Ձայնավոր հնչյունների ուղագրությունը

Ձայնավորների ուղղագրությունը բառասկզբում: Եվ-ի ուղղագրությունը

Բառասկզբում է լսվելիս գրվում է է:

Օրինակ՝ էշ, էկրան:

Ուշադրություն

Բացառություն են կազմում եմ, ես, ենք, եք, են օժանդակ բառերը:

Բառասկզբում ե տառը երկու հնչյունի նշան է և  կարդացվում է յ+է:

Օրինակ՝ եղնիկ, ելակ

Բառասկզբում օ լսվելիս գրվում է օ:

Օրինակ՝ օճառ, օձ:

Ուշադրություն

Բացառություն են կազմում ով և ովքեր բառերը:

Բառասկզբում ո տառը երկու հնչյունի նշան է  և կարդացվում է վ+օ:

Օրինակ՝ ոսկի, ոզնի:

Բառասկզբում ը լսվելիս գրվում է ը:

Օրինակ՝ ընձուղտ, ընկույզ:

Բառասկզբում սկ, ստ, սպ, զբ, շտ, զգ բաղաձայններից առաջ լսվում է մի թույլ ը, որը չի գրվում:

Օրինակ՝ զգաստ, սպիտակ, սկսել, զբաղվել, շտապ, ստուգել:

Բառամիջում և առանձին յէվ կամ էվ լսելիս գրում ենք և տառով:

Օրինակ՝ արև, տերև: