Halkara taryhy ýädigärlikleriniň güni!

Halkara taryhy

ýädigärlikleriniň güni!

Türkmenistan medeni ýadygäliklere baý ýurt. Olaryň köpüsi ÝUNESKO-nyň Bitindünýä mirasynyň sanyna girizildi. Bu ýadygärlikler bütin dünýä bellidir. Biz ata-babalarymyzdam galan medeni mirasymyza belet bolmalydyrys, olary gorap saklamalydyrys. Biz şeýle toprakda ýaşaýandygymyza busanmalydyrys, çünki onuň kökleri gadymyýetden gaýdýar.

Некрополь 360 святых

Куня-ургенч

Berkarar döwletimiziň bagtyýarlyk döwründe umumadamzat gymmatlygynyň aýrylmaz bölegine öwrülen taryhy-medeni we tebigy ýadygärlikleri geljekki nesiller üçin aýawly saklamaga gönükdirilen uly işler durmuşa geçirilýär. Şol tagallalaryň netijesinde Gadymy Merw, Köneürgenç ýadygärhkleri we Nusaý galasy ÝUNESKO-nyň Bütindünýä mirasynyň sanawyna girizildi. Jeýtun, Änew, Garadepe, Namazgadepe, Altyndepe, şeýle hem Abiwerdde, Sarahsda, Amyderýanyň kenarlarynda, Köpetdagyň jülgesinde, Uzboýuň hanasynyň ugrunda hem-de Sarygamyş kölüniň hanasynda ýerleşýän binagärlik toplumlary we aýry-aýry desgalary, Bezeghdepäniňgaýa çekilen suratlary Türkmenistanyň medeni mirasynyň sanawyna girýär .

Минарет Кутлуг-Тимура

Мавзолей Хорезмшаха Текеша (Султан-Текеш)

Ýurdumyzyň taryhy ýerlere baý künjekleriniň biri hem gadymy Daşoguz topragydyr. Horezmiň gadymy ýadygärlikleriniň, Köneürgenç. Yzmykşir, Döwkesen, Diýarbekir ýaly taryhy ýerleriň bolmagy bu gadymy topragyň syýahatçylyk gymmatyny artdyrýar.

Gadymy Lebap topragy-da Türkmenistanyň taryhy ýerlere baý künjegidir. Amul, Zemm ýadygärlikleri, Daýahatyn kerwensaraýy, Halaç etrabyndaky Idris baba, Atamyrat etrabyndaky Astanababa, Alamberdar ýadygärlikleri bu günki gün diňe bir ýurdumyzyň halkyny däl, eýsem, dünýä syýahatçylaryny, taryhçylaryny özüne çekýär.

Ahal, Mary we Balkan welaýatlary-da dünýä meşhur taryhy ýerlere baý topraklaryň biridir. Namazgadepe, Ýasydepe, Al­tyndepe, Akdepe, Gara depe, Ýelken depe, Daşly depe, Pessejikdepe we beýleki birnäçe tary­hy ýadygärliklerde geçirilen we geçirilýän ylmy-barlag işleriniň netijesinde halkymyzyň şöhratly geçmişi bilen baglanyşykly gym­matly maglumatlar ýüze çykaryldy. Hormatly Prezidentimiziň başlangyjy bilen paýtagtymyzyň golaýyndaky Paryzdepe ýadygärliklerinde alnyp baryljak gazuwagtaryş işleriniň netijesinde-de ata-babalarymyzyň geçmiş ýoly bilen baglanyşykly täze-täze, gyzykly maglumatlar ýüze çykarylar.

Мавзолей Неджмеддина Кубра 

Ашик-айдын пир

Berkarar döwletimiziň bagtyýarlyk döwründe hormatly Prezidentimiziň taýsyz tagallalary ne­tijesinde milli mirasymyz, taryhy ýadygärliklerimiz bilen baglanyşykly alnyp barylýan işleriň gerimi barha giňeýär. Şol ýadygärlikler, olarda ýüze çykarylan tapyndylar bilen baglanyşykly maglumatla­ry halkymyzyň, ýaş nesliň aňyna siňdirmek, şeýlelikde milli mirasymyza sarpany belent derejelere galdyrmak bilen baglanyşykly sogaply işleri durmuşa geçirýän hormatly Prezidentimiziň jany sag bolsun, ähli başlangyçlary rowaçlyklara beslensin!