План-конспект урока по крымскотатарскому языку на тему: "Муптеда ве хабер – джумленинъ баш азалары. Муптеданынъ ифаделенюви".

Сыныф: 8

Дерснинъ мевзусы: Муптеда ве хабер – джумленинъ баш азалары. Муптеданынъ ифаделенюви.

Дерснинъ макъсады: Джумленинъ баш азаларыны текрарланмакъ, муптеда насыл сез чешитлеринен ифаделенгенини бюильдермек , лугъат байлыгъыны зенгинлештирмек, балаларнынъ иджадий къабиетлерини инкишаф эттирмек, анна мтилимизге , окъувгъа меракъ догъдурмакъ

Корьгезме: джедвеллер , карточкалар, таркъатма материал, лугъат , китап, ресимлер, аудиодиск.

Дерснинъ кетишаты:

1 Тешкелий дакъкъа , дерснинъ макъсадынен таныштырув

2. Эв вазифесини тешкерюв ве онынъ нетиджесини чыкъарув

3. Талебелернинъ бильгилерини актуаллештирюв: Джумленинъ насыл азаларыны билесинъиз?(муптеда, хабер, тамамлайджы, айырыджы, ал). Оларнынъ насыл чешитлери айырыла? Баш азалары –муптеда , хабер. Экинджи дередже азалары – тамамлайыджы айырыджы, ал.) Баш азалары насыл суаллерге джевап берелер? (Муптеда - Ким? Не? Хабер – Не япа? Не япты? Не япаджакъ? Насыл алда?).

3. Янъы мевзу анълатув:Дерсимизнинъ мевзусы – муптеданынъ ифаделенюви. Талебелер тахтада язылгъан джумлелерни окъуйлар, джумледеки баш азаларыны тапалар, муптеда насыл сез чешитинен ифаделенгенини бельгилейлер. (Тахтада язылгъан джумлелер).

1. Мусафирлер узакътан кельдилер.

2. Учю де бирден келип чыкътылар.

3. Биз концертни пек бегендик.

4. Ишкир иште озар.

5. Окъумакъ къолай дегиль.

6. Эки пычакъ бир къынгъа сыгъмаз.

Оджа джедвельге эсасланып мевзуны анълата

              Исимнен                   Сайынен

                                                                                    МУПТЕДА

Замирнен               Сыфатнен          Фиильнен

Хуляса: Муптедабаш келиштеки исим, сайы, замир, сыфат, ве башкъа сез чешитлеринен, эм де сез бирикмесинен ифаделене билир.

5. Пекитюв

а) Джумледе муптеданы итапмакъ, насыл сез чешитинен ифаделенгенини бельгелемек. Аталар сезлер манасыны анълатыла.

Яхшы ниет – яры девлет. Алма теректен узакъ тюшмез. О ничюндир кульди. Оксюзге акъыл огреткенчокъ, отмек берген екъ. Кимдир , бильмем, ахыр янында юре.

Огренмек къолай, огретмек –къыйын. Ана –юртнинъ тереги.

б) «Ким тез» оюны . Эки талебе карточкаларынен чалыша: къарышыкъ алда берильген айры сезлерден джумлелер тизелер, оларны тахтада язялар ве джумлелернинъ синтактик талилини этелер.

в) Талебелер ресим эсасында джумлелер тизелер, баш азаларыны къайд этелер.

г) Группаларда чалышув. Талебелер «Бульбуль» халкъ масалыны динълейлер. Онынъ манасы , гъаеси талиль этиле. Балалар группаларгъа болюнелер, масалны даа бир кере динълеп, чокъча джумлелер язып алмагъа тырышалар. Сонъ язылгъан джумлелерни къошып масалны гъайрыдан тизелер ве эр группа озь метнини окъуй.

Энъь яхшы вариант сечилип алына.

6. Дерснинъ нетиджеси ве баалав. Эвге вазифе. Къаиденен огренмек, эдебият дерслигинден джумлелер сечип язмакъ, дджумлелерде муптеданы тапмакъ, насыл сез чешитинен ифаделенгенини бельгилемек.