Дешнаш,предложенеш яздар. Ш элп

9.12.2022

Тухаева З.И.

Урокан ц1е: «Дешнаш,предложенеш яздар. Ш элп.».

1алашо: йозанан жима а , доккха а элпаш ш , Ш довзийтар. Уьш шаьш а , дешдакъошкахь а яздан 1амор.

Кхочушдан лерина жам1аш:

1 .Предметни: берашна девзар ду йозанан жима а , доккха а элп а ш Ш. 1емар ду уьш нийса а ,хаза а яздан.

2. Метапредметни:

• Регулятивни: берашна 1емар ду шайн белхан план х1отто, цу планан рог1алла а ларъеш йозанан корматалла караерзо. Берашна 1емар ду коллективехь эбала , болх бан.

• Коммуникативни: берашан 1емар ду хьехархочун хаттаршна дуьззина а , доца а жоьпаш дала. 1емар ду шайна хетарг маь1ница нийса д1аала. Берашна 1емар ду тобанашкахь болх бан , тобанашкахь кхиамаш баха.Берийн кхуьур ю меттан говзалла.

• Познавательни: берийн алсамдер ду тидаме хилар , ойлаяр . 1емар ду аьзнийн башхаллаш йовза, уьш схеманашкахь билгалъяха. Берийн алсамдер ду дешнаш довзар.Берашна девзаргергара дешнаш. Берийн мотт шарлурбу , дешнаш довзар хир ду.

3. Личностни: берийн дозалла кхоллалур ду шайн Даймехках , 1емар ду и доггахь беза , лера. Берийн лаам хир бу Даймохк ларбан.

Урок д1аяхьар.

1. Дешаран урокехь 1амийнарг карладаккхар.

2. Дешаре шовкъ кхоллар.

• Ловзар :

Х1етал-метал хаийла хьуна:

Ц1ергахь а ца йогу, хин буха а ца йоьду? (Ша)

Хи чохь беша т1улг? (Шекар).

Хи т1ехь лаьтта хинан т1ай? (Ша).

Суо хи доллушехь, хи т1ехула лела? (Ша)

-Муьлха дешнаш хили шун? (Ша ,шекар).

-Х1ун ду цераш юкъара? (Хьалхахь ду элп Ш).

-Даладе масалаш элп Ш хьалхахь долуш. (Шовда , шиша , шар).

-Даладе масалаш элп ш юккъехь долуш. (Дешар, йиша , ваша).

-Даладе масалаш элп ш чаккхенгахь долуш. (Дош ).

-Х1ун 1амор дув ай тахана?

1алашо йовзийтар.

- Х1ун 1алашо ю вайн,хьан эрадара?

-Вай тахана 1емар ду Ш дешдакъошкахь , дешнашкахь кхечу элпех хотта.

1емар ду уьш хаза а , нийса а яздан.

• Тептарш т1ехь дуьллу элп ш.

-Д1аязбе шайн тептарш т1ера мог1анаш.

• Дешдакъошкахь элп ш яздар.

Хьехархочо уьн т1ехь гойту элп ш кхечу элпех муха хота деза.

аш ша ош шо уш шу иш ши.

-Д1адеша дешдакъош. Д1аязде уьш тептарш т1е.

-Х1ун кхиамаш бехи аша?

• Дешнаш яздар.

Уьн т1е д1аяздо дешнаш.

Ша , шар , шовда , деша , дешар , дешархо.

-Д1адеша и дешнаш. Муьлханаш ду гергара дешнаш? Муьлханиг ду церан цхьатера дакъа. Б1аязде дешнаш. Буха сиз а хьакха гергарчу дешнийн юкъарчу декъана.

-Х1ун кхиамаш бехи аша? Хьан яздина хаза?

5. Сада1аран миноташ.

Х1инца бераш хьалаг1овта,

Куьйгаш ирах хьалдаг1айта,

Д1асдаг1айта,хьалха,т1ехьа,

Аьтто аг1ор,аьрро аг1ор.

Меллаша охьаховша,

Х1ун дало шайга хьовса.

• ШОВДА дешан схема х1оттор.

Х1етал-метал хаьийла шуна:

Хьала долу лаьттан бухара,

Ду и шийла , ду и ц1ена.

Х1ун беркат ду аса дуьйцург,

Бераш , шуна девзийла. (Шовда).

-Маса дешдакъа ду шовда дешан? Муьлханиг ду хьалхара ? Шолг1а? Маса элп ду? Аз? Мукъа? Мукъаза? Муьлханаш ду аьзнийн цхьанаэдаларш? Муха билгалдоху уьш ? Йилла схема.

Предложени язйар .

Хоттайэ шовда боху дашца предложени.

Шовда сирла дара.

Д1аязде и тептарш т1е.

-Мас дош ду цу предложенехь.

-Хоттайэ предложенин схема.

Муьлхач элпаца йолийна аш предложени?

Чеккхенгахь муьлха хьаьрк биллина аш?

7. Жам1 дар.

-Муьлха элп девзи шуна? Муьлха аз билгалдо цо? Мукъа ду и аз я мукъаза ду?

8. Рефлекси.

-Х1ун кхиамаш бехира аша?