Рабочая программа по адыгэбзэ (кабардино-черкесскому языку)

Зыубзыху тхыгъэ

Рабочэ программэр «Адыгэбзэ» (кабардино-черкесский язык (родной) предметымк1э хуэгъэпсащ Федеральнэ къэрал егъэджэныгъэ стандартыщ1эхэм (ФГОС) къагъэув къалэнхэр гъэзэщ1эным. Рабочэ программэм зэпкърех ик1и еубзыху стандартым къриубыдэу адыгэбзэ предметым еджак1уэхэм я еджэныгъэм, гъэсэныгъэм, зыужьыныгъэм епхауэ пкъырылъ 1эмалхэр, къэрал егъэджэныгъэ стандартыщ1эм (ФГОС) къигъэув къалэнхэм тету. 1-нэ классым азбукэмк1э (тхэк1э егъэщ1энымк1э) рабочэ программэр зэхэлъхьа хъуащ щ1эныгъэмк1э Федеральнэ методическэ зэхуэсыр аразы зытехъуа программэм (Примерная образовательная программа по учебному предмету «Адыгэбзэ» (Кабардино-черкесский язык (родной)) для 1-4 классов общеобразовательных организаций) ипкъ итк1э.

Мурадхэр:

-еджак1уэхэр щытхэк1э тэмэму зэф1эсыфу егъэсэн;

-тэмэму (т1эк1у хуэ1ушэу) партэм тралъхьэфу, щытхэк1э е сурэт щащ1к1э къэрэндащыр е ручкэр тэмэму зэра1ыгьын хуей щ1ык1эр егьэщ1эн;

-адыгэбзэм хьэрфу хэтхэр егьэщ1эн, ятхыфу егъэсэн;

-дэтхэнэ зы макъми и зэрыб хьэрфри и 1эрытх хьэрфри егьэщ1эн;

-макъыр зэхебгьэхмэ, абы и хьэрфыр къагьэлъэгьуэфу, хьэрфыр ебгьэлъагьумэ, абы къик1 макъыр ягъэ1уфу егъэсэн;

-хьэрфзешэхэмрэ хьэрф дэк1уашэхэмрэ зэхагъэк1ыфу егъэсэн;

-хьэрфзешэхэм тещ1ыхьауэ пычыгьуэхэр зэпащ1эу, хьэрф яджахэр зыхэт пычыгъуэхэм къеджэфу, ятхыфу егъэсэн;

-еджак1уэхэм хьэкъ ящыщ1ын хуейщ адыгэбзэмрэ адыгэ лъэпкъымрэ гуэхып1э имы1эу зэрызэпхар ик1и ф1ыуэ лъэгъун зэрыхуейр;

-бзэм къабзэу ик1и шэрыуэу ирипсэлъэн зэрыхуейр 1эмал имы1эу зэрыщытыр къагурыгъэ1уэн;

-ф1ыр 1ейм, сэбэпыр зэран хъум къыгуагъэк1ыфу, 1ейр 1умпэм ящ1ыфу, зэран хъум пэщ1эувэфу зэрыщытын хуейр егъэщ1эн.

Къалэнхэр:

-пэщ1эдзэу ягьуэта есэныгьэхэр егьэф1эк1уэныр;

-хьэрфышхуэ, хьэрф ц1ык1у псоми я тхык1эм щыгьэгьуэзэн, ахэр зэпащ1эфын; -макъхэр къызэрыгьэлъэгьуа 1эрытх хьэрфхэр яц1ыхун;

-псалъэухахэр щатхкIэ, хьэрфхэм я лъагагъ-лъахъшагъэм хуэсакъыу, ахэр захуэу ятхыфын;

-псалъэухахэр тэмэму ятхыфу егьэсэн (ипэ ит псалъэр хьэрфышхуэк1э кьегьэжьауэ, и к1эм точкэ гъэувауэ);

-зи къэпсэлъыкIэрэ зи тхыкIэкIэ зытехуэ псалъэ, зи мыхьэнэр къагурыIуэхэр, апхуэдэ псалъэхэу зэхэт псалъэуха тынш дыдэхэр ятхыфын (псалъэ 15-20 –м нэс);

-еджак1уэ ц1ык1ухэм щ1эныгьэ пыухык1а зэрагъуэтым къыдэк1уэу я Хэкур ф1ыуэ ялъагъуу гъэсэныр;

-еджак1уэ ц1ык1ухэр ц1ыху пэжхэу, бэшэчхэу, л1ыгьэ яхэлъу къэгъэхъуныр;

я анэдэльхубзэм, хабзэм, нэхъыжьым пщ1э хуащ1у гьэсэныр.

«Адыгэбзэ» предметыр яджыным папщ1э хухахащ сыхьэт бжыгъэу 66,тхьэмахуэм – сыхьэтит1 хуэзэу.

