы, ағасы һәм ҡошо булған. Был атамалар, тамғалар ырыуҙар араһындағы берлекте аңлатҡан.

“Төп атаңдан алып ете быуыныңды бел”,- ти халыҡ.Башҡорттар элек-электән үҙ ырыуының тарихын яҙып ҡалдыра барғандар. Ошо тарихты уларар шәжәрә тип атағандар...

Музыкаль номер. “Бәйет”

Ҡурай моңо.

1-се а.б. Шәжәрә - ул байрам ғына түгел,

Ул ҡурайҙай рухтың үҫеше.

Мең ғазаптар аша ҡан тартыуы,

Уттар аша ғүмер киҫеше.

2-се а.б. Шәжәрә - ул йәшәү тантанаһы,

Һулар һауа, тупраҡ, ғәзиз ер.

Ул тамырым буйлап аҡҡан ал ҡан,

Боронғо ла , йәш тә, хәҙерге.

1-се а.б. Шәжәрә - ул моңло “Буранбай”ҙай,

Иләүеңде һаҡлар ҡоралдай.

Буш тормаған бала бишегендәй,

Арҡа терәр мәғрүр Уралдай.

2-се а.б. Шәжәрә - ул бөйөк изге йорттай,

Уға тейеш һин бер ҡайтырға.

Унда һине туғаныңа Ер ҙә,

Йән дә, ҡан да тейеш тартырға!

1-се а.б. “Байрам” бейеүе.

2-се а.б. Хәйерле көн,ҡәҙерле ҡунаҡтар!

1-се а.б. Хәйерле көн, ҡәҙерле уҡытыусылар, тәрбиәселәр,ата-

әсәләр һәм уҡыусылар!

2-се а.б. Бөгөн беҙҙә - тарих көнө-ата-бабалар көнө!

Үткәнебеҙ – бөгөнгә тарих.

Бөгөнгөбөҙ – иртәгәгә тарих.

1-се а.б. Бөгөн беҙҙә ырыуҙар - нәҫел-нәсәбәләр көнө!

2-се а.б. Бөгөн беҙҙә ғаилә көнө!

1-се а.б. Бөгөн беҙгә ҡунаҡҡа 5 нәҫелдән килгәндәр!

2-се а.б. Бөгөн беҙҙең ҡаршыбыҙҙа 5 шәжәрә!

1-се а.б. Ә хәҙер һүҙҙе Юрматы ырыуы вәкилдәре апалы –

һеңлеле Алия һәм Алина Вахитоваларға бирәбеҙ. Улар

үҙҙәренең шәжәрәләре менән таныштырып үтәсәктәр.

(Алина Вахитова башҡарыуында йыр “Минең Ватаным”)

2-се а.б. Шәжәрәне башҡорт халҡы ағас рәүешендә күрһәткән.

Ағастың тамыры- үткәнебеҙ, олоно – бөгөнгөбөҙ,

ботаҡтары – киләсәгебеҙ. “Тамыры ныҡ ағас ҡоромаҫ”,

- ти халыҡ мәҡәле. Ағас ни тиклем нығыраҡ,

сыҙамлыраҡ булһа, ботаҡтары ла көслө була.

1-се а.б. Кеше үҙ халҡының, тыуған ил-ҡортоноң тарихын ни

тиклем төплөрәк белһә, үҙ тамырҙарын тәрәнерәк

өйрәнһә, ул кешенең милли аңы ла, мәҙәнилеге лә

шул тиклем юғарыраҡ була.

1-се а.б. Ә хәҙер һүҙҙе нәҫел ебен барлау өсөн Табын ырыуы

вәкилдәренә бирәбеҙ. Алтынсы класс уҡыусыһы

Әхмәтшин Илназ үҙ шәжәрәһен һөйләй

( Илназ сығышын шиғыр менән тамамлай)

1-се а.б. Һеҙҙең алдығыҙҙа “Дуҫлыҡ” ансамбле башҡарыуында

“Төнъяҡ амурҙары” бейеүе.

2-се а.б. Үҙ шәжәрәһе менән Азнабаев Айнур таныштырып

үтәсәк.

1-се а.б. Шәжәрә-ул сал тарихҡа бағыр тәҙрә,

Күҙ яҙҙырһаң, шул тәҙрәнән атыр йәҙрә.

Ал бер үрнәк- бал ҡорттары төҙөй кәрәҙ,

Һин дә ятма: ҡор ояңды, үр шәжәрә!

2-се а.б. Табын ырыуы вәкиле Кәримов Ишморат үҙ шәжәрәһе

менән таныштыра.

1-се а.б. Алина Вахитова башҡарыуында “Ҡурай” йыры.

2-се а.б. Рухы бай, күңеле киң, инсафлы кеше генә үҙ шәжәрәһен

онотмай.

1-се а.б. Шәжәрәмдә сал тарихы бабаларҙың,

Бөгөнгөм дә, киләсәгем дә, балаларым.

Уралымдың яҙыласаҡ, яңырасаҡ

Шәжәрәһе башҡортомдоң ал ҡанында.

Һүҙҙе Ҡыпсаҡ ырыуы вәкиле Ҡотлоғужина Ләйсәнгә

бирәбеҙ.

2-се а.б. Ҡотлоғужина Ләйсән менән Дәүләтшина Миләүшә

башҡарыуында “Аҡ сәскә” бейеүе.

Бергә: Ырыу ағасым һин, эй, Шәжәрәм!

Һин үҫкәндә донъя йәшәрә.

Күкрәк киреп олон тарбайтҡанда,

Күкте терәп ерҙә һин торғанда

Йәшәргә лә әле йәшәргә!

1-се а.б. Сәхнәлә “Дәртле йәштәр” бейеүе.

Иң һуңында “Ҡобайыр”. Вахитова Р.Р.