Երեխայակենտրոն դպրոց

ԵՐԵԽԱՅԱԿԵՆՏՐՈՆ ԴՊՐՈՑ

ՅՈՒՐԱՔԱՆՉՅՈՒՐ ԵՐԵԽԱ ԻՐԱՎՈՒՆՔ ՈՒՆԻ ՍՈՎՈՐԵԼՈԻ;

ՄԱԿ-ի երեխաների իրավունքների մասին կոնվենցիայի դրույթներից.

1.Կրթությունը պետք է երեխային նախապատրաստի կյանքի ըմբնման, խաղաղության և հանդուրժողականության ոգով:

2.Հատուկ կարիք ունեցող երեխաներն ունեն հատուկ վերաբերմունքի, խնամքի և կրթության իրավունք:

3.Տարրական կրթությունը պետք է լինի անվճար:

4.Պետությունները պետք է երեխաներին պաշտպանեն տնտեսական շահագործումից և կրթություն ստանալուն խոչընդոտող կամ առողջությանն ու բարեկեցությանը վնասող աշխատանքից:

ԵՐԵԽԱՅԱԿԵՆՏՐՈՆ ԴՊՐՈՑ

• Դպրոցը ուսումնադաստիարակչական հարցերում պետք է ապահովի երեխայակենտրոն մոտեցում՝ ներդաշնակորեն համադրելով ուսուցման ավանդական և արդիական մեթոդների կիրառումը:

• Դպրոցը պետք է ապահովի կրթության որակ ,հիմնական կրթության պետական չափորոշիչներով նախատեսված գիտելիքների իմացություն ,կարողություններ ու հմտություններ:

• Հայաստանի դպրոցների մեջ դպրոցը պետք է լինի ճանաչված ինչպես իր սովորողներով, այնպես էլ կրթության բովանդակության ապահովմամբ,օրինակելի ուսումնական գործընթացով, դրա անխափան ընթացքով,համապատասխան երեխայակենտրոն ուսումնական միջավայրով,շրջանավարտների հաջողություններով:

• Դպրոցը պետք է մշակի և իրականացնի սեփական զարգացման և բավանդակային ծրագրեր և պետք է մասնակից լինի իրականացվող նպատակային ծրագրերի, որոնք ուղղված են երեխաների գիտելիքների , կարողությունների ,առողջ ապրելակերպի ձևավորմանը:

• Դպրոցը պետք է զարգացնի յուրաքանչյուր երեխայի բնատուր ունակությունները՝ուսուցումն իրականացնելիս շեշտադրում կատարելով ոչ թե մի քանի ընտրյալ ընդունակությունների ,այլ հիմնական զանգվածի վրա՝ ուշադրության կենտրոնում պահելով թույլ առաջադիմություն ունեցողների կրթական պահանջների բավարարման խնդիրը:

• Դպրոցը պետք է երաշխավորի ,որ իր կողմից իրականացվող կրթադաստիարակչական համալիր ծրագրերը տրամադրելով կրթական համակարգի ընդհանուր նպատակներին՝ արտահայտում են առանձին երեխաների կրթական կարիքները ,ինչպես նաև հաշվի առնելով տեղական առանձնահատկությունները՝ համապատասխանեցնում է դրանք ընտանիքների և հասարակության համակեցության ավանդական նորմերին: