Домино “Авылым – Ямаширмәм” 5 – 7 яшьлек балалар өчен

Максат: Туган телне өйрәнүгә кызыксыну уяту һәм “Минем туган җирем” темасына караган сүзләрне истә калдыру.

Бурычлар: 1. Туган авылыбызга карата горурлык хисе тәрбияләү. 2. Балаларның авыл турындагы мәгълүматоарын ныгыту. 3. Үстерешле диалог, сөйләм күнекмәләрен, логик фикерләү сәләтен, хәтерне, ишетү игътибарлыгын, мөстәкыльлек сыйфатларын камилләштерү. 4. Балаларда кечкенә төркемчекләрдә, бер-берсе белән килешеп эшләргә, башлаган эшне ахырына кадәр җиткерү теләге тәрбияләү.

Җиһазлау: Таратма карточкалар (домино).

Уен барышы: Уенда 4 – 5 бала катнаша. Балаларга карточкалар (домино) бүлеп бирелә. Иң беренче алып баручы санамыш ярдәмендә сайлана һәм ул карточкасын өстәлгә куя. Балалар карточкада нәрсә сурәтләнгәнен карыйлар һәм авылның кайсы җире икәнлеген әйтәләр. Һәр бала үзенең карточкаларын сурәтен аска каратып каплап куялар һәм берне генә алып ачып карап сурәтне эзли, әгәр туры килсә өстәлдәге карточканың янәшәсенә куя. Уен карточкалар беткәнче дәвам итә. Кем беренче үз карточкалалрын куеп бетерә шул җиңүче була.