Դասի պլան-կոնսպեկտ Թուրք-հայկական պատերազմ

Օրվա դասի պլան

Դասարան-11-րդ

Առարկա - Հայոց պատմություն

Ամիս ամսաթիվ-

Դասի թեմա- Թուրք-հայկական պատերազմ

Դասի նպատակը-Ա և Բ մակարդակների պահանջները

Սովորողներին ներկայացվող պահանջները

Ա մակարդակ

Ա.Իմանան թուրք-հայկական պատերազմի ընթացքի և ավարտի մասին:

Բ.Կարողանան ներկայացնել Ալեքսանդրապոլի պայմանագրի բովանդակությունը:

Գ.Իմանան կարևոր իրադարձությունների, թվերի , փաստերի մասին:

Բ մակարդակ

Ա.Կարողանան պարզաբանել, թե ինչու սկսվեց թուրք-հայկական պատերազմը:

Բ.Կարողանան ներկայացնել Կարսի անկման, հայկական բանակի պարտության պատճառները:

Գ.Կարողանան բացատրել, թե ինչ նպատակ էր հետապնդում Ռուսաստանը՝ վերսկսելով բանակցությունները հայկական կողմի հետ:

Կարողանան արտահայտել իրենց կարծիքը հայ-ռուսական պայմանագրի վերաբերյալ:

Դ. Փաստեր ներկայացնեն և ապացուցեն, որ այլընտրանք չկար, և Հայաստանի Հանրապետության խորհրդայնացումը անհրաժեշտ էր:

Ե. Փաստեր ներկայացնեն և ապացուցեն, որ այլընտրանք կար, և հնարավոր էր խուսափել Հայաստանի Հանրապետության խորհրդայնացումից:

Ե. Կարողանան փաստերը վերլուծել, համադրել, հակադրել:

Բ Սոցիալական-կարողանան համագործակցել, ցուցաբերել հանդուրժողականություն, ընդհանուր գաղափարի շուրջ համախմբվածություն, վստահություն սեփական ուժերի հանդեպ, հանուն հայրենիքի կռվելու և զոհվելու պատրաստակամություն:

Ուսումնական նյութ-գրքեր, տետրեր, քարտեզ, նկարներ, լրացուցիչ գրականություն, տեսաֆիլմ:

Հիմնական հասկացություններ և անուններ- Քեմալական Թուրքիա, թուրք- հայկական պատերազմ, Ալեքսանդրապոլի պայմանագիր, հայ-ռուսական բանակցություններ, Սևրի դաշնագիր, ռազմահեղափոխական կոմիտե, Բորիս Լեգրան, Ս.Վրացյան, Ս. Կասյան:

Դասի տիպը-նոր նյութի հաղորդման դաս

Մեթոդներ-հարցման, պատմելու, ներածական դասախոսության, աշխատանք զույգերով, քննարկման, համեմատության , գործնական աշխատանքի( քարտեզի հետ), անդրադարձի:

Ներառարկայական կապ-իրադրությունը Հայաստանում և Անդրկովկասում 1918 թվականի հունվար-ապրիլ ամիսներին: Էրզրումի անկումը: Տրապիզոնի բանակցությունները: Հայաստանի ներքին դրությունը 1918 թվականին: Միջառարկայական կապ-Հայաստանի աշխարհագրություն, ռազմագիտություն, համաշխարհային պատմություն:

Դասի ընթացքը

Կազմակերպչական մաս

Խթանման փուլ – մտագրոհ «թուրք-հայկական հարաբերություններ» արտահայտության շուրջ, կատարել հասկացությունների քարտեզագրում :

Ներկայացնել դասի նպատակը:

Իմաստի ընկալման փուլ- դասախոսություն՝ ըստ առանցքային ուղղությունների: Աշխատանք զույգերով: Հիմնախնդիրների շուրջ քննարկման կազմակերպում, գործնական աշխատանք քարտեզի հետ:

Կշռադատման փուլ –ամփոփում հարցերի և «պրիզմա»-ի միջոցով,

կատարել անդրադարձ:

Տնային հանձնարարության տարբերակներ

Ա. Կատարել «Ապագայի անիվ» վարժությունը՝ ներկայացնելու համար հայկական զորքի պարտության պատճառները և հետևանքները:

Բ. «Հասկացությունների քարտեզ»:

Գ.«Փաստերի բուրգ»: