Авторлықтың тақырыбы: «Қазақ даласының айбынды билеушілері»

ТҮСІНІК  ХАТ

Қазіргі дүние жүзі көз ілеспес жылдамдықпен өзгеріп,                                                                                                                              ақпараттар тасқыны да өсуде.  Бүгінгі жаңалық ертеңгі тарихқа айналуда.   Кеше ғана тәуелсіздік алған еліміз де 30 жастан асты.  Бұл тарих үшін қас – қағым сәт.  Осы аз ғана тарихи қысқа мерзім ішінде республикамыз 100 жылға тең келетін жолды жүріп өтті.  Тәуелсіз Қазақстан мемлекеттілігінің шаңырағын көтеруде және оны нығайтуда сыртқы саясат ерекше маңызды рөл атқарады.  Осы жылдарда еліміз өзінің тәуелсіз сыртқы саяси бағытын дұрыс белгілеп, қалыптастырып, оны тиянақты түрде жүзеге асыруда. Тарихи шындыққа сүйенсек, кез-келген елдің дербестігі мен тәуелсіздігі оның асқақ рухы мен тұщымды тәрбиесінде. Мектеп оқушыларының ой-санасында Отандық тарих арқылы тарихи танымды қалыптастыру - маңызды міндеттердің бірі. Тарихи таным – тәуелсіздігіміздің  тірегі. Тарихсыз қоғам, халық, мемлекет болмайды.  Ел болашағын айқындайтын  білімді ұрпақ  Отандық тарихтан тек жүйелі білім алып қана қоймай, саяси үрдістердің, құбылыстардың мәнін дұрыс түсініп, өмірде белсенді әрекет ете алатын саяси сауатты азаматтар болуы керек.