Гом урок.Тема:Бестауты Георги"Саби ма фенад хаст"

Гом урок 5-ᴂм къласы

Бестауты Георги

«Саби ма фенᴂд хᴂст»

30-ᴂм скъолайы

ирон ᴂвзаг ᴂмᴂ

литературᴂйы

ахуыргᴂнᴂг

Фᴂданты И.В.

Темᴂ:Бестауты Георги «Саби ма фенᴂд хᴂст»

Нысан:1.Сывᴂллᴂттᴂм сᴂвзᴂрын кᴂнын патриотон ᴂнкъарᴂнтᴂ,

уарзондзинад Фыдыбᴂстᴂмᴂ,ᴂнᴂуынондзинад хᴂстмᴂ.

2.Бакᴂсын ᴂмдзᴂвгᴂ,сбᴂрᴂг кᴂнын йᴂ идейᴂ:зᴂххыл сабыр-

дзинад куыд уа,сывᴂллᴂттᴂ хᴂсты ад куыд нᴂ базоной.

3.Ахуырадон нысан ᴂвᴂрын.

4.Сывᴂллᴂтты хъуыдыкᴂнынад рᴂзын кᴂнын.

ᴁрмᴂг:уᴂлᴂмхасᴂн ᴂрмᴂг,компьютерон технологи.

Фᴂйнᴂгыл фыст эпиграф

Хᴂст арт у,арт та ᴂппᴂтдᴂр басудзы.

Зынᴂмбарᴂн дзырдтᴂ

узᴂлы-рᴂвдауы

фестъᴂлфыд-фᴂтарст,фесхъиудта

сау мᴂр-сау зᴂхх

уафын- ткать

Бакᴂсын фᴂйнᴂгыл фыст рᴂнхъытᴂ

Ахуырг.Куыд ᴂмбарут ацы рᴂнхъыты хъуыды?

Скъоладзаутᴂ дзурынц сᴂ хъуыдытᴂ.

Ахуырг.Райгуырᴂн бᴂстᴂ кᴂд уыд ахᴂм зын уавᴂры?

Кᴂй зонут,Фыдыбᴂстᴂйы сᴂрвᴂлтау йа цард чи суᴂлдай кодта?

Скъоладзаутᴂ дзурынц сᴂ хъуыдытᴂ хᴂсты тыххᴂй.

Фарст.Абон нᴂ урочы темᴂ цы у?Цᴂуыл ныхас кᴂндзыстᴂм?Цавᴂр хᴂс ис

нᴂ размᴂ?

Скъоладзауты дᴂттынц дзуаппытᴂ

Хᴂсты темᴂйыл цы уацмыстᴂ рацыдысты,уыдон сᴂ зᴂрдыл ᴂрлᴂууын кᴂнын.

Чи рᴂвдздᴂр?

(Скъоладзаутᴂй иу кᴂсы хицᴂн рᴂнхъытᴂ ᴂмдзᴂвгᴂтᴂй,иннᴂтᴂ та дзурынц уацмысы сᴂргонд ᴂмᴂ авторы ном.)

Фᴂлᴂ уᴂддᴂр,ныййарᴂг зᴂхх,

Дᴂуᴂн ᴂмбал кᴂм и!

Дᴂуᴂй зᴂрдᴂйᴂн адджындᴂр,

Зᴂгъ ма мын,чи у,чи?

Дзуапп .Кочысаты Мухарбег «Фыдыбᴂстᴂ»

Нᴂй ныббарᴂн бᴂстᴂйы ᴂфхᴂрдᴂн!

Сау фыдгᴂнᴂг фесᴂфᴂд дᴂ сᴂр!

Адᴂмы маст дунейᴂн ᴂрдхᴂрᴂн,

Адᴂмы маст басудздзᴂн дᴂ цᴂрᴂн,

Адᴂмы маст-арт ᴂмᴂ цᴂхᴂр.

Дзуапп. Баситы Дзамболат «Адᴂмы маст»

Абон акъоппы кастᴂн дᴂ фыстᴂг,

О,мᴂ уарзон,мᴂ ныййарᴂг мад.

Ехх,куы зонис,фырцинай куыд тыхстᴂн,

ᴁмᴂ Иры зᴂхх цᴂстыл куыд уад.

Дзуапп .Елехъоты Мурат «Фыстᴂг хᴂсты быдырᴂй»

Слайдтᴂ(хᴂстон поэттᴂ)

Базонут-ма(Скъоладзау кᴂсы)

Фарст.Кᴂй ныхᴂстᴂ сты?Цавᴂр уацмысᴂй ист сты?

«Иттᴂг хорз,мᴂ чысыл хъᴂбатыртᴂ!Раст уыди уᴂ тᴂрхон!Йᴂ Райгуырᴂн бᴂстᴂйыл гадзрахатᴂй чи цᴂуы,уымᴂн ᴂрмᴂстдᴂр ахᴂм тᴂрхон хъуамᴂ цᴂуа хаст!Басᴂттᴂд-ма уᴂдᴂ исчи ахᴂм адᴂмы!Нᴂ-ᴂ!Нᴂй ахᴂм тых зᴂххыл!ᴁмᴁ нᴂ уыдзᴂн!

Дзуапп.Темыраты Дауыты пьесᴂ «Тᴂрхон»-ы архайᴂг Умар.

Фарст.Кᴂй кой цᴂуы уацмысы?Цы ма зонут уый тыххᴂй?

