Долбоор жер-жемиш

Долбоордун темасы:

Айыл жериндеги коромжуга учурап жаткан жер-жемиштерди иштетүү.

Аткарган: Карыпбаев Бакытбек Жээнбекович

Максаты:

Кызыл-Өзгөрүш айыл аймагында өстүрүлгөн алма, өрүк жемиштери иштетилбей коромжуга учурап жаткандыктан, бышыкчылык учурунда кампага топтоо менен иштетип каражат табуу. (Как жасоо)

Актуалдуулугу:

• Азыркы учурда тамак аштын көпчүлүгү химиялык кошулмалар менен даярдалат. Алар ден-соолукка абдан кооптуу. Учурда өлкөбүздө бөйрөк, боор оорулары көп катталууда. Андыктан андан алдын алуу максатында элге экологоиялык таза продукция тартуулоо.

• Башкаларга колдо бар нерселери аркылуу андан киреше табууга үйрөтүү.

• Алма как кыш мезгилинде көп жайылган сасык тумоо оорусунан сактайт, денедеги ар кандай токсиндерди айдап чыгарат. Темир көп болгондуктан аз кандуулуктан алдын алат.

• Өрүк кагы пектин, лимон кислоталарына бай. В1, В2, Р, С, А витаминдери көп кездешет. Өрүк кагы рак оорусун алдын алат.

Милдеттери:

• Жер-жемиш иштетүү технологиясы менен жакшылап таанышуу.

• Иштетүүнүн натыйжасында кошумча киреше табууга болобу деген суроого жооп табуу.

Азыркы учурда Кызыл-Өзгөрүш айыл аймагында 1700 кожолук эл жашайт. Ар бир кожолуктун бакчасында жок дегенде 2ден түп алма, 2ден түп өрүк өстүрүлөт. Орточо эсеп менен бышыкчылык убагында айыл ичинен 100 тоннадан ашык алма, 50 тоннадан ашык өрүк жыйноого болот. Эгерде иштетүүгө алма, өрүк табылбай калган болсо, 10-15 км алыс аралыкта жайгашкан Жетиген, Кызыл-Уран, Саргата, Бууракан, Тельман айылдарынан да жемиш жыйноого болот. Элдерден жемиш жыйноодо WhatsApp группа аркылуу чогултуу чоң мүмкүнчүлүгү бар.

Эсептөө:

Как кургатуучу Германия өлкөсүнөн өндүрүлгөн аппарат “Эльдорадо” 8 миллион сомдун тегерегинде турат. Ал суткасына 1 тонна алманы иштете алат.

100 кг алма 700 сом болот. Андан 20кг даяр как өндүрүлсө 2000 сомго сатылат. Бир күндө 1 тонна алма иштеүү менен 13 миң сом таза киреше табууга болот.

Жемиш жыйноого 2 аял киши, ташып келүүгө2 эркек кишини жумуш мене камсыздап, аларга күнүнө 1000 сомдон төлөөгө мүмкүнчүлүк бар.

Жыйынтык:

• Айылыбызда иштетилбей коромжуга учурап жаткан жемиштерди иштетип элге азык катары сунушталат.

• Жемиш өстүргөн элдер да, жеке ишкер да киреше табат.

Булактар: айыл өкмөттүн статистика бөлүмүнөн, интернеттен.