Урок матэматыкі па тэме "Пісьмовае складанне двухзначных лікаў з пераходам праз разрад"

Матэматыка 2 клас

Тэма: Пісьмовае складанне двухзначных лікаў з пераходам праз разрад

Мэты: стварыць умовы для замацавання ведання алгарытма складання двухзначных лікаў з пераходам праз разрад ; удасканальваць вылічальныя навыкі; практыкаваць у рашэнні задач вывучаных тыпаў, складанні лікавых выразаў па схеме; развіваць лагічнае мысленне, творчыя здольнасці, уменне працаваць самастойна; выхоўваць цікавасць да матэматыкі сродкамі дыдактычнай гульні.

Абсталяванне: малюнкі з вобразамі герояў да казкі “Гусі - лебедзі”, сігнальныя карткі, карткі з прыкладамі, яблынька з яблыкамі, гімнастыка для вачэй.

Ход урока

1. Арганізацыйны момант. Псіхолага-педагагічны настрой вучняў на актыўную працу.

• Усміхніцеся тыя, хто прыйшоў на ўрок з добрым настроем.

• Пацісніце руку суседу, калі вы добры чалавек і гатовы дапамагчы таварышу.

• А зараз праверым вашу гатоўнасць да ўрока:

• Ручкі на месцы? (на месцы)

• Ножкі на месцы? (на месцы)

• Спінка прамая? (прамая)

• Урок пачынаем.

1. Праверка дамашняга задання № 6, 7(1, 2 сл.) с.49

• Колькі дзяцей пайшлі дамоў? (8 дзяцей) № 6 с. 49

• Назваць выразы значэнне якіх роўна: 31, 51, 71, 54, 94, 41(сігнальныя карткі)№7 с. 49

• Самаацэнка “Шкала поспеху”

3. Паведамленне тэмы і мэт урока.

- Над якой тэмай мы працавалі на мінулых уроках?

- Пры дапамозе слоў запісаных на дошцы “замацаванне”, “складанне”, “двухзначныя лікі” вучні спрабуюць сфармуліраваць тэму ўрока.

- Якія задачы паставім да ўрока? (вучні прапануюць варыянты задач)

1. Вусны лік

Настаўнік: Урок наш будзе незвычайны, казачны, з усемагчымымі заданнямі і галаваломкамі. Але спачатку давайце ўспомнім казку “Гусі-лебедзі”.

Жылі-былі мужык з жонкаю. (Настаўнік прымацоўвае малюнак з адпаведнымі выявамі на дошку.) Былі ў іх дачка ды сынок маленькі Іванка. (Настаўнік прымацоўвае малюнак з адпаведнымі выявамі на дошку.)

“Дачушка,-гаварылі бацькі, - мы паедзем на кірмаш. Нікуды не хадзі з двара, беражы Іванку. А мы табе падарункі прывязём!”

Паехалі бацькі , а дзяўчынка забылася, што ёй казалі, пасадзіла Іванку на траўку, а сама пабегла з сяброўкамі гуляць.

Сумна стала хлопчыку, стаў ён казкі ўспамінаць ды лічыць, колькі ўспомніў.

Давайце і мы палічым.

1)

2)

3) 65 см=дмсм

80 см=дм

10 дм=см

1г 20мін=мін

3 м = дм

4) Мама ўзяла 7 яблыкаў для пірага і 4 яблыкі для блінчыкаў. У кошыку засталося 20 яблыкаў. Колькі яблыкаў было ў кошыку?

- Запіс даты. Колькі галосных у слове сакавіка? Зычных? 44

- Хвілінка чыстапісання 44

1. Замацаванне вывучанага матэрыяла.

Настаўнік. Раптам наляцелі злыя гусі-лебедзі, падхапілі хлопчыка і панеслі. (Выява Іванкі ўбіраецца з дошкі)

• А хто ім прыказаў гэта зрабіць, мы даведаемся, калі выканаеце пісьмовае складанне двухзначных лікаў і разгадаеце шыфраграму.

На дошцы напісаны прыклады ў слупок,двое вучняў рашаюць іх ля дошкі, астатнія ў сшытках.

19+22= 36+27= 27+14= 49+14= 76+15= 53+19= 25+38=

Калі дзеці правільна рашаць прыклады, на дошцы з’яўляецца шыфраграма.

Дзеці працуюць у парах. Правяраюць з дошкі. Самаацэнка”Шкала поспеху”. Вывешваецца на дошку малюнак Бабы-Ягі.

• Вось хто выкраў Іванку! Трэба дапамагчы дзяўчынцы выратаваць браціка.

Але перш чым адправіцца ў дарогу, давайце адпачнём.

• Фізкультхвілінка “Раз - падняцца”

Настаўнік. Адпачылі? А цяпер у дарогу. На нашым шляху расце яблынька. (Выстаўляецца малюнак яблынькі)

• Яблынька, яблынька, пакажы нам дарогу да Бабы-Ягі.

• Пакажу,- адказвае яблынька. –Толькі з’ешце мае яблычкі. Яблыкі мае не простыя, а чароўныя, з заданнем. (На адваротным баку запісаны заданні)

Рашэнне заданняў

а) жоўты яблык

Начарці прамавугольнік, даўжыня якога 4 см, а шырыня – 2 см. Знайдзі перыметр.

б) чырвоны яблык

Начарці прамавугольнік, даўжыня якога 4 см, а шырыня на 2 см меншая. Знайдзі перыметр.

в) зялёны яблык

Складзі і рашы задачу.

4см

2см Р - ?

• Аб’яднайцеся ў групы па колерах яблыкаў і праверце рашэнне.

• Які адказ у тых, хто выконваў заданне на чырвонай картцы?зялёнай? жоўтай?

Настаўнік.Ідзём далей. А на нашым шляху – печка. (Выстаўляецца малюнак печкі)

• Печка, печка, пакажы нам дарогу да Бабы-Ягі.

• Пакажу, - кажа печка, але вам трэба з’есці мой піражок. Піражок не просты, а з начыннем. Вам спадабаецца.

“Начынне” – заданне № 4, стар.50 (прачытаць, прааналізаваць і рашыць задачу)

Гімнастыка для вачэй “Матылёк”

Настаўнік. А вось і хатка Бабы-Ягі. (Малюнак хаткі)

• Баба-Яга, аддай нам, калі ласка, Іванку!

• Аддам, - кажа Баба-Яга. – Толькі складзіце прыклады па схемах і рашыце іх.

Заданне №5, стар.50 (вусна)

(Настаўнік ізноў выстаўляе малюнак Іванкі)

• Малайцы, дзеці, вызвалілі Іванку з бяды!

1. Тлумачэнне дамашняга задання.

1. №10 с. 51

2. № 9, 10 (1-3 сл)

3. Скласці 10 прыкладаў у слупок на складанне

1. Падвядзенне вынікаў урока.

• Што спадабалася на ўроку?

• Якія заданні выклікалі цяжкасці?

1. Псіхалагічны прыём: "Чароўная яблынька" на выяўленне настрою дзяцей, іх стаўленне да вучобы.

-Ацаніце сваю працу на ўроку, а дапаможа нам у гэтым яблынька.

Зялёны яблык - не дапусціў ніводнай памылкі, задаволены сабой;

Жоўты яблык - дапусціў недакладнасць;

Чырвоны яблык - трэба паспрабаваць і поспех прыйдзе.