Wagty aňladýan sözler

Daňdan wagty. Günüň dogjak ýeriniň ýagtylyp başlamagy. Daň atandan Gün dogýança. Tomus aýlarynda ol bir ýarym sagatlap dowam edýär.

Ertir wagty. Daň atanda Gün dogup, Ýerden gowy saýlanýança. Seýle hem ertir sözüniň geljek, indiki gün manysy hembar. Mysal üçin, “Bu gün bolmaz, ertir gel” ýa-da “Ertirimizi (geljegimiz) göz öňünde tutsak”.

Salkyn. Bir gündiziň ýarysy. Mysal üçin, “Bu işi bir salkynda etse bolar”.

Ertir salkyn. Gündiziň birinji ýarymy. Gün dogandan dünortana çenli dowam edýär.

Öýlän salkyn. Gündiziň ikinji ýarymy. Günortandan ýarym sagat çemesi geçensöň başlanyp, gün ikindi bolýança dowam edýär.

Guşluk Tomus günleri sagat 9 töweregi

Uly guşluk Tomus günleri sagat 11 töweregi.

Günorta , günortan, çäş wagty, günorta garaňkysy

Günüň iň ýokary galýan wagty. Günortandan soň Gün aşak inip ugraýar. Mysal üçin, “Günorta boldy”, “Çarşenbe gün çäş wagty”.

Öýlän. Günortandan ýarym sagat çemesi geçenden soň başlanýar.

Ir öýlän. Günorta geçenden soň öýläniň giren ilkinji pursatlary.

Ak öýlän. Ir öýleden soň öýle guşluga çenli.

Öýle guşluk. Ak ýölendän soň ikindä çenli

Ikindi. Ýaşmasy golaýlan Günüň reňkiniň üýtgäp gyzaryp başlaýan wagty. Ikindi gidende her bir zadyň kölegesi öz boýunyň iki essesine günortanky kölegesiniň boýuny goşanyňdaky uzynlyga ýetýär.

Agşam . Gün ýaşan badyna agşam girýär we garaňky gatlyşýança dowam edýär.

Ir agşam, ilkagşam. Agşamyň ilkinji pursatlary. Ýaşan Günüň ýagtysy solýança dowam edýär.

Giç agşam. Ýaşan Günüň ýagtysy ýiteňkirläp, sapak doly ýitýänçä, asmanda görünýän ýyldyzlar sanardan has köpelýänçä dowam edýär.

Ýassy. Agşamdan soň ýassy namasynyňokalýan wagty başlanýar.

Ýary gije. Gijäniň ýarysynyň geçmegi. Gije umumy ikä bölünip, ýary gijeden öň we ýary gijeden soň diýip hem atlandyrylýar.