Դասի պլան 2 դասարան

Կոտայքի մարզ, քաղաք Հրազդան Թիվ 11 հիմնական դպրոց

Դասապլան

Դասվար՝ ՆԱԽՇՈՒՆ ՄԱՆՈՒԿՅԱՆ

Դասարան ՝ 1-ին «բ»

Առարկան՝ մաթեմատիկա

Դասարան՝ առաջին

Դասի թեման՝ 11-20 թվերի ստացումը՝ որպես կլոր տասնյակի և միավորի գումար

Դասի կառուցվածքը՝ ԽԻԿ համակարգ

Դասի տիպը՝ խառը տիպ

Դասի նպատակը.

Կրթական՝

⦁«11-20 թվերի ստացումը՝ որպես կլոր տասնյակի և միավորի գումար» թեմայի ուսուցում:

⦁ Բանավոր համրանքի յուրացում ուղիղ և հետ կարգով 1-20 թվերի սահմաններում:

⦁Միանիշ-երկնիշ,նախորդ-հաջորդ,զույգ-կենտ թվերի մասին ունեցած գիտելիքների համակարգում:

Զարգացնող՝ կմշակեն մտքերը մաթեմատիկորեն արտահայտելու և գրառելու կարողությունները, կամային ուշադրությունը, հիշողությունը, տրամաբանական մտածողությունն ու երևակայությունը:

Դաստիարակչական՝ կձևավորվի պատասխանատվություն, հետաքրքրություն մաթեմատիկա առարկայի հանդեպ, հաղորդակցվելու, համագուրծակցելու հմտություններ,փոխադարձ հարգանք և վստահություն:

Առողջապահական՝ ձեռքերի,մատների վարժանք,ֆիզկուլտ դադար, տարամակարդակ առաջադրանքներ:

Կահավորում՝ թվաքարտեր, քարտեր առաջադրանքներով, համակարգիչ, ձկնարան՝ մագնիսե ձկներով, պաստառներ՝ մաթեմատիկական աֆորիզմներով, և այլ զննական պարագաներ՝ կապված ուսուցանվող նյութի հետ:

Դասի ընթացքը

Խթանման փուլ.

-Երեխանե՛ր ի՞նչ դաս է մեզ մոտ:

-Մաթեմատիկա:

-Ի՞նչ է մաթեմատիկան:

-«Մաթեմատիկա» տերմինը գալիս է հունարենից և թարգմանաբար նշանակում է գիտելիք,գիտություն:

-Մաթեմատիկայի միջոցով մենք ի՞նչ ենք անում:

-Մաթեմատիկայի միջոցով մենք հաշվում և չափում ենք առարկաները, գործողությունները, ժամանակը, երևույթները:

-Իսկ ի՞նչ է կոչվում թվերի մասին գիտությունը:

-Թվերի մասին գիտությունը կոչվում է թվաբանություն:

-Տարին քանի՞ եղանակ ունի:

-Յուրաքանչյուր եղանակ քանի՞ ամիս ունի:

-Տարին քանի՞ ամիս ունի:

-Շաբաթը քանի՞ օր ունի:

-Ո՞ր համարի դպրոցում եք սովորում:

-Երեխանե՛ր, այս բոլոր հարցերի պատասխանները ինչե՞ր են:

-Թվե՝ր:

Բանավոր հաշիվ

Համրանք 1-20 թվերի սահմաններում՝ ուղիղ և հակառակ կարգով համրանք, ասելով միայն զույգ թվերը,իսկ կենտ թվերի ժամանակ ծափ տալ,խոսել միանիշ և երկնիշ թվերի մասին,որոշել տրված թվերի նախորդն ու հաջորդը,կատարել բանավոր գումարում և հանում 10-ի սահմաններում՝ տալով տարբեր հարցադրումներ՝նպաստելով երեխաների մաթեմատիկական խոսքի զարգացմանը:

Դիդակտիկական խաղ՝ «Ձկնորսություն»

Խաղի նպատակը-10-ի սահմաններում հաշվելու կարողությունների ամրապնդում:

Խաղի ընթացքը-Երեխաները մագնիսե կարթի օգնությամբ պետք է բռնեն մագնիսե ձկներին,որոնցից յուրաքանչյուրի վրա գրված է արտահայտություն:Այնուհետև պետք է մաթեմատիկական լեզվով կարդան արտահայտությունը և գտնեն արտահայտության թվային արժեքը (օր.՝ 7-5 տրված է երկու թվերի տարբերություն,որտեղ նվազելին 7 է, իսկ հանելին՝ 5,տարբերությունը կլինի 2):

