Къамелан дакъош (части речи).

Коьрта къамелан дакъош

Бакъо

Масала

Ц1ердош

Х1ума билгал а еш, х1ун?, мила?, муьлш? бохучу хаттаршна жоп лучу къамелан декъах ц1ердош олу.

Х1ун? — мохь, г1овг1а.

Мила? — нана, Муьлш? — наной,

Билгалдош

Билгалдош олу х1уманан  билгало а гойтуш, муха? муьлха? хьенан? стенан? мацалера? мичара? бохучу  хаттаршна  жоп луш долчу къамелан декъах.
Билгалдешан ц1ердашца  уьйр  хуьлу, цо ц1ердешан  билгало  гойту.
Билгалдешнаш терахьашца  а, дожаршца а хийцало.
Билгалдешнаш лаамаза а, лааме а хуьлу. Лаамаза билгалдош предложенехь къастам хуьлий лела.

(муха?)-сирла,

(муха?) – ц1ен,

(муха?) – кегийра,

(стенан?) — мархийн,

(стенан?)– б1аьстенан,

(муьлхачу?) – эсалчу,

(мухачу?) – баьццарчу.

Терахьдош

Х1уманан масалла я рог1алла гойтуш, маса? мосалг1а? бохучу хаттаршна жоп луш долчу къамелан декъах терахьдош олу.

(Маса?) – ворх1, кхойтта, ткъе итт.
(Мосалг1а?) —   ворх1алг1а, кхойтталг1а, ткъе уьтталг1а.  

Ц1ерметдош

Ц1ердашан, билгалдешан, терахьдешан метта лелачу  къамелан декъах Ц1ерметдешнаш олу.

Со, тхо, хьо, шу, и, уьш, сан, церан, хьан, шун, х1ара, д1ора, цигара, кхузара.

Куцдош

Куцдош , дар  я  хилар   муха? маца? мичахь? х1унда? х1ун 1алашо йолуш? хуьлу гойтуш а, кхочушхиларан барам гойтуш а хуьлу. Предложенехь  куцдош, сказуемица уьйр а йолуш, латтам хуьлий лела.

Б1аьста  хьуьнхахь   хаза    хуьлу.

Б1аьста (маца?);
хьуьнхахь( мичахь?).

Хандош

Х1уманан дар. йа хилар гойтучу къамелан декъах хандош олу. Цо жоп ло хаттаршна: х1ун до? Х1ун дира? Х1ун дийр ду?

Х1ун до? йаздо; х1ун дина? йаздина; х1ун дийр ду? йаздийр ду.