Դասի պլանավորում

Ուսուցչուհի`Մանուկյան

Թեմա՝ Աշխատանք թղթով և ստվարաթղթով՝ կարապի պատրաստում:

Դասարան՝ 3-րդ

Դասի տեսակը ՝ նոր նյութի հաղորդման դաս (ինտեգրված դաս)

Առարկա՝ Տեխնոլոգիա

Ինտեգրված առարկաներ ՝

մաթեմատիկա, մայրենի ,կերպարվեստ,երաժշտություն

Նպատակները.

Ակադեմիական՝

• սովորեցնել աշխատել `ծալել,կտրել և սոսնձել թուղթը

• Սովորեցնել թղթի կամ ստվարաթղթի ծալադրման եղանակով պատրաստել կարապ

Սոցիալական՝

• Սովորեցնել թուղթը օգտագործել խնայողաբար

• Սովորեցնել խոսքով բացատրել այն գործողությունները,որոնք անում է կարապի պատրաստման ընթացքում:

• Նպաստել կրտսեր դպրոցականների ինքնուրույնության և ստեղծագործական ակտիվության զարգացմանը:

Արժեքային՝

• Զարգացնել երեխայի գեղագիտական ճաշակը

• Սովորեցնել համադրել գույները՝ գեղեցիկ և ներդաշնակ

Խնդիրները՝

• Աշխատանքի պլանավորում և կազմակերպում

• Ուսուցչի հրահանգի ճիշտ կատարում

• Մշակել գործնական աշխատանքը խնամքով կատարելու ունակություն

• Ձևավորել թղթով աշխատելու գործնական կարողություններ

• Զարգացնել աշխատանքային գործիքներից և նյութերից ճիշտ օգտվելու կարողություն և հմտություն

• Ձևավորել մոդելի կառուցվածքը վերլուծելու ունակություն

• Զարգացնել աշակերտների համագործակցային կարողությունները

• Զարգացնել աշակերտների ստեղծագործական ունակությունները:

Կահավորում՝

• Աշխատանքային նյութեր և գործիքներ (մկրատ,մատիտ,թուղթ)

• Սպիտակ կամ գունավոր թղթեր

• Կարապի նմուշ-օրինակ

Դասի ընթացքը:

Խթանման փուլ:

Ուսուցիչ-Երեխաներ այսօր մենք կշրջենք լճի ափով, փակեք ձեր աչքերը և պատկերացրեք, որ մենք քայլում ենք խաղաղ լճի ափով,նրա ալիքները անուշ երգում են: Հանկարծ տեսնում ենք մի գեղեցիկ թռչուն: Մոտենալով հասկանում ենք ,որ դա թռչունների թագուհին է:Մենք կփորձենք պատրաստել այդ հրաշք և աննման թռչնակից:Այժմ բացեք ձեր աչքերը ,ով կռահեք,թե որ թռչունի մասին է խոսքը:

Աշակերտներ –կարապ

Ուսուցիչ –Երեխաներկարդացեք կամ պատմեք այն,ինչ գիտեք կարապի մասին:

Աշակերտներ - Նրանք երգող թռչուններ են:

-Մարմնի երկարությունը հասնում է 180 սմ:

- Նրանք հեշտ են ընտելանում մարդուն:

Եվ այլն…(ուսուցիչը ընդհանրացնում է երեխաների պատասխանները) Ուսուցիչ – Երեխաներ կարապները աշխարհի ամենագեղեցիկ թռչուններից են, նրանցով բոլորն են հիանում ,հանդիպում են սպիտակ և սև տեսակներ: Ձագուկների դաստիարակությամբ զբաղվում են և արուները և էգերը:Կարապ այժմ համարվում են հազվագյուտ թռչուններ:Այսօր մենք միասին կփորձենք պատրաստել գույնզգույն կարապներ:

Մտագրոհ կապ, պարկ, պար, ար, կապար, Արա, կար, ապա,ակ,արկ:

-Կարապ բառով կազմել բառակապակցություններ:

Աշակերտներ՝ գեղեցիկ կարապ, սև կարապ, երգող կարապ և այլն:

Իմաստի ընկալում պար`Միայնակ կարապ

Աշխատանքի ընթացքը(I անգամ նայում լսում են,IIանգամ լսում և կատարում հրահանգները)

• Քառակուսի թուղթը ծալել անկյունագծերով և բացել այն:

• Քառակուսու վերին եզրերը ծալելով ստանալ երկու եռանկյունի:

• Ստացվածը կրկին ծալելով ստանալ նոր եռանկյունիներ և շրջել:

• Եռանկյունիները նշագծով երկտակ ծալել:

• Սուր անկյունը ծալելով ստանալ կարապի պարանոցը:

• Սուր ծայրերը առաջ ու ետ ծալելով ստանալ կտուցը:

• Կտրելով ստանալ փետուրները:

• Զարդանախշել ըստ ցանկության:

Կարապը պատրաստ է: Ստեղծեք կարապի անձնագիրը:

Անուն՝

Ազգանուն՝

Ծննդյան օր, ամիս, ամսաթիվ

Ազգություն՝

Կշռադատում

Երեխաները ցուցադրում են իրենց պատրաստած աշխատանքները:Այնուհետև ուսումնասիրում են ընկերների պատրաստած աշխատանքները համեմատում իրենց աշխատանքի հետ:Լավագույն աշխատանքները փակցվում են դասրանի ՝ցուցադրումներին հատկացված մասում: Ստացված աշխատանքը սոսնձեք սպիտակ թղթի վրա և գունավորեք ըստ ցանկության:

Ստեղծում են կարապի անձնագիրը: