Жобо............................................,.

“Бекитемин”

Токтогул райондук билим

берүү бөлүмүнүн башчысы

__________Д. Сулпукарова

“12”. 02. 2020-жыл

2019-2020-окуу жылынын 1-30-апрелине чейин жүргүзүлө турган 3-4-класстын окуучуларынын окуп түшүнүүсү, окуу техникасы, сабаттуулугу, математикалык түшүнүктөрдүн калыптануусу боюнча өз ара тажрыйба алмашуунун

ЖОБОСУ

Максаты:

• 3-4-класстын окуучуларынын окуп түшүнүүсүн, окуу техникасын, сабаттуулугун, математикалык түшүнүктөрүн калыптандыруусунда мугалимдердин педагогикалык ишмердүүлүгүн жакшыртуу;

• Мугалимдердин натыйжалуу кайтарым байланыш берүү ыкмасын өнүктүрүү

Милдеттери:

• 3-4-класстын окуучуларынын жат жазуудагы сабаттуулугун арттырууда орфографиялык, пунктуациялык жактан бирдиктүү эреже-нормаларын сактап туура жазуусун калыптандыруу;

• Окуучунун кол жазмасын, коллиграфиясын, тамгалардын графикалык эрежелерге ылайык жазуусун өнүктүрүү;

• 3-4-класстын окуучуларынын адабий окуудагы текстти көркөм, туура так окуусун, чыгарманы кунт коюп угуп, окуянын картасын тузө билүүсүн, эске тутуу, окуп түшүнүү жөндөмүн өркүндөтүүгө көмөк көрсөтүү;

• 3-4-класстын окуучуларынын текстти шар, көрктүү окуй алуусун жана окуу техникасынын курактык деңгээлине ылайык окуу көндүмдөрүн калыптандыруу;

• Математикалык түшүнүктөрүн калыптандыруу;

• Көп орундуу сандар менен амалдарды, туюнтмаларды,теңдемелерди тартиби боюнча иштөөсүн, геометриялык фигуралардын периметрин табууда, маселе чыгарууда туура шарт түзүп иштей билүүнү үйрөтүү;

• 3-4-класстын окуучуларынын орус тилинен жат жазуудагы сабаттуулугун, коллиграфиясын, сөздөрдү орфографиялык-пунктуациялык эрежелерге ылайык жаза билүүсүн, тамгаларды графикалык эрежелерге ылайык жазуусун калыптандыруу;

• 4-класстардын окуучуларынын англис тили сабагынан тексттеги кыска сөздөрдү туура окуусун жана сөздүк запасын өнүктүрүү

Кыргыз тили сабагынан жат жазуу боюнча баалоо критерийлери:

Жат жазуунун эрежеге ылайык көлөмү:

3-класстарга 70-80 сөз

4-класстарга 80-90 сөз

• “5” деген баа- иш таза жазылып, өзүнүн бир оңдоосу болсо, одоно эмес 1 орфографиялык же 1пунктуациялык ката кетирсе;

• “4” деген баа- иш таза жазылып, бирок 2ден ашпаган орфографиялык, же 1 пунктуациялык ката кетирсе;

• “3” деген баа- каллиграфиясы анча дурус эмес, 5-6 орфографиялык жана пунктуациялык ката кетирсе;

• “2” деген баа- иш булганыч аткарылып, орфографиялык- пунктуациялык жактан 7ден ашык ката кетирсе коюлат.

Эскертүү: Айрым учурда, иш таза аткарылып, окшош каталар кетирилсе, аларды топтоштуруп, 3 катаны 1 ката катары эсептөөгө жол берилет.

Математика сабагынан текшерүү иш боюнча баалоо критерийлери:

Текшерүү иштин эрежеге ылайык көлөмү:

• Амалдарды аткаруу

• Аттуу сандарды майдалоо

• Теңдемени чыгаруу

• Периметрин, аянтын табуу

• Маселе чыгаруу

Адабий окуу сабагынан көркөм окуу, окуп түшүнүү боюнча баалоо критерийлери:

• Текстин көлөмү (жомок)

- 3-класска 3-класстын адабий окуу китебиндеги текст болуусу шарт

- 4-класска 3-класстын адабий окуу китебиндеги текст болуусу шарт

• Текстке коюлган тапшырмалар

• Окуянын картасын жазуу же сүрөт аркылуу түзүү

• Окуядагы каармандын сөзү

Эскертүү: Мониторинг алган мугалим жогорудагы талаптарга ылайык тапшырмаларды түзүп класс жетекчиге берип, окуучулардын ишин эрежеге ылайык баалайт.

Орус тили сабагынан жазуу иши боюнча баалоо критерийлери:

Жазуу ишинин (диктанттын) эрежеге ылайык көлөмү:

3-класстарга 30-40 сөз

4-класстарга 40-50 сөз

• “5” деген баа- иш таза жазылып, өзүнүн бир оңдоосу болсо, одоно эмес 2 орфографиялык же 2 пунктуациялык ката кетирсе;

• “4” деген баа- иш таза жазылып, 4 орфографиялык, же 3төн ашпаган пунктуациялык ката кетирсе;

• “3” деген баа- иш, негизинен таза жазылып, бирок өзүнүн оңдоолору бар, 5,6 орфографиялык,4 пунктуациялык ката кетирсе;

• “2” деген баа- иш булганыч аткарылып, орфографиялык- пунктуациялык жактан 8ден ашык ката кетирсе коюлат.

Эскертүү: Айрым учурда, иш таза аткарылып, окшош каталар кетирилсе, аларды топтоштуруп, 3 катаны 1 ката катары эсептөөгө жол берилет.

Англис тил сабагы боюнча баалоо критерийлери:

• Англис тили сабагынын окуу китебиндеги текстерди окутуу

• Текстеги сөздөрдү эрежеге ылайык так туура окуусу боюнча баалоо

Уюштуруу :

Белгиленген графикке ылайык мониторинг жүргүзүү үчүн мектептин төмөндөгү мугалимдери катышат:

• окуу бөлүмүнүн башчысы

• башталгыч класстын усулдук бирикме жетекчиси

• 3-4-класстарга англис тилинен сабак берген мугалим

• 3-4-класстарга орус тилинен сабак берген мугалим

• 3-4-класстын класс жетекчиси (бирден гана мугалим)

Мониторинг жүргүзүүдө мугалимдердин педагогикалык кызматташтыкты, педагогикалык этиканы, купуялуулукту сактоосу жетектеп барган мектептин окуу бөлүм башчысына милдеттендирилет.

Мониторинг жүргүзүү үчүн тапшырмалар жобого ылайык түзүлүшү шарт.

Окуучулардын алган баалары ведомостко толтурулуп, протокол ачык айкын жазылат. Толтурулган ведомость жана протоколдор райондук билим берүү бөлүмүнө тапшырылууга тийиш.

Жыйынтыгында:

1 -этап мониторингдин жыйынтыгы айыл аймактар боюнча чыгарылат.

2- этап мониторингдин жыйынтыгы райондук деңгээлде чыгарылат.

Эскертүү: Суроолор боюнча райондук билим берүү бөлүмүнүн методистерине кайрылсаныздар болот.

Даярдаган: Токтогул райондук билим берүү бөлүмүнүн методисттери: А.Кулкожоева

Э. Бекмурзаева

3-4-класстын окучуларынын окуп түшүнүүсү, окуу техникасы, сабаттуулугу, математикалык түшүнүктөрдүн калыптануусу боюнча өз ара метод алмашуу графиги

2019-2020-окуу жылынын 1-30-апрелине чейин жүргүзүлөт