Чолпонбек Базарбаев

Сабактын темасы: “СССРдин эл артисти театр бийчиси жана киноартист Чолпонбек Базарбаевге 70жыл”

Сабактын максаты: а) билим берүүчүлүк

Чолпонбек Базарбаевдин басып өткөн өмүр жолу менен кеңири тааныша алышат.

б) өнүктүрүүчүлүк

Билим билгичтиктерин, аң-сезимин, сүйлөө речин өнүктүрүшөт.

в) тарбия берүүчүлүк

Атактуу инсан болуш үчүн көп эмгек кылууга, тактыкка, тазалыкка тарбияланышат.

Сабактын тиби: Аралаш

Сабактын жабдылышы: Сүрөттөр, карточкалар, буклет, маркер ж.б.

Чолпонбек Базарбаев -КРнын эл артисти (1979), СССР эл артисти (1982). Солто уруусунун Талкан уругунан.

Таржымалы

1958-жылы М.Күрөңкеев атындагы Кыргыз мамлекеттик музыкалык жана хореографиялык окуу жайына кирип, аны 1967-жылы бүтүрүп чыккан.
1966-1993 - жылдары Кыргыз мамлекеттик академиялык А. Малдыбаев атындагы опера жана балет театрынын солисти, генералдык директору.
1993-96-жылдары Кыргыз Республикасынын маданият министри
1996-жылдан 1997-жылга чейин Кыргыз Республикасынын билим берүү, илим жана маданият министринин 1-орун басары.
Ушул эле мезгилдерде 1987-жылдан 1995-жылга чейин Кыргызстан театр ишмерлер союзунун президенти болуп иштеген.
1997-2001-жылдары "Достук" коомунун төрагасы.
2001-2002-жылдары кайрадан Кыргыз мамлекеттик академиялык А.Малдыбаев атындагы опера жана балет театрынын башкы директору.

Чыгармачылыгы

Ч. Базарбаев улуттук жана классикалык бийдин техникасын мыкты өздөштүрүү менен балет спектаклдеринде ар кыл мүнөздөгү образдарды психологиялык жактан терең ачып берген.
Базарбаевдин репертуарындагы «Шопениана», «Жизель», «Аккуу көлү», «Уйкудагы сулуу» классикалык балеттер бий өнөрүн өздөштүрүүнүн эң жогорку мектеби болгон.
СССР эл артисти Базарбаев Б. Бейшеналиевадан таалим алган.
1970-жылы Польшада «Дон Кихот» балетинен үзүндүнү Б. Бейшеналиева менен бийлеген.
АКШ, Кытай, Япония, Франция, Түркия, Швейцария, Дания жана башка дүйнөнүн көп өлкөлөрүндө гастролдо болгон.

Аткарган ролдору

Альберт (А. Адан, «Жизель»)

• Зигфрид (П. Чайковский, «Ак куу көлү»)

• Спартак (А. Хачатурян, «Спартак»)

• Нурдин (М. Раухвергер, «Чолпон»)

• Вацлав (Б. Асафьев, «Бахчисарай фонтаны»)

• Жигит (Ф. Шопен, «Шопениана»)

• Солор (Л. Минкус, «Баядерка»)

• Макбет (Молчанов, «Макбет»)

• Чолпонбай (Н. Нурымов, «Өлбөстүк») жана башкалар.

Сыйлыктары

Кыргызстан Ленин комсомолу (1977)
Эларалык «Мин он» (Япония, 1993) сыйлыгы.

Атын калтыруу

Бишкектеги Кыргыз мамлекеттик хореографиялык окуу жайына анын ысмы берилген (2004).
Бишкекте эстелиги коюлган.

Бышыктоо: Суроо жооп жана ар бир топко класстер түздүрүү менен бышыктоо.

Үй тапшырма: Чолпонбек Базарбаев боюнча дилбаян жазып келүү

№40 Акылбек Шабданов атындагы орто мектеби

Ачык тарбиялык саат

Тема: “ССРдин эл артисти театр бийчиси жана киноартист Чолпонбек Базарбаевге 70жыл”

7-класс

Мугалим: Таалайбек кызы Кымбатгүл