Արատավոր շրջան /դասղեկական պլան /

Արատավոր շրջան

Նպատակը- Նպաստել ստեղծագործական, քննադատական մտածողության զարգացմանը, խթանել խմբով որոշում կայացնելու, խնդիրներ լուծելու կարողությունը։ Այլակարծության հանդեպ հանդուրժողական վերաբերմունք ձևավորել։

Պարագաներ- Յուրաքանչյուր խմբին նախադասությունները՝ կտրտած։

Ընթացքը-Դասարանը բաժանվում է 4-5 հոգանոց խմբերի ։ՈՒսուցիչը յուրաքանչյուր խմբին տալիս է -ի նախադասությունները՝ կտրտած , ամրակներ։Բացատրոում է առաջադրանքը, երեխաները պետք է ծանոթանան քարտերի բովանդակությանը և քննարկելով՝ փորձեն դրանք այպես ամրացնել միմյանց, որ յուրաքանչյուր հաջորդ քարտի բովանդակությունը բխի նախորդից՝ քակ շրջան ստանալով։Այնուհետև պետք է փորձեն քարտերից մեկի իրավիճակը փոխել հակառակ իրավիճակով։Խմբերն ազատ են ընտրելու ,թե որ քարտից պետք է սկսեն փոփոխելը։Հետո վերլուծում են ,թե այդ փոփոխությունն ինչպես կանդրադառնա շրջանի մյուս հատվածների վրա՝ինչպես կփոխի դրանք։Փոփոխված շրջանը գրի են առնում։Աշխատանքն ավարտելով ՝խմբերը հերթով դասարանին են ներկայացնում իրենց թե՜ սկզբնական , թե՜ փափոխված շրջանները։

Քննարկում․

• Մեկնաբանեք ձեր կազմած շրջանի հաջորդականությունը։

• Ինչո՞վ եք բացատրում ստացված շրջանների տարբերությունները։Բոլորն էլ տրամաբանորեն ընդունելի՞ են։

• Ինչու՞ շրջանը ՝ փոփոխեցիք , հենց այդ հատվածոմ։

Ապա ուսուցիչը ներկայացնում է ըստ Մարտին Լյութեր Քինգի․

Մարդիկ ատում են միմյանց,

Որովհետև վախենում են միմյանցից։

Մարդիկ վախենում են միմյանցից,

Որովհետև չեն ճանաչում միմյանց։

Մարդիկ չեն ճանաչում միմյանց,

Որովհետև չեն շփվում միմյանց հետ։

Մարդիկ չեն շփվում միմյանց հետ,

Որովհետև ապրում են անջատ։

Մարդիկ ապրում են անջատ․

Որովհետև ատում են միմյանց։

Վերջում ուսուցիչը խմբերին հանձնարարում է իրենց կյանքում պատահող իրավիճակների վերաբերյալ մեկական կազմել և ներկայացնել ՝ երեքից ոչ պակաս նախադասությամբ։

նախադասությունները․

Մարդիկ ատում են միմյանց ,որովհետև․․․

Մարդիկ վախենում են միմյանցից,որովհետև․․․

Մարդիկ չեն ճանաչում միմյանց , որովհետև․․․

Մարդիկ չեն շփվում միմյանց հետ , որովհետև․․․

Մարդիկ ապրում են անջատ , որովհետև․․․