"Эсэгэ ороноо хамгаалгын Агууехэ дайн минии бүлын түүхэ соо"

Эсэгэ ороноо хамгаалгын Агууехэ дайн минии бүлын түүхэ соо

Нагасамни Зандраев Шобоолой Бадмацыренович 1923 оной майн 25-да Бэшүүрэй аймагай Дабаата нютагта түрэhэн юм. Эхэ эсэгэнь гурбан хүбүүдтэй байгаа. Ш. Зандраев долоон жэлэй hургуули дүүргээд, Дабаатын колхозто хүдэлөө. Арбан найма наhатай байхадань, Эсэгэ ороноо хамгаалгын Агууехэ дайн эхилээ. Минии уг нагасамни артиллерист байгаа.

Шобоолой Бадмацыренович Сталинградта, «Курская дуга» гэжэ газарта дайлалдаба, хоёр дахин хүлөө, тархяа шархатаба, энээнэй hүүлээр нэгэ нюдөөрөө харахаяа болишобо. Берлиндэ зуун километр хүрэнгүй, уг нагасамни Илалтын үдэрые угтаба. Ш.Зандраев олон орденоор, медаляар шагнагдаа: «Шэн зоригой түлөө», «Сталинград хамгаалгын түлөө», «Илалтын түлөө».

Минии уг нагаса залуу наhанhаа моридто дуратай байгаа, долоо наhатайдаа мори урилдаанда хабаадажа эхилээ, оло дахин иладаг байгаа.

Зандраев Шобоолойн басаган минии хүгшэн эжы болоно. Хүгшэн эжымни долоон үхибүүдтэй, арбан табан аша басагад, хүбүүдтэй. Дайнай геройнууд тухай хөөрэхэ ушарай гарахада, бидэ хододоо уг нагаса тухайгаа хөөрөө бэлдэжэ, элдэб янзын мүрысөөнүүдтэ хабаададагбди.

Жамбалова Сэлмэг, 10-дахи «а» ангиин һурагша