Դ Ա Ս Ի Պ Լ Ա Ն /մայրենի 1--ին դասարան/

1

Դ Ա Ս Ի Պ Լ Ա Ն

Դասարան՝ 1-ին

Դասվար՝ Գ. Հովհաննիսյան

Առարկա՝ Մայրենի

Դասի թեման՝ ՙՙ՚՚: Վանկ:

Դասի նպատակը ՝ կարդալու կարողության ամրակայում ու հետագա կատարելագործում բոլոր որակական հատկանիշներով

Միավանկ և բազմավանկ բառեր

Դասի խնդիրները՝

. երեխաների մոտ զարգացնել կարդալու և իմաստը ընկալելու հմտություններ

. ամրադնդել գիտելիքները վանկի մասին

. կարողանալ կազմել կապակցված նախադասություններ և բառերը վանկատել:

. Պատմության հերոսին ՝ Հասմիկին բնութագրելով կարողանալ վեր հանել դասի դաստիարակչական կողմը , եզրակացնել , որ սովորածը արժեք կունենա, երբ գործադրես կյանքում:

Արժեքային համակարգ ՝

. կարևորել գիտելիքները ,

. գնահատել իրենց ուժերն ու կարողությունները:

Դասի ընթացքը՝

խթանման փուլում նախապատրաստական զրուց եմ վարում բանջարաբոստանային բույսերի և նրանց պտուղների մասին , կոնկրետանում եմ սեխի վրա, ցույց եմ տալիս նկարը և այն բնութագրում մի քանի նախադասությամբ: Մտքերի տարափի միջոցով բնութագրում են նաև երեխաները: բառը օգտագործելով և այն բութագրելով կազմում ենք նախադասություններ: Գրատախտակին գրում եմ երեխաների կազմած նախադասություններից մեկը և այն վերլուծելով հասնում վանկին, հիշեցնելով, թե ինչ է վանկը:

Իմաստի ընկալում այդ զրույցից հետո երեխաներին հանձնարարում եմ ինքնուրույն կարդալ դասը: Ընթերցելուց հետո հարցերի միջոցով երեխաները վերարտադրում են կարդացածը, ապա դասից մի նախադասոություն կարդում են վանկատելով բառերը: Եվ հենց նրանց միջոցով էլ վերլուծական աշխատանք եմ կատարում . եթե սեխի շերտի մի կտորը վանկն է, ապա ինչն է շերտը , ինչն է սեխը ( վանկ, բառ, նախադասություն):

Ֆիզկուլտ դադար՝ մարմնաշարժողական վարժություններ (լսելիս ծափ են տալիս, լսելիս՝ ոտքերն են խփում հատակին , իսկ լսելիս ՝ ցատկոտում են ):

Տեքստի շուրջ աշխատելու ժամանակ երեխաները որոշում են, թե Հասմիկի վանկատած բառերից յուրաքանչյուրը քանի վանկ ունի (միավանկ, բազմավանկ):

Գրատախտակին T աձև աղյուսակի միջոցով գրում եմ միավանկ և բազմավանկ բառերը: Ինձ մոտ նախապես պատրաստած նկարները փակցնում եմ գրատախտակին և երեխաները մոտենալում և փակցնում են նկարը վանկին համապատասխան բառի տակ:

Դասի Խաղ-շուտասելուկն էլ վանկի մասին է՝ սա+լոր, որից երկրորդ վանկ-բառի ՝ լոր-ի բաց թողնվելու պարագայում, անշուշտ, էլ սալոր չի մնա , ապա ինչպես սալորը համաձայնվի լոր-ը բաց թողնելուն:

Դասապրոցեսի ընթացքում կազմակերպում եմ շերտավոր ուսուցում:

Կշռադատման փուլում իրար ենք միացնում հարմար վանկեր և կարդում ստացված բառերը / վանկերը նախապես գրել եմ գրատախտակին և վարագույրով ծածկել/:

Տնային աշխատանք եմ հանձնարարում երեք-չորս նախադասությամբ գրել դասագրքի փոքրիկ նկար-պատմությունը: