Әдәби укудан дәрес планы 1 класс

Дәрес этабы

Укытучы эшчәнлеге

Укучы эшчәнлеге

I.Ориентлашу – мотивлаштыру этабы.

Уңай психологик халәт тудыру.

- Елмаеп карагыз дөньяга,

Рәхәт бит яшәве шулаймы?!

Елмаеп яшәсәң көн саен ,

Укырга, уйларга бик җайлы.

- Укучылар, бер-берегезгә карап елмаегыз һәм тыныч

кына утырыгыз.

Исәнләшәләр. Бер- берләренә уңышлар телиләр.

II.Белемнәрне

актуальләштерү,тигезләү

-Телеңнән бер сүз төште,

Аннан тәгәрәп китте,

Синең яныңнан үтеп,

Минем колакка җитте.

Иң кирәкле шушы сүз

Әйтелсен кирәк чакта.

Тәгәрәсен, йөзсен ул

Көтелгән, кирәк якка.

Фикер алышуда катнашалар.

III.Яңа белемнәрне ачу

1. Дәреслектәге Шүрәле һәм Убырлы әбекәй турындагы рәсем белән эш:

-Шүрәле Убырлы әбекәй белән ничек дуслашты икән?

-Нигә алар бергәләп чәй эчеп утыралар?

-Шүрәле һәм кеше дуслыгын ничек кузаллыйсыз?

2. Р.Кутуйның “Төнге әкият” әсәрен уку һәм сорауларга җавап бирү:

-Карурмандагы йорт нинди серләр саклый?

-Убырлы әбекәй белән Шүрәле безне ничек каршылар дип уйлыйсыз?

-Бер-бер хәл була калса, биредә сезгә кем ярдәм итәр икән?

-Тукай әкиятендә Шүрәле нәрсәдән курка әле?

-димәк...(нәтиҗә ясау)

Сорауларга җавап бирәләр.

IV.Беренчел ныгыту

Роберт Миңнуллинның “Шүрәлесез урман” шигырен чылбыр буенча уку.

Шигырьнең иң ошаган өлешенә рәсем ясау.

Фикер йөртәләр.

Сорауларга җавап бирәләр.

VI.Йомгаклау ,нәтиҗә ясау

• Дәреснең темасы нинди иде?

• Нинди максатларга ирештек?

• Нинди сүзләрнең мәгънәләрен ачыкладык?

• Нинди кагыйдәләр кабатланды?

• Дәрес турында үз фикерегезне әйтегез.

Үзбәя.