Чын дус исеме астында дәрес эшкәртмәсе

- Исәнмесез, укучылар! Бүген мин сезгә бүләк белән килдем (смайлик күрсәтәм) менә нинди кәеф алып килдем, карагыз әле. Сез һәрвакыт елмаеп торырга яратасыздыр? Алай булса мин бик рәхәтләнеп сезгә яхшы кәеф бүләк итәм.

Сезнең алда текст бирелгән. Эчтән бер кат укып чыгыгыз әле.

- (Укыйлар)

- Берәрегез кычкырып укып күрсәтсә әйбәт булыр иде. Кем укырга тели?

- (Укый)

- Сүз нәрсә турында бара? (Җавапка бер кар йомарламы)

-

- Закирга дуслары ничек ярдәм итә? (кар)

-

- Хәзер сезнең алда карточкалар бирелгән. Буш урыннарга Закирның дуслары исемнәрен язасыз һәм Равил белән Зөфәрнең нинди дус булуларына бәя бирәсез. (Эшлиләр). Закирның чын дусты кем була инде?

-

- Ә ни өчен? Зөфәр дә ярдәм итте бит.

-

- Яхшы. Сезнең алда шигырь тексты бар. Эчтән генә укып чыгыгыз әле. (Укыйлар.) Укып күрсәтегез әле безгә.

- (Укый)

- Шигырь нәрсә турында? (кар)

-

- Ә сезнең, укучылар, “рәхмәт”әйткәнегез бармы?

-

- Ә “рәхмәт” сүзен ишеткәнегез?

-

- Бик яхшы.

-

- Хәзер ике текстны да янәшә куегыз, шушы текстлар арасындагы бәйләнешләрне әйтегез. Укучылар, уйлап карагыз әле, мин ни өчен шушы ике текстны сайлап алдым икән? Нәрсәгә дә булса өйрәтәме ул яисә юкмы?

- (дуслык, рәхмәт)

- Сезгә тагын бер эш. Чәчәк, сүзләр бирелгән. Сез сүзләр арасыннан дуслык төшенчәсенә караган сыйфатларны сайлап алырга һәм чәчәк таҗларына ябыштырырга тиеш буласыз. (Ябыштыралар).

-

- Менә нихәтле сыйфатлар бар икән бит. Бу чәчәкләрне бер-берегезгә бүләк итә аласыз. (Бүләк итәләр). Ике текстны берләштергән тагын бер момент бар. Роберт Миңнуллин шигыреннән бер өзек укып китик:

Барыбыз да яхшылыкка мохтаҗ,

Бу заманда бигрәк.

Яхшылыкны эшләү җиңел түгел,

Ә эшләргә кирәк!

Без укыган текстларда яхшылык эшләндеме икән?

-

-Димәк, яхшылык эшләү малайлар дуслыгы җепләрен тагын да ныгытты, Гариф белән Динә дуслыгына нигез салды. Чын дуслык нинди була? Чын дусны ялган дустан ничек аерырга?

-

- Ә хәзер сез үзегезнең дустыгызны искә төшерегез. Ул чыннан да сезнең якын, ышанычлы дустыгыз микән?Я, ничек?Ышанычлымы?

-

- Мин сезгә дусларыгызның кадерен белергә киңәш итәм һәм үзегез дә чын дус була белегез дигән теләктә калам.