Денешынықтыру пәнінен "Денсаулық - зор байлық" тақырыбындағы сайыс сабақ

Тақырыбы: Денсаулық зор байлық
Өтілетін орын: Спорт зал.

Сабақтың мақсаты: Заттармен жалпы дамыту жаттығуында үйлесетін қабілетін дамыту төрт тағандап жүруді. Шымыр да шапшаң, ұқыпты да жинақы, талғампаз да қанағатшыл, таза да әдемі болуға тәрбиелеу. Салауатты өмір салтын, дене мәдениетін қалыптастыру. Балаларды шапшаңдыққа, жылдамдыққа, достарына қайырымдылық, сүйіспеншілік сезіміне тәрбиелеу.

Пән-аралық байланыс: валеология

Құралдар: доп, кедергілер, ысқырғыштар, секундомер.

Әдіс - тәсілдер: Көрсету, түсіндіру, сұрақ - жауап, ойын, мадақтау.
Дені сау адам өзі үшін де, ол өмір сүріп жатқан қоғам үшін де керек. Қоғамадағы не бір жұмысты да сол денсаулық иесі ғана атқара алады. Адам бұл өмірде мәңгілік емес. Сол берілген аз ғұмырды дұрыс пайдалана білмесең, ғұмырың текке өтті дей бер. «Денсаулық – зор байлық» деп атамыз қазақ бекер айтпаған болар. Әр адамның өмірінде денсаулықтың орны бөлек. Сондықтан денсаулығымызға көңіл бөліп, дұрыс сақтанғанымыз жөн. Деніміз сау болмаса, ауру меңдеп, қалжыратса, шалқыған байлықтан, ақшадан не пайда?! Осыдан біз ненің бірінші байлық екенін аңғарамыз. Жеке адамның да, мемлекеттің, қоғамның да басты байлығы – денсаулық. Осынау байлығымызға балаған денсаулығымыздың қамын ерте бастан ойлауымыз қажет екенін естен шығарып алатынымыз өкінішті-ақ. Ынтымақ, бірлігі жарасқан елімізде адам денсаулығын нығайту жолында үкіметіміз ерекше көңіл бөліп отыр. Республикамызда салауатты өмір салтын сақтау барысында Елбасы Н.Назарбаевтың бастауымен «2002 жыл – Денсаулық жылы» жарияланғаны баршамызға аян.

Табиғаттың ең қымбат жемісі – адамдардың өз денсаулығына көңіл бөлгені - өзін-өзі сыйлағаны.Осыдан-ақ табиғаттың берген сыйы тұла бойына таза қарап, өмірдің соңына шейін денсаулығы зор болып, адам атына кір келтірмей өту абзал.

1. Топ оқушыларын үш топқа бөлу.

 1- топ «Денсаулық»

Ұраны:  «Денсаулық –зор байлық».

 2- топ «Салауат»

Ұраны: «Салауатты өмір –денсаулықтың кепілі»

 3-топ  «Тазалық»

Ұраны. «Мәдениеттің белгісі-тазалық»

Бір қатармен бірінің артынан бірі жүру, аяқтың ұшымен, қол белде, өкшемен жүру, Қол белде жартылай отырып жүру. «Аю», «Тышқан жүрісі», ирелеңдеп (жыланша) жүгіру, жай жүріс, 2 қатарға тұру, шығыршықты алу. Тыныс алу.

І. «Тәрбие көзі – халықта». Екі топ денсаулық туралы мақал – мәтел жазып оқиды.

ІІ. Шығармашылық тапсырма:

…………………………………………күлеміз,

………………………………………….жүреміз,

……………………………………………….

……………………………………………сүреміз.

Қорытынды: Біз зиянды заттардан қорғану үшін не істеуіміз керек? Оқушылар қолшатырдың әр бөлігіне қағазға өз ойларын жазып іледі.