Ըղձական եղանակ

Ըղձական ապառնի

Ըղձական ապառնին ցույց է տալիս կատարելի գործողության իղձ, ցանկություն։

• Ե խոնարհման բայերի ըղձական ապառնին կազմվում է անորոշ դերբային -եմ, -ես, -ի, -ենք, -եք, -են վերջավորություններ ավելացնելով։

Եզակի երրորդ դեմքում Ե խոնարհիչը հնչյունափոխվում է Ի-ի։

• Ա խոնարհման բայերի ըղձական ապառնին կազմվում է անորոշ դերբային -ամ, -աս, -ա, -անք, -աք, -ան վերջավորություններ ավելացնելով։

Օրինակ՝

• Նրանք հասան իրանց մուրազին, դուք էլ հասնեք ձեր մուրազին։

• Ելնեմ, ծաղկումն է ձնծաղիկների,

Ձյունից ինձ նայող աչերն համբուրեմ,

Գնամ հետևից ծիծեռնակների,

Նրանց հետ ետ գամ, գարունը բերեմ:

Ըղձական անցյալ

Ըղձական անցյալը ցույց է տալիս անցյալում կատարելի իղձ, ցանկություն։

• Ե խոնարհման բայերի ըղձական անցյալը կազմվում է անորոշ դերբայի հիմքին ավելացնելով -եի, -եիր, -եր, -եինք, -եիք, -եին վերջավորությունները։

• Ա խոնահման բայերի ըղձական անցյալը կազմվում է անորոշի հիմքին ավելացնելով -այի, -այիր, -ար, -այինք, -այիք, -ային վերջավորությունները։

Օրինակ՝

• Թռչեի մտքով տուն, ուր իմ մայրն է արթուն,

Տեսնեի այն առուն…