Чечеген емакълар.

1. Сувукъ буса да къышда,

Ялангъач турма сюе.

Исив тюшсе, язбашда

Яшыл опуракъ гие. (Ёлка)

1. Язда да яшыл, къышда да яшыл,

Янгы йыл учун арив ярашыр. (Яшыл)

1. Сувда да, къуруда да яшай,

Алдына гелген жибинни ашай.(Бакъа)

1. Мен бир сыйлы емишмен

Ичинде токъ аш булан.

Арчып ашап болмайсан,

Сындырмасанг таш булан. (Къоз)

1. Тангдан къанатын къагъа.

«танг болгъан, тур!»- дей сагъа.

Тангдай къызыл кекели,

Ким биле шо не экенни? (Хораз)

1. Талмай ишлей, бал эте,

Аврувлагъа да эмли.

Билгенсиздир сиз энни

Шону атын мекенли. (Балжибин)

1. Къышда къарны ирите,

Язбашда исси эте.

Яйда эпсиз яллата,

Емиш бишире гюзде. (Гюн)

1. Оьзюн сувда чыгъара,

Сув тийсе, ирип къала.

Аччы, тек аз къошулса,

Аш бек татывлу бола. (Туз)

1. Узун бола – йип тюгюл,

Даим ерде сюйкеле.

Сысыллай туруп геле,

Къайсы жандыр, ким биле? (Йылан)

1. Дёгерей, дём-дёгерек,

Ойнама гьаман герек.

Сувда юзе, гьеч батмай,

Ташласанг, ерде ятмай. (Топ)

1. Он къат тону, санасанг,

Бек аччы зат оьзю де.

Чечиндирме къарасанг,

Сув акъдыра гёзюнгден. (Согъан)

1. Яш буса да – мыйыкълы,

Яш сюеген къылыкълы.

Уьйде яшай, тынч ашай,

Уьй есидей токъ яшай. (Мишик)

1. Алтын тюсде териси,

Бек гьиллачы гьариси.

Иссиде ва сувукъда

Гьайы бола тавукъда. (Тюлкю)

1. Къартны очарда яшлар

Къуршап алып токътагъан

Къужурлу суал башлай

Шо тамаза Токътахан:

- Беш къаргъа бар къап-къара

Ормандагъы терекде,

Тюбек ура олагъа

Гьавчу бираз арекден.

Тюпге тюше дёгереп,

Арасындан бир къаргъа,

Яшлар, тез жавап герек,

Терекде нече къалгъан?»

1. Агъудан аччы- балдан татли.

2. Терекде яшай,

Чертлевюк, къоз ашай. (Атъялман)

1. Бир къуйругъу бир гёзю,

Опуракъ тиге оьзю. (Ине)

1. Болса да уллу гёзлю

Гюндюзлер гёрмей оьзю. (Кикимав)

1. Абзар алдан тайышмай,

Сюек-саякъ ашаву.

Мишик булан къыйышмай

Ону бир де яшаву. (Ит)

1. Алды- сенек,

Арты-сибиртки.

Сютлю булагъы-

Семиз дёгерек. (Сыйыр)

1. Гёзлери-къыйыкъ.

Эрни-йырыкъ. (Къоян)

1. Къаркъарасы-дёгерек,

Опурагъы – тегенек.(Кирпи)

1. Къуйругъу- оракъ,

Кекели-таракъ. (Хораз)

1. Язбаш булан гелелер,

Яйда да тура бизде.

Оланы яшлар сюе,

Оьзлер гетелер гюзде. (Къушлар)

 25. Бири сёйлей,

Экиси къарай,

Экиси тынглай. (авзу, гёзлер, къулакълар)

1. Къанна къуйрукъ, ат къулакъ,

Ал къоллары къысгъаракъ.

Къоркъачлыкъдан оьлеген,

Айтыгъыз, не болажакъ?(Къоян)

1. Исси уьйде тёрде ята,

Бутун –къолун узата.

Бир де чечилмес тону,

Таныймысыз сиз ону? (Мишик)

1. Бек сабур гьайван, тюзю,

Тувмадан тонкъу оьзю.

Ачувланса, оькюре,

Эпсиз яман тюкюре.

(Тюе)

1. Ажайып тамаша жан,

Къарасагъыз кююне.

Къайда бара буса да,

Алып бара уьюн де. (Хуртуя)