ЭЭ аркылуу уюшулган бир тутумдуу сүйлөм

Атама сүйлөм. Кубулуштарды, окуяны, мезгилди, орун-мейкиндиктин аттарын атоо иретинде айтылган бир тутумдуу сүйлөмдөр атама сүйлөм деп аталат. Мындай сүйлөм атооч жөндөмөсүндөгү сөздөн жана сөз айкашынан жасалат. Мисалы: Түптүз талаа. Канча караган менен учкыйрына көз жетпейт. Түн. Ай жарык. Бак жактан музыканын үнү угулат. Мында атама сүйлөмдөр: түптүз талаа (эмне?) – орунмейкиндик; түн (эмне) – жаратылыштын мезгили; ай жарык (кандай) – кубулуштун атын билдирди. Атама сүйлөмдө аны менен байланышта айтылган сүйлөмдүн мааниси зор, анткени ал аркылуу атама сүйлөмдөгү ой андан ары улантылат, тереңдетилет. Мисалы: Согуш. Согуш дегениң – кан төгүү, жакырчылык, кайгы-муң. Атама сүйлөм сүйлөм мүчөлөрүнө ажыратылбайт. Сүйлөмдүн бул түрү көркөм адабияттарда кеңири колдонулат