Դասղեկի ժամի թեմատիկ պլան

ԴԱՍՂԵԿԻ ԹԵՄԱՏԻԿ ԺԱՄԻ ՊԼԱՆ

Դասի թեման՝ Կոնֆլիկտային իրավիճակներն ու դրանց լուծման ուղիները

Դասի նպատակը՝ Ծանոթացնել կոնֆլիկտ հասկացության, կոնֆլիկտների տեսակների, առաջացման պատճառների և թեժացման մակարդակների հետ:

Ակնկալվող արդյունքները

Կիմանան վերը նշված հասկացությունները, կոնֆլիկտային իրավիճակներին բնորոշ վարվելակերպի ոճերը, կոնֆլիկտների խաղաղ լուծման հմտություններն ու պատվիրանները:

Կկարողանան կոնֆլիկտային իրավիճակներում ճիշտ կողմնորոշվել և հարգել կոնֆլիկտող կողմի իրավունքներն ու արժեքները:

Դասի կահավորումը՝ համակարգիչ, երևակիչ, մեծ էկրան, կոնֆլիկտ թեմային վերաբերող պաստառներ:

Դասի ընթացքի նկարագրությունը

Կոնֆիկտի, կոնֆլիկտների տեսակների, առաջացման պատճառների և թեժացման մակարդակների վերաբերյալ համառոտ տեղեկատվության ներկայացում (2-6-րդ սլայդներ), Конфликт | Прикольные мультики для взрослых մուլտֆիլմի դիտում:

Կոնֆլիկտները մեր կյանքի անբաժանելի մասն են, որոնք բնորոշ են կյանքի բոլոր ոլորտներին:Կոնֆլիկտն իր մեջ կարող է պարունակել քայքայիչ դրսևորումներ , խանգարելով խաղաղության մշակույթի արմատավորմանը: Թերևս չկա մեկը, որը կոնֆլիկտի մեջ չի ներքաշվել: Կոնֆլիկտներն առաջանում են՝

• Միջոցների սահմանափակության պատճառով

• Արժեքների տարբերության պատճառով

• Ընկալումների տարբերության , ինչպես նաև տեղեկատվության պակասի և հիմնական պահանջմունքների բավարարված չլինելու պատճառով:

Կոնֆլիկտի թեժացման ժամանակ մարդու վարքագծի մեջ առաջ են գալիս որոշ փոփոխություններ՝ կոնֆլիկտի մեջ մտած մի կողմը մյուսին դիտում է որպես թշնամի, կողմերն ընդունում են դիրքորոշումը : Կոնֆլիկտի թեժացումը կարող է բերել բացահայտ պատերազմի, որի հիմնական նպատակը հակառակորդին ոչնչացնելն է:

Կոնֆլիկտային իրավիճակներին բնորոշ վարվելակերպի ոճերը, կոնֆլիկտների խաղաղ լուծման հմտություններն ու պատվիրանները: ( 7-10-րդ սլայդներ), փոքրիկ ներկայացում:

Կոնֆլիկտային իրավիճակներին բնորոշ վարվելակերպի ոճերն են՝ մրցակցությունը, փախուստը, զիջումը, փոխզիջումն ու համագործակցությունը:Կոնֆլիկտի ժամանակ կոնֆլիկտող կողմերը պետք է պատասխանատվություն կրեն իրենց պահվածքի, մտքերի և զգացմունքների համար: Չընդլայնեն վիճելի հարցը, խոսեն կոնկրետ խնդրի մասին:Պիտակներ չկպցնեն այլ մարդկանց, աշխատեն, որպեսզի հակառակորդ թիմի պահվածքը չթելադրի իրենց սեփական պահվածքի ձևը: Մատնացույց չանեն մարդկանց կարծիքները , քանի որ ցանկացած մարդ ունի ընտրության իրավունք, պետք է հարգել դիմացինի արժեքը:

Կոնֆլիկտ – խաղաղություն կապի արտացոլում

.Խաղաղությունը թռչնի նման թևածում է ամենուր, պարզապես պետք է ավելի շրջահայաց լինել և հասցնել բռնել նրա փետուրներից գոնե մեկը:

.Եթե ես լինեի խաղաղության դեսպան, ես կոչնչացնեի մարդկային ցեղի գոյությանը սպառնացող ամեն ինչ, և խաղաղությունը մի անձրևաբեր ամպ կդարձնեի,որ կթափվեր ամբողջ աշխարհի վրա:

.Խաղաղություն հաստատելու համար պետք չէ սարեր շուռ տալ, բավական է անտեսել պատահաբար ասված կոպիտ խոսքն ու ներողություն խնդրել:

Օգտագործված համացանցային պաշարներ

• ձեռնարկ մանկավարժների համար Գյումրի Էլդորադո 2014 թ.

• https://ru.wikipedia.org/wiki/Конфликт

• https://www.youtube.com/watch?v=n_gfsYwrtkk