"Дэ зыри тщыгъупщакъым"

«Дэ зыри тщыгъупщакъым» классщ1ыб лэжьыгъэр къызэдгъэпэщащ ик1и едгъэк1уэк1ащ:

• еджак1уэхэм  Хэку зауэшухуэ шынагъуэм и 1эужьыр зыхащ1эн папщ1э, ди къэралым и тхыдэм щыгъуазэу, абы къыщыхъуа нэщхъеягъэр ящымыгъупщэу къэхъун папащ1э;
• Хэкум и ц1ыху нэс къахэк1ын, я щхьэ ямылъытэу сытым щыгъуи, сыт къэмыхъуами, я къару къихьыр хуащ1эфу зэрыщытын хуейр къагуры1уэн, зыхащ1эн  папщ1э;
• Хэку зауэшхуэм хэк1уэда ди къуажэгъухэр, зи тхыгъэхэр гъэ къэск1э ядж ди тхак1уэхэм, усак1уэхэм л1ыгъэ я1эу зауэ 1энат1эм зэры1утам щыгъуазэу щытын папщ1э;
• еджак1уэхэм я гупсысэр зэгъэк1уауэ къа1уэтэфу, гъэхуауэ, зыхэщ1эгъуэу тхыгъэм къеджэфу,  езыхэм я 1уэху еплъык1э я1эжу, сценэм итык1э, зы1ыгъык1э я1эу есэн папщ1э.
• классщ1ыб лэжьыгъэм хэдгъэхьащ викторинэ мыин, еплъахэм папщ1э.

Мурад тщ1ахэр къыдэхъул1эн папщ1э, къэдгъэсэбэпащ презентацэ лэжьыгъэ. Абы къызэщ1иубыдащ Хэку хауэшхуэм хэта ди къуажэгъухэм, тхак1уэхэм, усак1уэхэм теухуа слайдхэр; зауэ шынагъуэр нэхъ гуащ1эу щек1уэк1а къалэхэр; тылым щылэжьа ц1хубзэхэм я ц1эхэр, сурэтхэр; къэдгъэлъэгъуащ зи ныбжь нэмыса щ1алэщ1эхэр л1ыхъужьу зауэ шынагъуэм зэрыхэтахэр,   н.   Кърихьэл1а еджак1уэхэр еплъ къудей мыхъуу, классщ1ыб лэжьыгъэм къыхэдгъэлэжьыхьащ, абыхэм папщ1э едгъэк1уэк1ащ викторинэ, зэхахахэм, ялъэгъуахэм теухуауэ, интерактивнэ доскар къэдгъэсэбэпурэ. Еджак1уэ нэхъыжьхэм я къэхутэныгъэ лэжьыгъэхэр къагъэлъэгъуащ(презентациеу зэхэгъэуавэжауэ). Классщ1ыб лэжьыгъэм къыщы1эта темэр нэхъ зыхащ1эн папщ1э  зауэм теухуа усэхэр, уэрэдхэр, макъамэхэр къэдгъэсэбэпащ.