Կազմել շղթայաձև օրինակներ:Մագնիսական գրատախտակին նախապես փակցված է թրթուր, որի մարմնի մասերը խառնված են իրար:

Յուրաքանչյուր արտահայտության պետք է փոխարինի այն արտահայտությունը,որի առաջին բաղադրիչը սկսվում է նախորդ արտահայտության արժեքով:

Իմաստի ընկալման փուլ. Երեխաներին ծանոթացնել 11-20 թվերի ստացմանը՝ որպես կլոր տասնյակի և միավորի գումար:Նոր նյութը բացատրել դասագրքի տրված օրինակով:Գրատախտակին փակցնել պաստառ,որի վրա հորիզոնական դիրքով հավաքած է 10 կարմիր սրտիկ:Հաշվել կարմիր սրտիկները և ամեն անգամ ներքևի շարքից ավելացնել 1 կանաչ սրտիկ՝ նշելով դրանց քանակը և ըստ օրինակի կազմել հավասարություններ: Օրինակ՝

10+1= 11

10+2 =12

-Երեխան՛եր, այժմ կխաղանք մի հետաքրքիր խաղ ,որի միջոցով կպարզեմ, թե ով որքանով է յուրացրել նոր նյութը: Ինչպես տեսնում եք մեր դասասենյակի անկյունային մասում կա մի մեծ խնձորենի,որի վրա հասունացել են կարմիր մեծ խնձորներ:Բայց այդ խնձորները սովորական խնձորներ չեն,դրանցից յուրաքանչյուրի վրա գրված է մեկ արտահայտություն: Դուք պետք է հավաքեք այն խնձորները,որոնց վրայի արտահայտության թվային արժեքը մեծ է 10-ից և լցնեք դույլի մեջ:Այդ աշխատանքը պետք է կատարենք շատ արագ:Տեսնենք ,թե ով ավելի շատ խնձորներ կհավաքի:

Ֆիզկուլտ դադար

Հաջորդին լուծել դասգրքի խնդիրը:

-Երեխանե՛ր,ինչի՞ց է բաղկացած խնդիրը:

-Պայմանից,պահանջից և լուծումից:

Խնդիր

Արան ունի 1 տուփ գունավոր և 3 առանձին սև մատիտ:Ընդամենը քանի՞ մատիտ ունի Արան,եթե տուփի մեջ կա 10 մատիտ (գրատախտակին փակցված է 1 տուփ գունավոր և 3 սև մատիտի մեծադիր նկար):

-Խնդրի պայմանից մեզ ի՞նչ է հայտնի:

-Հայտնի է ,որ Արան ունի 1 տուփ գունավոր մատիտ և 3 սև մատիտ:

-Էլ ի՞նչ է հայտնի:

-Հայտնի է ,որ տուփում կա 10 մատիտ:

-Ի՞նչ է մեզանից պահանջում գտնել խնդիրը:

-Ընդամենը որքա՞ն մատիտ ունի Արան:

-Մեր ունեցած տվյալներով կարո՞ղ ենք իմանալ,թե որքան մատիտ ունի Արան (Այո)

Լուծում՝ 10+3= 13

Պատ.՝ 13 մատիտ

Կատարել դասագրքի 7-րդ առաջադրանքը:

Պետք է լրացնել դատարկ վանդակները (մեծադիր նկարը նախապես փակցված է գրատախտակին):

2

0

8

Կշռադատման փուլ.

Առաջադրանքները շարունակել համակարգչով

Դասի մնացած րոպեները հատկացնել խմբային աշխատանքին: Դասարանը բաժանել 5-ական խմբերի:Յուրաքանչյուր խմբի տալ որևէ երկրաչափական պատկերի անվանում և համապատասխան քարտ,որտեղ գրված է առաջադրանքներ: Արագ , ճիշտ աշխատող խումբը համարվում է հաղթող և արժանանում է խրախուսանքի:

17 4 16 12 7 9

3+7+2

9-2+10

Համեմատել (,=)

6+4 10+0

7+10 5+10

2+10 6+10

10-6

10 + = 11

4 + = 14 + 10 = 20

4 ⦁ 3 ⦁ 10 = 17

4 ⦁ 3 ⦁ 10 = 11

3