Yo’l transport hodisasi statistikasi. Y’o’l-transport hodisalari. Yo’l harakati xavfsizligi.

Mavzu: Yo’l transport hodisasi statistikasi.

Y’o’l-transport hodisalari. Yo’l harakati xavfsizligi.

Harakat xavfsizligiga ta’sir qiladigan asosiy omillar:

Haydovchining malakasi, psixofiziologik xususiyatlari (ko’zning o’tkirligi, ranglarni ajrata olish, ko’z bilan chamalay olishi, reaksiyasi, diqqat-e’tibori, murakkab vaziyatlarda o’zini tuta bilish xususiyatlari),intizomligi, avtomobilni boshqarish tajribasi va mahorati;

Avtomobilning konstruktiv xususiyatlari va texnik holati;

Yo’l qatnov qismining kengligi, yo’l qoplamasining holati, ko’rinuvchanlik, yo’lning harakatni boshqarish texnik vositalari (svetofor, yo’l belgilari, to’siqlar) bilan jihozlanganligi, ayniqsa, qish vaqtlarida yo’lning holati va hokazo .

Haydovchi- avtomobil-yo’l tizimida harakat xavfsizligi bog’liq bo’lgan asosiy bo’g’in haydovchi bo’lib, bunda uning tajribasi, bilimi, intizomi muhim rol o’ynaydi.

Yo’l –transport hodisalari.

YTH larining asosiy turlari:transport vositalarining o’zaro to’qnashib ketishi; transport vositalarining ag’darilib ketish; to’siqqa urilishi, yo’lovchini bosib olishi; velosiped haydovchisini urib ketishi; to’xtab to’rgan transport vositasiga urilishi; ot-aravaga urilishi; hayvonlarni bosib ketishi; yo’lovchini yiqitib ketishi va hokazo.

YTH hodisalarini keltirib chiqaradigan sabablar va omillar:

Haydovchining yo’l harakat qoidalarini buzishi va uning malakasi etarli emasligi; yo’lovchilarning yo’l harakat qoidalarini bilmasligi va intizomsizligi; transport vositalari konstruktsiyasidagi kamchilik va texnik buzuqliklar; yo’l sharoiti holatining qoniqarsiz ekanligi va harakatni tashkil qilishdagi kamchiliklar va hokazo.

YTH haqida hisob va hisobot tayyorlash ishlari ATKsi harakat xavfsizligi xizmati xodimlarining ish faoliyatining asosiy yo’nalishi hisoblanadi. YTH haqidagi statistic ma’lumotlar – avariyalar bo’lib turish sabablarini har tomonlama tahlil qilish uchun asos bo’lib hisoblanadi. Harakatlanayotgan transport vositalarining bir , yoki, bir nechtasi ishtirokidagi YTH oqibatida insonlar o’limi, jarohatlanishi, yoki, transport vositalariga, yuklarga, yo’l va yo’l inshootlariga zarar yetkazish hollarining barchasi haqida hisob olib boriladi. Biroq, davlat statistic hisobotida ichki ishlar organlarining faqat YTH natijasida jabr ko’rganlar va ko’rilgan moddiy zararlar qiymati ko’rsatiladi.

Davlat statistik hisobotlariga quyidagi YTHi kirmaydi:

• qo’riqlanayotgan,chegaralangan korxona va tashkilotlar hududida;

• aerodrom, harbiy qismlar va shunga o’xshashlar;

• avtomobil sporti musobaqalari vaqtida ( mashg’ulotlar ham shu jumladan);

• traktor va o’zi yurar mashinalar tomonidan asosiy ishlab chiqarish ishlarini bajarish vaqtida (transheyalar qozish);

• o’zi ag’daruvchi avtomobillar va avtokranlar yordamida bajailgan ortish- tushirish ishlari;

• q / x mahsulotlarini yig’’im- terimi vaqtida ;

• tabiiy ofatlar natijasida sodir bo’lsa;

• texnik soz bo’lgan harakatlanuvchi vositalarda yong’in chiqsa;

YHQlari, transport vositalarian foydalanish qoidalarining buzilishi va boshqa qoida buzarliklar YTHni tahlil qilish kerak ekanligini ko’rsatadi. YTQ buzilishiga misol qilib, quvib o’tish qoidalarining buzilishi; harakat tezligini oshirish; qarama-qarshi yo’nalishga o’tib ketish; oraliq masofaga rioya qilmaslik; yolovchi tashish qoidalarining buzilishini ko’rsatish mumkin.

YTH sabablariga – haydovchining etarlicha mahoratga ega emasligi, charchash va rulda uxlab qolish hollarini ko’rsatish mumkin.

Transport vositalarining qarama-qarshi va to’g’ri yo’nalishdagi to’qnashuvi

a) ro’paradan b) ko’ndalang

Nazorat savollari

1.Y’o’l-transport hodisalari, YTH klassifikasiyasi haqida aytib bering.

2. Harakat xavfsizligiga ta’sir qiladigan asosiy omillar haqida aytib bering.

3. Yo’l-transport xodisalarini xisobga olish haqida aytib bering.