Джумленинъ баш ве экинджи дередже азалары

Мевзу: Къырымтатар тили «Джумленинъ баш ве экинджи дередже азалары»,

4 сыныф

Макъсат.Талебелерге джумленинъ экинджи дередже азалары акъкъында бильги бермек; талебелернинъ лугъат байлыгъыны кенишлетмек; анна тилимизге, Ватанымызгъа севги ашламакъ.

Универсаль окъув фаалиетлери.

Предмет нетиджелери. Джумленинъ экинджи дередже азалары акъкъында акъкъында малюмат алмакъ ве бильгилерни аттырмакъ;

Суаллерге догъру ве толу джевап бермек.

Метапредмет нетиджелери. Дерснинъ эсас меселесини анъламакъ ве анълатмакъ; оджанынъ ярдымынен дерс меселесини чезмек.

Шахсиетли нетиджелер. Озь ишине къыймет кесмек, нетидже чыкъармакъ. Нутукъ медениетини инкишаф этмек.

Корьгезмелер. Джедвеллер, ресимлер, дерслик, карточкалар.

I.Дерснинъ кетишаты

Тешкилий дакъкъа.Селямлашув. Субет.

-Бугунь айнынъ къачынджы куню?

-Бугунь афтанынъ анги куню?

-Афтанынъ ярынки куню?

-Тюневин насыл кунь эди?

II.Эв вазифесини тешкерюв.

III.Темиз язув дакъкъасы:

Дефтерлеринъизни ачынъыз, бугуньки санны язынъыз.

Лугъат диктанты: беяз дивар, къырмызы къарандаш, тёгерек къарпыз, татлы армут, кенъ пенджере, янъы эв, къыскъа ёл, сувукъ ава.

IV. Талебелернинъ бильгилерини актуаллештирюв.

Тахтада:

Кузь. Чешит ренкли кузь кельди.

Ель эсти. Акъшам серин ель эсти.

Оджа: Джумлелерде баш азаларыны къайд этинъиз.

Оджа: Балалар баш азаларыны таптынъыз амма къайд олмагъан сёзлер къалды, олар насыл аза олып келелер?

Оджа: Догъру, олар джумленинъ экинджи дередже азалары олалар.
V. Дерснинъ макъсадыны бельгилев.

-Мевзу акъкъында янъы малюмат биледжекмиз.

-Джумленинъ экинджи дередже азаларынен таныш олмакъ.

- Нутукъларымызны инкишаф этеджекмиз.

VI. Янъы мевзуны анълатув.

Джумленинъ экинджи дередже азалары:

Т амамлайыджы Айырыджы Ал

кимни? нени? кимге? неге? насыл? къаерге? къаерде?

кимде? неде? кимден? неден? кимнинъ? къаерден?

кимнен? ненен? ким акъкъында7

не акъкъында?

Китапнен чалышув:

-43 саифеде 75-мешгъулиет (агъзавий).

-Мында джумлелерде исимни ве фиильни тапынъыз.

-76 саифеде 72-мешгъулиетни окъунъыз (язма).

- Иш орьнеги киби язып беджеринъиз.

VII. Пекитюв къысмы.

Булмача устюнде чалышув (группалы чалышув).

Оджа: Рале устюнде булмачаларны алып бакъынъыз. Булмачаны чезмек ичюн джумлелерни сёзлернен толдурмакъ керек ве тапкъан сёзлерни булмачанынъ дерткошелерине язмалы.

1)Кокте ......... уча.

2)Бизим койде завод ........

3)....... пек къыздыра.

4)Чалгъыджы кемане ......

5) ............ мектепте окъуйлар.

6) Крандан ...... акъа.

7) ........... янъы мевзуны анълатты.

Талебелер смайликлерни корьсетелер. Баалав.

VIII. Нетидже. Рефлексия

Нетидже чыкъармагъа ярдым этюв. Талебелерге ве умумен сыныфнынъ ишлемесине къыймет кесюв.

Биле эдим-

Бильдим-

Бильмек истей-.

XIX. Эв вазифеси.

2 джумле тизмек