Япэ гъэ еджэгъуэм и кIэм деж еджакIуэхэм адыгэбзэмкIэ

ящIэн хуейхэмрэ яхузэфIэкIыпхъэхэмрэ.

Личностнэ зэф1эк1хэр (результатхэр):

-адыгэбзэр лъэпкъ щэнхабзэ ф1ыгъуэу зэрыщытымк1э пэщ1эдзэ гуры1уэныгъэхэр ягъуэтын;

-анэдэлъхубзэм ц1ыхум и зэхэщ1ык1ым, и зыужьыныгъэм, и хьэл-щэным и зэф1эувэныгъэм и хэк1ып1эу зэрыщытым теухуауэ пэщ1эдзэ гуры1уэныгъэхэр ягъуэтын;

-еджэныгъэм и1э мыхьэнэр зыхащ1ык1ын;

-анэдэлъхубзэм пщ1э хуэщ1ыныр, абы иригушхуэныр, ар ф1ыуэ лъагъуныр я къалэну, хьэкъыу зэрыщытыр къагйры1уэн;

-анэдэлъхубзэм и къабзагъэмрэ, и дахагъэмрэ хъумэным хуэшэн, ар лъэпкъ щэнхабзэм и 1ыхьэу зэрыщытым теухуауэ пэщ1эдзэ гуры1уэныгъэхэр ягъуэтын;

-еджак1уэхэм я бзэр еф1эк1уэныгъэ.

Метапредметнэ зэф1эк1хэр (результатхэр):

-егъэджак1уэр я дэ1эпыкъуэгъуу урокым и мурадхэр яубзыхуфын;

-урокым щалэжьыну лэжыгъэхэм я зэк1элъык1уэк1эр къа1уэтэфын;

-учебникымк1э ялэжь лэжьыгъэм теухуауэ езым я еплъык1эр къа1уэтэфын.

-учебникым и зэхэлъык1эм иригъуэзэфын;

-упщ1эхэм я жэуапхэр тхыгъэм, сурэтхэм къыщагъуэтыфын;

-егъэджак1уэр я дэ1эпыкъуэгъуу лэжьыгъэ ягъэзэщ1эм теухуауэ выводхэр ящ1ын;

-зэдэ1уа е зэджа текстхэр убгъуауэ къэ1уэтэжыфын;

-я гупсысэхэр (псалъэухак1э, текстк1э) къа1уэтэфын;

-нэгъуэщ1ым и псалъэм едэ1уэфын, къагуры1уэн;

-гъэхуауэ текст къеджэн, къэ1уэтэжын;

-къыдеджэ ц1ык1ухэм ягуры1уэн, яхэзэгъэн;

- бзэм къэгъэсэбэпыкIэу иIэ псоми, жьэрыIуатэбзэми тхыбзэми яхэлъын хуей культурэ лъабжьэми хуэIэрыхуэ ухъунырщ, еджакIуэр езым и ныбжь елъытауэ здыхэхуэ щытыкIэхэм бзэр къыщигъэсэбэпыфынырщ.

Предметнэ зэф1эк1хэр (результатхэр):

-бзэм и къалэн нэхъыщхьэр ящ1эн, ц1ыхухэр зэрызэгуры1уэ 1эмалу зэрыщытыр, бзэмрэ лъэпкъ щэнхабзэмрэ зэрызэпыщ1а, анэдэлъхубзэм ц1ыху гъащ1эмрэ обществэмрэ ща1э мыхьэнэм теухуауэ пэщ1эдзэ гуры1уэныгъэхэр ягъуэтын;

-макъхэмрэ хьэрфхэмрэ зэхагъэк1ыфын;

-макъзешэхэмрэ макъ дэк1уашэхэмрэ зэхагъэк1ыфын;

-псалъэхэр, псалъэухахэр зэхагъэк1ыфын;

-псалъэухамрэ текстыр зэхагъэк1ыфын;

-адыгэбзэм и алфавитыр зэрыщыту ящ1эн, ятхыфын;

-псалъэхэр пычыгъукэк1э зэпаудыфын, ударенэр трагъэувэфын;

-псалъэухам и щ1эдзап1эр хьэрфышхуэк1э зэратхыр ящ1эн;

-псалъэухам и к1эм нагъыщэхэр ягъэувыфын;

-къыщеджэкIи къыщапсэлъкIи псалъэухам и кIэм макъым зыщрагъэIэтыфын е щагъэлъахъшэфын;

-псалъэхэмрэ псалъэухахэмрэ кьытратхык1ыфын (япэ щ1ык1э 1эрытхым, иужьк1э зэрыбу тедзам);

-тхэк1э къабзэ я1эн.

Егъэджыныр зэрызэхэлъымрэ къызэщ1иубыдэмрэ

Календарнэ-тематическэ план