Դիմավոր բայերի քերականական կարգերը

ԲԱՅԻ ԴԻՄԱՎՈՐ ՁԵՎԵՐ

ԳՈՐԾՈՂՈՒԹՅԱՆ ԿԱՏԱՐՄԱՆ ԵՂԱՆԱԿ, ԺԱՄԱՆԱԿ, ԴԵՄՔ ԵՎ ԹԻՎ ՑՈՒՅՑ ՏՎՈՂ ԲԱՅԱՁԵՎԵՐԸ ԿՈՉՎՈՒՄ ԵՆ ԴԻՄԱՎՈՐ ՁԵՎԵՐ :

Դիմավոր ձևերին բնորոշ են ԴԵՄՔԻ, ԹՎԻ, ԺԱՄԱՆԱԿԻ, ԵՂԱՆԱԿԻ և ՍԵՌԻ քերականական կարգերը:

ԲԱՅԻ ԴԵՄՔԻ ՔԵՐԱԿԱՆԱԿԱՆ ԿԱՐԳԸ

Բայի դեմքը ցույց է տալիս գործողություն կատարողին:

Բայն ունի 3 դեմք՝ առաջին, երկրորդ, երրորդ:

Առաջին դեմքը ցույց է տալիս խոսողի կամ նրա խմբի կողմից կատարվող գործողություն:

Երկրորդ դեմքը ցույց է տալիս խոսակցի կամ խոսակիցների կողմից կատարվող գործողություն:

Երրորդ դեմքը ցույց է տալիս խոսակցությանը չմասնակցող անձի կամ անձանց կողմից կատարվող գործողություն:

Օրինակներ՝ Կարդում եմ ահա նամակդ ինձ գրած ու բառերի մեջ սիրտդ եմ որոնում:

Անակնկալ բախտի նման հայտնվեցիր պայծառ, անձայն:

Շրջում է մի աղջիկ կանաչ ծաղկանոցում, թախծում է նա տրտում ու մեն-մենակ:

ԲԱՅԻ ԹՎԻ ՔԵՐԱԿԱՆԱԿԱՆ ԿԱՐԳԸ

Բայի թվի քերականական կարգը ցույց է տալիս գործողությունը մեկի, թե մեկից ավելի անձանց կողմից է կատարվում :

Բայն ունի երկու թիվ՝ ԵԶԱԿԻ և ՀՈԳՆԱԿԻ:

ԵԶԱԿԻ թիվը ցույց է տալիս մեկ անձի կամ առարկայի կողմից կատարվող գործողություն:

ՀՈԳՆԱԿԻ թիվը ցույց է տալիս մեկից ավելի անձանց կամ առարկաների կողմից կատարվող գործողություն:

Ասացի, որ Հայկանուշ Դանիելյանը երգեց. պատմեցի, թե ինչպես Կոմիտասի հողաթումբը շրջապատելով՝ կոնսերվատորիայի երգչախումբը երգեց «Անձրև եկավ շաղալեն», իսկ այդ պահին թափվող անձրևի միջից մայր մտնող արևն իր վերջին շողերն արձակեց:

Հավաքվել էին Կոմիտասի ընկերները, հայ մտավորականության ներկայացուցիչները, որոնք նրա հետ ընկերություն էին արել:

ԲԱՅԻ ԺԱՄԱՆԱԿԻ ՔԵՐԱԿԱՆԱԿԱՆ ԿԱՐԳԸ

ԲԱՅԻ ԺԱՄԱՆԱԿԻ ՔԵՐԱԿԱՆԱԿԱՆ ԿԱՐԳԸ ՑՈՒՅՑ Է ՏԱԼԻՍ ԳՈՐԾՈՂՈՒԹՅԱՆ ԿԱՏԱՐՄԱՆ ԺԱՄԱՆԱԿԸ:

Բայի գործողությունը կատարվում է 3 ժամանակում՝ ներկա, անցյալ և ապառնի:

ՆԵՐԿԱ ժամանակը ցուցյ է տալիս խոսելու պահին կատարվող գործողություն:

ԱՆՑՅԱԼ ժամանակը ցուցյ է տալիս խոսելու պահից առաջ կատարված գործողություն:

ԱՊԱՌՆԻ ժամանակը ցույց է տալիս գործողություն, որը կատարվելու է խոսելու պահից հետո: