ԴԵՐԱՅԻ ԽԱՂ՝ իրավիճակներ

ԴԵՐԱՅԻ ԽԱՂ

      Դերային խաղից մեծ օգուտ քաղելու համար պետք է առաջարկվող իրավիճակները հնարավորինս մոտ լինեն իրականությանը: Անհրաժեշտ է բավարար ժամանակ տրամադրել դերային խաղում ներգրավված դերերը նկարագրելու համար և համոզվել, որ խաղի համար ստեղծված պայմանները առավելագույնս համապատասխանում են մասնակիցների հիմնական գործունեությանը:

    Դերային խաղի հրահանգներում պետք է մանրամասն  նկարագրվեն իրավիճակի բոլոր կողմերը: Հրահանգը պետք է խիստ սահմանափակումներ չունենա, որպեսզի չխանգարի մասնակիցներին այդ դերը խաղալ իրենց պատկերացումներին համապատասխան: Դերային խաղերը կարող են ունենալ հստակ կառուցվածք ունենալ  կամ ազատ լինել:

   Դերային խաղի կիրառման ընթացքում խումբը պետք է հետևի այդ խաղի ընթացքին: Չմասնակցողը  կարող է դիտորդի դեր կատարել:  Դերային խաղի ավարտը որոշում է ուսուցիչը:

      Մեթոդն օգտակար է , երբ փորձում են ցույց տալ, որ նույն թեմայի շուրջ տարբեր մարդիկ, տարբեր կարծիքներ ունեն: Ցանկալի է ընտրել հետաքրքրիր և տարբեր տեսակետներ պարունակող թեմաներ, հետևաբար, դրան մասնակցողները պետք է ներկայացնեն տարբեր տեսակետներ:

    Դերային բաժանման համար կարելի է կիրառել հետևյալ քայլերը`  պատահական բաշխում, սկզբում բաժնել գլխավոր դերեը, իսկ մնացածը` ըստ ցանկության: