Doklad «Gimnaziya devresinda üürenicilerin türlü çeşit notalamaasın kullanmaasından kaliteya hem girişa garantilemak»

Dolay metodika topluşu k.Çadır-Lunga

Doklad

Tema: «Gimnaziya devresinda üürenicilerin türlü çeşit notalamaasın kullanmaasından kaliteya hem girişa garantilemak».

Gümüşlü A.K.,gagauz dili hem literatura üüredicisi,

TL D.Tanasoglunun adına,Kiriyet-Lunga.2016 yıl

Ban kendi işimda notalamakta kullanerım te bu printipleri:

1.Notaleerım diil üürenciyi,ama onun çalışmasını.

2.Üürenicilar laazım becersinnar bilgilerini kendibaşına

kantarlamaa.

3.Çalışmanın kantarlamasında hem notalamasında ii

tarafları esaba alerım,diil kusurları.

4.Savaşerım küstürmemaa üürenicileri,ani onnarın havezi

üürenmaa gagauz dilini hem lit-nı geçmesin.

Ne o notalamak?

Nota (otenka)-o işlemin protesı (çalışmak) notalamak,

angısını adamnan gerçekleştiriler.

Nota (otmetka)-o bu protesın sonucu (işlemin çıkışları),

nica onun şart formal göstermesi.

Bilgilerin notalamaasını laazım gerçekleşsin üürenmeenin

bütün süresinda, uyarak te buprintiplera:

sistematiklik,amaçlık,obyektivlik,sıralık,üüretmeenin dayanıklıı.

Üürenicilerin bilgi hem becermak notalamaanın neetleri:

üürenicilerinbilgi hem becermeklerina diagnostik hem

düzeltmak yapması, üüretmak protesın ayırı etapların sonuçların sayması, üüretmaan türlü uurlarında çıkış sonuçların belli edilmesi.

Didaktik protesın genel yasallıı:

Üüretmeenin verimniliinnan baalı kontrol edilmak

sayılan, kaliteylan,tamannıklan,vakıdındaylan,

derinniklan,obyektivliklan.

Notaların funktiyası:

üüredici,terbi edici,önlendirici,dürtücü,diagnostikacı,,

ileeri gidici.

Becermeklerin hem bilgilerin notalamak soyları:

günnük kontrolu,tematik kontrolu,sonuç kontrolu.

Üürenicilerin bilgi notalamaasında adetça metodları:

üürenicilerin üürenmak çalışmaasına hergünkü gözletmak, aazdan soruşturmak:individual hem frontal,

kombinir,ders balı,yazılı kontrol etmak,kontrol işleri,

üürenicilerin ev işini kontrol etmak,kendina notalamak.

Üürenicilerin bilgi notalamaasında inovatıon metodları:

reyting sisteması,ese, «Travinka», testlemak.

Üürenmaan türlü etaplarında kullanerım hertürlü notalamak soylarını:

-sıradakı bilgilerin kontrol etmesi hem notalaması, angısını yaperım hergünkü üürenmak derslerinda;

-semestr bilgilerin kontrol etmesi hem notalaması,

angısını yaperım herbir semestranın bitkisinda;

-bilgilerin yıllı notalaması, bütün yılın içinda üürenicilerin

başarıların notalaması;

-çıkış hem geçirici ekzamennar.(Bizda liteyda sadece geçirici ekzamen 4-cü sınıfta).

Adetça metodlardan kullanerım:

1.üürenicilerin üürenmak çalışmasına hergünkü gözletmak;

2.aazdan soruşturmak;Üürenilmiş temanın içindeliina göra üürenicileri soruşturerım.Bu metodu notalamakta en çok kullanerım.

3.ders balı;Ders balını koyerım bilgilar için ayırı üürenicilera,angıları bütün ders çalışerlar.Ders balın koyması verer kolaylık üürenmak aktivliinda,üürenicilerin

serbest dikatlıında hem da bilgilerin kontrol edilmesini yaper sistematik.

4.yazılı kontrol etmak;

Ayrı yapraklarda hazırlanmış soruşları daderım

üürencilera, on minudun içinda onnara yazılı cuvap vererlar.Yazılı kontrol etmak verer kolaylık bir dersin içinda hepsi üürenicileri notalamaa.

5.kontrol işleri;

Yazılı formada bilgilerin hem becermeklerin kontrol edilmesini geçirerim üürenicilarlan ozaman,açan onnar geçtilar ayırı temaları yada ayırı bölümneri üürenmak programasından.

6.Üürenicilerin ev işini kontrol etmak;

Ban kullanerım bir inca tefter,nereda var yazılı herbir sınıfın listesi,yazerım sayıyı hem herbir üürenicinin uurunda gözletmektan sora koyerım plus hem minus. Var angı gün,açan aklımdan çıker gözletmak,o üürenicilar,kim yaptı ev işini,kendileri söleerlar koymaa onnara plus ev işi işin.Onnarın çalışması evda boşuna geçmeer.Kalanı üürenicilerin notaları aşaa inerlar.

7.kendina notalamak;

Bu metodu kullanerım ozaman,açan görerim ani üürenici veran cuvap etti.İnteraktiv tablasında açerım üürenicilerin önnerina onu, nelar onnardan isteniler cuvapta,yazmakta.

Sınıfta yapılı işleri üürenücilar kantarleerlar te butakım:

«Kendi-kendina notalamak».

P-paklık Y-bütün davanın yapılması

D-dooruluk O-okur-yazarlık

S-savaşmak BALLAR

«Aazdan cuvap» kontroletmaankriteriyaları:

1.cuvabındooruluu;

2.onun doluluu;

3.örneklerin olması;

4.materialın bilmesi;

5.fikirlerin sölemesini becermak;

6.annaşılık;

7.dooru cuvapların sayısı;

8.şiirlerda demeklik hem intonatiya.

Yazılı işlar:

okur-yazarlık,paklık,bütün işin yapması,dooru işlem.

Yaradıcılı davalar:

1.originallık;

2.fantaziyanın hem fikirin genişlii;

3.individuallık;

4.yapraksız annatmaa becermak;

5.özlülük;

6.fikirleşmak;

7.estetiklik.

1.İndividual kendini notalamak yaprakları.

Bu üürenmak yılında çekettim kullanmaa individual notalamak yapraklarını 6-9-cü sınıflarda.Herbir üürenici

notalamak yapraanı kableder,nereda o bütün urokta kendi-

kendina balları koyer.Böyla yapraklarda var nica notalamaa dersin herbir etabında yada herbir davanın yapmasında.Var nezaman uroklarda teklif ederim herbir üüreniciya koysunnar kendilerina öncedan notayı, davaların yapmasından hem kontrol etmesindan sora, üürenicilar gerçek notasını kendilerina koyerlar.Bu priöm üürenicilerin kendina motivliini üza çıkarer.Eer üürenici koyduysaydı kendina ön notayı taa alçak,kabledilmiş üüsek nota uurlu çalışmaya ötaadooru stimul verer.

2.Biri-birinin notalamak yaprakları.

Üürenicilar biri-birinin çalışmalarını notaleerlar.

3.Grupanın notalamak yapraa.

Herbir üürenici grupada davanın çözmesinda hem onun göstermesinda notaleer kendinin pay almasını grupanın çalışmasında.

4.Herbir grupadanotacının koyması.

Herbir grupada seçiler birar üürenici,angıları notaleerlar herbir üürenicinin katılmasını.

Gagauz literatura uroklarında 5-9-cu sınıflar için şiirin ezber sölemesinda kullanerım te bu notalamak yapraanı:

Notalamak yapraa üürenici_________klas________

Üürenmak işi:şiirin ezber okuması.

İşin yapmaasına harakteristika uuru:

Üüsek-15 bal

Üüselmiş-12-14 bal

Temel-8-11 bal

Düşük-5-7 bal

Alçak-0-4 bal.

Gagauz dili uroklarında yazdıykana kontrol diktandını gramatika davalarınnan 6-cı sınıfta «ADERLİK»temasına göra kullanerım te bu kantarlamak yapraanı:

Kontrol işin yapmaasına harakteristika uuru:

Üüsek-29-30 bal

Üüselmiş-23-28 bal

Temel-15-22 bal

Düşük-9-14 bal alçak-0-8 bal

Becermeklerin,bilgilerin notalamasında bugünkü metodları.

1.Programalı kontrol etmak.

Buyıl 9-cu sınıfın üürenicilerinnan geçirdik bir intelektual oyununu«KİM İSTEER OLMAA HALİZ GAGAUZ». Oyunculara interaktiv tablasında verildi üz soruş,herbir soruşun vardı dört cuvap variandı,onnarın arasından var niceydi dooru olsunnar 1,2,3,4.Üürenicilerin davası-bulmaa dooru cuvapları.

2.Testlemak.

1.Testlar laazım olsunnar kapalı,cuvap variantlarınnan.

2.Kısalık.Soruş bir sırayı laazım kaplasın.Soruş annaşılı laazım olsun.

3.Cuvapların variantları.

En çok onnarın sayısı 4-6.Herbir variant bir sıracıkta yazılı olsun.

Kendi sözleşmemda isteerim taa sölemaa,ani notalamak aler dersttan çok vakıt,ama o getirer kendi sonuçlarını. Benda buyıl gimnaziya klslarından var sadece 6-cı hem 9-cu sınıflar.Taa çok 6-cı sınıfta savaşerım eni metodları notalamakta kullanmaa.Da görerim,ani açan üürenicilar bilerlar ne onnardan isteniler,onnar taa islaa işleerlar urokta.Notalamak taa ii oler,açan eniliklar kullanılerlar urokta.

Kullanılan literatura:internet resurs.

EKLENTİ №

Protokol №2/ 15-16 26.01.2016 yıl