Хьехарсахьтан ц1е:
Дакъалгаш, церан тайпанаш,
нийсайаздар.
1алашонаш.
1аморан: дешархойн хаарш зер, 1амийнарг
карладаккхар;
кхиоран: дакъалгех лаьцна кхетам балар;
кхетам – кхиоран: дешаре болу безам к1аргбар.
Догдаийтаран мур.
Ира дешнаш.
Уггаре доккха г1алат –
ша хьалха дина г1алат цанисдар ду.
Малоно сингаттам беъна –
къахьегаро хазахетар деъна.
1амаза т1ам т1е ма г1о,
меца балха а ма г1о.
Дешархойн хаарийн актуализаци йаран мур.
1. Ц1ахь бина болх таллар.
2 . Орфографически пхи минот:
Меллаша йистхуьлу, сихха схьавог1у, божал
чохь 1оьху, гуьйранна кхечира, генара хьожу,
лакхара охьахьаьжира, йуьрта кхечи, г1ийла
лестадора, к1езиг ийцира, совг1атана белла.
3. Барта дешнийн цхьаьнакхетарш йукъахь а долуш
кхо предложени х1оттайе.
4. Грамматически бух билгалбаккха.
Керла коьчал йовзийтар.
Предложенина йа цуьнан меженашна тайп – тайпана маь1на луш долчу
г1уллаккхан къамелан декъах дакъалг олу.
Шаьш билгалдечу маь1не хьаьжжина, дакъалгаш масех тайпане декъало:
хаттаран: - те, - техьа, - теша, - ткъа, - х1ан;
бакъадаран: те, х1аъ, ма, дера, х1ан, хьалха;
дацаран: ца, ма, х1ан – х1а;
дацар – ч1аг1даран: де а, данне а, аьттехьа;
бакъдаран – ч1аг1даран: аьлла – кх, ткъа;
ч1аг1даран: - м, - х, - кха, - ма, - а, - кхи а, ур – аттала, а т1ехь, дуьххьалд1а;
хьастаран: - ца, - кхин;
айдаран: мел, ма, ца;
дозатохаран: бен, деккъа.
бахьанин: аьлла дела, йаздина дела, дийцина дела;
дустаран: аса чул, суна чул, сох чул;
бараман: сел сиха, сел чехка, сел хаза;
пурбанан: ала х1ета, г1о х1ета, ала делахь, йазде делахь;
тоамбаран – синтеман: мукъа а, мукъана а (мукъане а).
Дакъалгийн нийсайаздар .
- Хаттаран дакъалгаш: - те, - техьа, - теша, - ткъа хандешнашца дефисца
йаздо, масала: хезний – те? аьллий – ткъа? йаздиний – теша?
веаний – техьа?
- Бакъадаран дакъалгаш: х1аъ, х1ан, дера, ма, даим къаьстана йаздо ,
масала: аьлла – те, аьлла дера.
- Ч1аг1даран: - м, - х, - кх, - ма, - а, - кха дефисца йаздо , масала:
Асета – м пхеанна йазйина сочинени.
- Х1ан – х1а чолхе дацаран дакъалг дефисца йаздо .
- Дацаран дакъалгаш ца, ма хандешнашца къаьстана йаздо , масала: ма
дийца, ца дуьйцу.
- Дацаран дакъалг ца ц1ердашций, масдарций цхьаьна йаздо , масала:
цатешам, цабезам.
- Дакъалг ца деепричастица къаьстана йаздо , масала: ца хууш, ца
дуьйцуш.
- Карарчу йа йаханчу хенийн лаамечу причастешца дацаран дакъалг
– ца цхьаьна йаздо , масала: цахуург, цахиънарг.
- Дацаран дакъалг ца лаамазчу причастица къаьстана йаздо , масала:
ца хеза дош, ца хезна дош.
10. Йог1учу хенан причастица дакъалг ца даима а къаьстана йаздо ,
масала: ца хета долу х1ума, ца хета дерг.
- Дуьххьалд1а ч1аг1даран дакъалг цхьаьна йаздо .
- Ур – атталла ч1аг1даран дакъалг дефисца йаздо .
- Карарчу хенан чаккхенгахь дакъалг ца (ц) цхьаьна йаздо , масала: Туьран – тоьпан чов йирзина, меттан чов йерза тигац.
