Дəəнə төр Буджала Егорин

Дəəнə төр Буджала Егорин

Поэмин һол төр: Үйнрин залһлдан Төрскнə күнд цагт

Поэмин һол учр-утхнь: дəəнə көлд харһсн бичкдүдин зовлң – олн-əмтнə зовлң

Зура 1.Диилвр. 2.Көвүн – перронд. 3.Көвүнə белг эцкдəн. 4.Көвүнə зовлң. 5.Эмчлə харһлһн. 6. Аршан мет альмн - диилвр бəрсн салдсмудт.

Дөчн тавдгч җил…Һалзу дəəнə һал… Сулдхвр җирһл хойриг Советин салдс тархав…

Майин йисн өдр Мөңк тууҗд орв…

Арвн наста көвүн Ааван тосхар һарв, аңзрсн улан альм альчурт ораҗ өврлв.

Эндр йовх поездд эцкəн ирхинь күлəнə. Көвүн дəəчнр дунд көштлəн эцкəн хəəнə.

Бүрүл тасрсн цагт булрад герүрн хəрнə. Тагчг зогссн дүүнрүрн «Маңһдур ирхм! – гиҗ, медсн болҗ келнə.

Өр цəəтл көвүн эцкəн нөөртəн үзнə. Өвртəн альман дүрəд адһҗ станцур гүүв. Уга! Гүүнəр саналдн уха туңһаһад зогсв…

Майор ямта эмч – медəтə буурл гергн, көвүн тал өөрдəд кампадь өгхəр седв. Эндр тавдгч сар эцкəн тосчанав, - гив…- хадһлсн һанцхн белгм харлад үрəд ирв… Эн белгəн танд экəн гиҗ өгчəнəв…альчуран тəəлəд альман: «Автн эцкимм хөв…»

Поездин хəəкрсн дуунас перрон шуугҗ үлдв, Һаран үмгəд һудысн һанцхн көвүн үзгдв.

Эмч белгəн авад эврəннь вагондан суув… «Хəлəтн эн альмн хəəртə үрнə белг, хəрҗ ирх гиҗ хадһлҗ, эцкəн күлəҗ. Тавн сарин туршарт тасрлтан уга тосҗ…

Күлəсн күцлəн гееһəд көвүн альман маднд нерəдв…Эмч иигҗ келəд эргүлҗ дəкн хəлəв.

Дуута биитə вагон ду тасрҗ менрв, дөчəд шаху залус даралдҗ босад зогсцхав.

Эмч чимкəд күргəд əмтəхн альман төгəв, аршан мет альмн амн дотр урсв.

Шүүвр сурврмуд: Дəəнə төр эн үүдəврт ямаран халхаснь хəлəгдҗ? Һашута дəəнə цаг көвүнə чееҗд яһҗ төөнрҗ үлдв? Эцкəн күлəсн көвүнə зовлң дəкəд ямаран зокъялд харһна? Дəəнə туск ямаран тоолвр тана чееҗд орна?