Чахкиев Идриса Са1ид. Вахари кхоллами.

. ( 22 январе 1938 ш. - 29 октябре 2008 ш . )

Чахкенаькъан Идриса Са1ид шоана вовзаш ва.Тахан вай цун вахарах лаьца а г1алг1ай литературе хьалхарча романах("Дошо б1оаг1ий") дувцаргда. Из ваьв 1938 шера Наьсар-Керте.1945 ш. Алма-Атински областе "Весёлая жизнь" яхача посёлке хиннача школе деша вода из.Бакъда,даи нанеи доацаш висача к1аьнка дукха ха ялалехь,артеле балха а ваха,сайранарча школе деша дийзар.Иштта дешаш итт класс яьккхачул т1ехьаг1а,Балхашерча горно-металлургически техникуме деша вода.Хьал-торо во хиларах,1956 шера цун из дешар дита а дита,дикка хала мул баккха бийзар лаьтта хьувкъадеча хьаьналча колхозникашца,шахтерашка,журналисташца.Цу дерриганех бокъонца йола вахара школа а адамий дегай уйлаш тохкаш дола 1илма хилар Чахкенаькъан Са1ида. Школе деша ваг1аш волавеннав из язде.1957 ш. Кокчетавски областе .Шучинск яхача городе арадувлаш хиннача"Социалистически къахьегамхо"яхача газета т1а кепатеха араяьлар эрсий меттала язъяь цун хьалхара стихаш,цу шера арадаьлар" Дружные ребята" яхача газета т1а хьалхара"Эрий ара виса саг"яха дувцар а. 1958 ш. д1аболабир цо ший къахьегама никъ "Седало" газета корректор а,дукха ха ялале собкор а литработник а волаш.Хьинаре къахьегар цо вай мехка дик-дикаг1а болча нахах очеркаши зарисовкаши язъеш . Цул

совг1а, "Сердало"яхача гезета т1еи "Лоаман 1уйре"яхача альманаха т1еи араювла йолалу цун эггара хьалхара г1алг1ай меттала язъяь стихаши дувцараши. Иштта вахар дайза а дуккхача произведеней автор а вар из 1959 ш. Москверча Максим Горьке ц1ераг1ча литературни институте деша водаш Из институт т1ехдика чакхйоаккх цо.Цунна эшаш мел хиннар делар цу институто,Ленина ц1ераг1ча библиотека архиваша,ц1ихеза болча эрсий йоазонхоша,литературоведаша,критикаша.Иштта цу тайпара болча наха юкъе нийсваларах а,царгара ший говзал дег1айоалаеш,дуккха къахьегарах а,в1ашт1ехьа-доал Са1ида массехк книжка язде а арахеца а. " Юххьанцара халонаш "," Са турпалаш "яхаш дар 1961 ш. арадаьнна дувцарий сборникаш.1962 ш. арадаьлар хьалхарча стихай сборник а " Г1араг1ураш".1963 ш. арадаьлар "Б1аргий хих бизза кад"яха драматически поэма т1айола книжка .Цу шера Москве "Берий литература" яхача издательстве арадаьлар берашта лаьрх1а дала "Идиги,Мадиги,з1амига йи1иги"яха дувцарий сборник.Литинститут чакхйоаккхаш яздир цо г1алг1ай литературе эггара хьалхара роман

" Дошо б1оаг1ий" Чахкенаькъан С. цу массехк книжкай автор хиларах тарра,Максим Горьке ц1ерах йолча литературни институте деша вагг1аше а,1963 ш. д1аэц СССР-а йоазонхой Союза членалла. Из яьккха ц1авеча,кхы а овсарег1а,кхы а беркатег1а хилар цун кхоллама никъ.1965 ш. эрсий меттала яьккхар поэта Геннадий Русакова таржам даь йола"Б1аргий хих бизза кад"яха драм.поэма,1966 ш. арадоал

"Седкъий дога"яха поэтически сборник,1967 ш."Иштта мара"-роман.Иштта денгара-денга тоалуш,жанрех эргабоалаш хьабера Са1ида литературни никъ.