Сызықтық алгоритмді программалау. Енгізу және шығару операторлары, меншіктеу операторы.

Күнделікті сабақ жоспары

Бекітілді: Пәні: информатика

Класы: 7 «А», 7 «Ә»

К үні: ________________

Сабақтың тақырыбы: Сызықтық алгоритмді программалау. Енгізу және шығару операторлары, меншіктеу операторы.

Сабақтың мақсаты:

Білімділік - сызықтық алгоритмдерді бағдарламалауды үйрету. Сабақтан алған теориялық білімдерін жүйелі түрде тәжірибе жүзінде көрсете білу дағдыларын қалыптастыру.

Дамытушылық – өз білімдерін сауатты түрде жеткізе білуді, пәнге деген қызығушылықты дамыту

Тәрбиелік – Оқушылардың белсенділігін арттыру, жұмыс жасау мақсатында компьютерлік сауаттылыққа, өзара көмектесуге, өзін-өзі бағалауға тәрбиелеу.

Құрал-жабдықтар: ДК, дәптерлер, оқулықтар.

Сабақтың барысы

І. Ұйымдастыру кезеңі

ІІ. Үй тапсырмасын тексеру

Сабақ барысы:

ІІІ. Жаңа сабақ

Алгоритмнің 3 түрі бар:

• Сызықтық

• Тармақталған

• Циклдік

Егер алгоритмнің N қадамы болса және олардың барлығы басынан аяғына дейін бірінен соң бірі тізбектеле орындалатын болса, онда ондай алгоритмді сызықтық алгоритм дейміз.

Сызықтық алгоритмде барлық бұйрықтар алгоритмде көрсетілгендей тізбектей орындалады.

Сызықтық алгоритмге мысал:

• Екі санды қосу

• Робот портреті

• Үй тапсырмасын орындау

• Жұмыртқа қуыру және т. б.

Алгоритм сөздік формада, графикалық, алгоритмдік тілде, программалау тілінде беріледі.

Алгоритмнің басы және соңы эллипспен (сопақша шеңбермен) беріледі. Іс-әрекет тіктөртбұрышты фигурада жазылады. Енгізу және шығару мәліметтері параллелограмға жазылады. Блок-сызбадағы барлық элементтер бір-бірімен нұсқаумен байланысады, ол алгоритмнің орындалу бағытын көрсетеді.

Меншіктеу операторы – кез-келген айнымалыға мән беруді жүзеге асыратын, белгілі мәндері бойынша арифметикалық өрнектердің мәндерін есептеп меншіктейтін, жиі қолданыста болатын оператор. Түрі:

Айнымалы:=өрнек;

а:=5, х:=15, с:=а+b т.с.с.

Меншіктеу операторы тек арифметикалық өрнектер үшін ғана емес логикалық және символдық өрнектерге де қолданылады. Айнымалыға символдық шаманы меншіктегенде символ апострофқа алынып жазылады. Мысалы:

V:=’A’, X:=’15’, Y:=’Он_бес’ т.с.с.

ІV. Бекіту

Оқушылар тест сұрақтарына жауап береді

V. Бағалау

VІ. Үйге тапсырма

Та0ырыпты оқу, мазмұндау.