Үшбұрыш және оның түрлері. Бізді қоршаған әлемдегі үшбұрыштар

Мұғалімнің аты-жөні:

Беринбаев Гани Жаппасбаевич

Сыныбы:

7

Сабақтың тақырыбы:

Үшбұрыш және оның түрлері. Бізді қоршаған әлемдегі үшбұрыштар.

Жалпы мақсаты:

Оқушыларды үшбұрыш, оның қабырғалары бойынша және бұрыштары арқылы түрлерін ажырату, қабырғаларының ұзындықтары бойынша периметрін есептеуге үйрету.
•Жылдамдыққа, сауаттылыққа, ұйымшылдыққа, ұқыптылыққа, ізденімпаздыққа, өзін бағалай алуға, сенімділікке тәрбиелеу.

Оқыту нәтижесі:

Мазмұнға байланысты: Үшбұрыштың анықтамасын, түрлерін біледі, оладың айырмашылықтарын түсінеді, ажырата алады, есептер шешеді. СТО ойлауды дамытуға байланысты: Өз пікірімен салыстырады, тыңдауды үйренеді, алған білімін өмірде қолдана алады.Топпен жұмысқа байланысты: Ұйымшылдыққа үйренеді, өз білімдеріне қорытынды жасай алады.

Түйінді идеялар:

Оқушылардың қызығушылығын ояту, өз ойын қорытындылай білуге қалыптастыру.

Сабақ барысы:

Мұғалімнің іс-әрекеті

Оқушылардың іс-әрекеттері

Бағалау

І.Ұйымдастыру /3 мин/

Оқушылармен сәлемдесу, сыныптың тазалығына көңіл бөлу, оқушылардың зейінін сабаққа аудару, бірігіп шешетін жағдай тудырып, оны бірлесе шешуді ұйымдастыру мақсатында оқушыларды

3 топқа бөлу.

Сәлемдеседі, кезекші сыныптағы оқушылар туралы мәлімет береді. Оқу құралдарын дайындап, зейіндерін сабаққа аударады.

Мадақтама арқылы

ІІ. Жаңа сабақ (слайд ) /15 мин/
Өмірдегі көріністерден мысалдар келтіру:
- Үшбұрыштар (біз қандай фигуралар жинадық)
- Ендеше қоршаған ортамыздағы үшбұрышты заттарды елестетейік
- Таулар, пирамидалар, жол жүру ережесіндегі ескерту белгілері және т. б.
- Негізінен үшбұрыштар үшкір болады, сондықтан оның ауаны тесіп өтетін қасиеті бар деуімізге болады. Мысалы: ұшақтардың басы, құстардың тұмсығы, майшамның жанып тұруы, т. б.
- Енді үшбұрышты геометрияда қалай салатынымызға тоқталайық
- Алдымен жазықтықтан 3 нүкте белгілеп аламыз және оларды белгілейміз. Олардың арасын кесінділермен қосамыз. Сонда үш төбесі, үш қабырғасы, үш бұрышы бар элементтерден құралған геометриялық фигура пайда болады.
Анықтама. Бір түзуде жатпайтын үш нүктемен осы нүктелерді қосатын үш кесіндіден және сол кесінділермен шектелген жазықтықтың бөлігінен тұратын фигураны үшбұрыш деп атайды.
Үшбұрыштың қабырғаларына байланысты түрлері:
1) қабырғаларының ұзындықтары әртүрлі болатын үшбұрыш әр қабырғалы үшбұрыш
2) екі қабырғасы тең болатын үшбұрыш тең бүйірлі үшбұрыш
3) үш қабырғасы өзара тең болатын үшбұрыш тең қабырғалы үшбұрыш
Үшбұрыштың бұрыштарына байланысты түрлері:
1) үш бұрышы да сүйір болатын сүйір бұрышты үшбұрыш
2) бір бұрышы тік болатын тік бұрышты үшбұрыш
3) бір бұрышы доғал болатын үшбұрыш доғал бұрышты үшбұрыш деп аталады.
Анықтама: Үшбұрыштың қабырғаларының ұзындықтарының қосындысы периметрі деп аталады. 

 ІІІ. «Сәйкестендіру» топтық жұмыс /3 мин/

IV. «Семантикалық карта» топтық жұмыс /10 мин/

V. Оқулықпен жұмыс. / 10 мин/

№109

№110

№114

№115

VI. «Анықтамаларды жалғастырыңыздар (жаңа тақырыпты қорытындылау) » жеке жұмыс /5 мин/

V. Рефлексия /2 мин/

Оқушылардың сабақтың соңындағы көңіл-күйін қадағалау.

VІ. Үйге тапсырма: /2мин/

№116; 121

VІІ. Бағалау /3 мин/

.

Оқушылар осы есептерді шығарады

Сүйір бұрышты үшбұрыш деп аталады егер, …

Доғал бұрышты үшбұрыш деп аталады егер, ......

Тең бүйірлі үшбұрыш деп аталады егер,…

Тең қабырғалы үшбұрыш деп аталады егер, ...

Қабырғалары әр түрлі деп аталады егер, ...

Тікбұрышты үшбұрыш деп аталады егер, ...

Мадақтама арқылы

Суммативті жиынтық баға қою