Уьн т1ехь болх бар.
Д1айаздийр ду вай х1ара тайпа дешнийн цхьаьнакхетарш,
дакъалгаш билгал а дохуш.
Ц1а веарий те, цига кхечирий техьа, «х1аъ» аьлла чувеара,
дика ларош – м ву, и – х тоххара д1авахара, ч1ог1а веар – кх,
ца дийшира, ур – атталла ван а ца веа, х1ан – х1а, йацара.
Дагадаийта муьлхачу маь1нехь лела уьш.
- те, - техьа – хаттаран дакъалгаш,
х1аъ – бакъдаран,
- м, - х, - кх – ч1аг1даран,
ца, ур - аттала, х1ан - х1а – дацаран.
1амийнарг т1еч1аг1дар.
Кхин цхьа т1едиллар а кхочушдийр ду вай:
Д1айазде дакъалгаш: ма, ца, бен, теша, - м, х1аъ.
Т1едиллар иштта кхочушдина хила тарло:
Эх1! Ма тамехь ду х1ара хи. Ахь олуш бен суна – м ца хезна
иштта дош.
Х1аъ. – корта та1ийра ас, цига ваха сайна башха лууш доццушехь.
Сада1аран мур.
Дешнаш кхолла.
Х1окху дешдакъошца дешнаш кхолла:
Ми…
Ти…
Пи…
Ни…
Си…
Нийса дуй талла:
Ми (мидал, мижарг, мимар…)
Ти (тидам, тиша, тилар…)
Пи (пису, питана, пилу…)
Ни (низам, нигат, ник1апа, ниха, нижало…)
Си (силам, сира, сибат…)
Мимар – ниша во внутренней стене мечети,
указывающая направление к Мекке.
1амийнарг т1еч1аг1дар.
1. Лахахь йалийначу байта йукъара дакъалгаш билгалдаха.
Ма хаза йу – кх хьо, шера тог1е,
Хьайн бай т1е ц1ен зезаг даьлча,
Ма хаза йу – кх хьо, Теркан г1айре,
Хьайна т1е баьццара къаж йаьлча.
(Мамакаев 1арби).
1амийнарг карладаккхар.
Хаттарш:
- Дар, хилар муха, мичахь х1унда, мича 1алашонца кхочуш –
хуьлу билгалдечу предложенин коьртазчу меженех х1ун
олу?
- Дар, хилар муха кхочушхуьлу гойту?
- Дар, хилар муьлхачу барамехь кхочушхуьлу гойту?
- Дар, хилар мичахь кхочушхуьлу гойту?
- Дар, хилар маца кхочушхуьлу гойту?
- Дар, хилар х1ун 1алашо йолуш кхочушхуьлу гойту?
- Дар, хилар муьлхачу бахьаница кхочушхуьлу гойту?
1амийнарг карладаккхар.
1. Бехкаман латтамо гойту мухачу бехкамца кхочушхуьлу дар, хилар.
Цо муха? муьлхачу бехкамца? бохучу хаттаршна жоп ло.
Масала: Вочу стагаца доттаг1алла ма лаца, цуьнца доттаг1алла леладахь, г1айг1а йоцуш вуьсур вац.
Бехкаман латтам дукхахьолахь бехкаман саттаман хандашах,
масдарх хуьлу йа масдаран карчамах. Масала: Дешнехьара, дика кхетар вара хьо. Нийсо хилахь, барт хир бу.
2. Дуьхьаларчу латтамо гойту хила таро йоццушехь кхочушхуьлуш
дерг, хила таро йоллушехь ца хуьлуш дерг. Масала: Шен мара,
аг1ор хиларх, д1ахадор бац. Биъ ког боллушехь, говр а йолу гал.
1амийнарг т1еч1аг1дар.
1. Кхочушдо шардар № 88.
2. Хьалхара кхо предложени синтаксически талла.
3. Легаде ц1ердешнаш: шело, мархаш.
4. Дешх1оттаман къастам бе дашна: сингаттаме.
Рефлекси йар:
Суна хии…
Суна хазахийти…
Со ца кхийти…
Ц1ахь бан болх.
- 1амайе бакъо № 34.
- Кхочушде шардар № 89.
Хьоме бераш,
даггара баркалла хуьлда шуна!
Беркате хуьлда шун хаарш а!!!