Для школы.Поурочный план

Сабактын темасы: “Компьютердин түзүлүшү”

Сабактын ыкмасы: Интерактивдүү сабак

Сабактын жабдылышы: персоналдык компютерлер, доска, түстүү калемдер, таблицалар, ж.б.

Сабактын жүрүшү:

1- этап. Уюштуруу

а) Саламдашуу б) Жагымдуу маанай түзүү в) Алтын эрежени кабыл алуу

Мугалимдин сөзү: Бүгүнкү өтүлө турган тема “Компьютердин түзүлүшү”

Мугалим окуучуларга сабактын максаттарын айтат. Кана эмесе балдар сабагыбызды үйгө берилген тапшырмаларды текшерүүдөн баштайлы.

Информатика илими эмне жөнүндө илим?

Объект деген эмне?

Көптүк деген эмне?

Келгиле анда ушул темаларга байланыштырып топтордун атын коюп алалы.

Объект тобу жана көптүк тобу.

2-этап: Жаңы теманы түшүндүрүү.

Компьютер- информация менен иштөөчү универсалдуу машина. “Универсалдуу” дегенибиз компьютердин түрдүү максаттар үчүн: ар түрдүү информацияны иштетүүдө, сактоодо, берүүдө, адам ишмердүүлүгүнүн көп кырдуу чөйрөсүндө колдонула тургандыгын баса белгилеп турат.

Компьютер кандайча түзүлгөн?

Компьютердин эң негизги түзмөгү Системдик блок.

Процессор-маалыматтарды иштетүүгө жана компьютердин иштөөсүн башкарууга арналат.

Клавиатура-компьютердин эсине информацияны киргизүү үчүн колдонулат.

Монитор- информацияны экранга чыгаруу үчүн же б.а. экранга информацияны чагылдыруу үчүн арналат.

Маус же мышка- компьютерди башкарууга арналган көрсөткүч, киргизүүчү түзүлүштөрдүн негизгилеринин бири.

Персоналдык компьютерге кошумча түзүлүштөрдү да туташтырса болот. джойстик, сканер, микрофон, принтер, колонка, наушниктер ж.б.

Булардын бардыгы аппараттык жабдылыш болуп эсептелинет.

3-этап. Топтордо иштөө:

Ар бир топко адашкан тамгалар берилет.

ИНФОРМАТИКА, КОМПЬЮТЕР, ПРИНТЕР, САБАК деген сөздөрдү курашат.

4-этап. Логикалык суроолор же табышмактар

6-Этап. Жыйынтыктоо

Баалоо. Топ- тобу менен баалоо.

Үйгө тапшырма. Компьютердин түзүлүшүн жаттоо.