Сси ᴂфсᴂддон разамонᴂг,инᴂлар.Стыр курдиатджын разамонᴂгᴂй равдыста йᴂхи хᴂсты быдыры.

Дзуапп.Баситы Михал «Инᴂлар Плиты Иссᴂ»

Слайдтᴂ

Фарст.Ирыстоны кᴂм фенᴂн ис хᴂстон цаутимᴂ баст цыртдзᴂвᴂнтᴂ амᴂ цᴂуыл дзурᴂг сты?Цы зонут уый тыххᴂй?(слайдтᴂм гᴂсгᴂ)

Скъоладзаутᴂ ахуыргᴂнᴂджы ᴂххуысᴂй дзуаппытᴂ дᴂттынц.

Физкультминутка

Ног ᴂрмᴂг

Ахуырг.

Хᴂст…Цал ᴂмᴂ цал адᴂймагᴂн ахаста йᴂ цард…Цал цардбᴂллон лᴂппуйы

нал сыздᴂхт йᴂ фыдыуᴂзᴂгмᴂ,йᴂ райгуырᴂн хᴂдзармᴂ…Цас рᴂсугъд фᴂндтᴂ ᴂмᴂ бᴂллицтᴂ сᴂм уыд,ᴂмᴂ сын сᴂ хᴂст аскъуыдта ᴂрдᴂгыл…

1941 азы,Фыдыбᴂстᴂйы Стыр хᴂст куы райдыдта,уᴂд Ирыстоны хᴂстхъом фᴂсивᴂд дᴂр нᴂ бᴂстᴂйы иннᴂ адᴂмтимᴂ ᴂрлᴂууыдысты знаджы ныхмᴂ,райгуырᴂн зᴂхх бахъахъхъᴂнынмᴂ.Загътой хᴂрзᴂбон Ирыстонᴂн.Ацыдысты хᴂстмᴂ.Ирон лᴂппутᴂ равдыстой тохы быдыры стыр лᴂгдзинад,хъᴂбатырдзинад.Зᴂгъᴂм: Лейтенант Дзотты Лазыр сᴂхгᴂдта знаджы пулемёт йᴂ рᴂзгᴂ зᴂрдᴂйᴂ.Тᴂхᴂг Зᴂнджиаты Владимир,удᴂгасᴂй йᴂ немыц баныгᴂдтой,фᴂлᴂ уᴂддᴂр баззади цᴂргᴂйᴂ.Засеты Виктор басыгъд Харьковы танчы мидᴂг.Дауыраты Илита-фыццаг чызг тᴂхᴂг.Чи сᴂ фᴂуыдзᴂн нымад?...

Байхъусын зарᴂгмᴂ «Фыстᴂг мᴂ мадмᴂ»Баллаты Вл.

Хᴂсты темᴂйыл бирᴂ уацмыстᴂ ис ирон литературᴂйы.Уыцы темᴂ ᴂмбᴂлы Бестауты Георгийы сфᴂлдыстады дᴂр,курдиатджын.дзырддзᴂугᴂ фысджытᴂй иу.Зындгонд литературон критик,фыссᴂг Джусойты Нафи афтᴂ фыста: «Йᴂ аив дзырдᴂй,йᴂ зонды ныхᴂстᴂй,йᴂ уды рᴂсугъд миниуджытᴂй бᴂлвырд фᴂбᴂрзонддᴂр кодта ирон литературᴂйы кад ᴂмᴂ ном».Хъыгагᴂн,ᴂнафоны ацыд йᴂ цардᴂй(56 азы),фᴂлᴂ йᴂ фᴂстᴂ ныууагъта рухс ᴂмᴂ ᴂнᴂхᴂрам фᴂд.

ᴁмдзᴂвгᴂ «Саби ма фенᴂд хᴂст»

Бамбарын кᴂнын зынᴂмбарᴂн дзырдты нысаниуджытᴂ(фᴂйнᴂгыл фыст)

Аив бакᴂсын ᴂмдзᴂвгᴂ

Фᴂрстытᴂ

1.ᴁхсᴂв цы хуызы ᴂвдыст цᴂуы?

2.Цᴂмᴂй фᴂтарст ,фестъᴂлфыд сывᴂллон?

3.Цавᴂр бонты кой кᴂны автор?Цы зᴂгъы уый тыххᴂй,куыд ᴂрвыста йᴂ

сабибонтᴂ?

4.Цы у поэты фᴂдзᴂхст?

5.Цы у ᴂппᴂт бᴂстᴂты адᴂмтᴂн се стырдᴂр бᴂллиц?

Рефлекси

1.Абон урочы цы базыдтат?

2.Цымыдисаг уᴂм цы фᴂкаст?

3.Цавᴂр хъуыдытᴂ уᴂм сᴂвзᴂрд?

Ахуырг. (хъуысы мелоди)

ᴁппᴂт дунейыл дᴂр Сабырдзинад уᴂд!Нᴂ сᴂрмᴂ уᴂд цъᴂх-цъᴂхид арв ᴂмᴂ сызгъᴂрин хур!Уадз ᴂмᴂ хъуысой нᴂ зᴂххыл цъиуты зард,ᴂхсᴂр- дзᴂнты хъазт,сывᴂллᴂтты хъᴂлдзᴂг худт!

Хᴂдз.хᴂс.

Аив кᴂсын ᴂмдзᴂвгᴂ.

Фᴂрстытᴂн дзуаппытᴂ дᴂттын.

Уᴂ хистᴂрты,хᴂстᴂджыты хᴂстон цауты тыххᴂй ныффыссут.